客滿庭

营业中

休息中

前幾日（15/4/2024），一班好友又嚟開飯，比起附近酒樓，這間都算多人幫襯。幾位服務員態度都好好。點了一個“我話事自選套餐”選了三選一，B化皮燒腩仔，唔肥，皮脆五選一，選了果皮蒸大連鮑魚，無咩果皮味，蒸得時間剛好再加咗3個餸黑醋金薯咕嚕肉，已食過多次，仍覺得好味鮮竹肉丸浸菜苗啫啫通菜煲，好多大蝦米，好夠味再點咗冬瓜盅，夠火喉，冬瓜又淋又入味，好足料金花大龍躉二食~碧綠炒斑球，塊塊都好大片，好滑干迫野菌頭腩，夠惹味食埋甜品，好滿足啦

呢間酒樓係有啲問題唔係其他人都唔會畀負皮原本11點40分落單等咗20分鐘問原來冇人落單12點10分再落個單經理話唔好意思飲茶咁耐第一次遇見呢件事情如果趕時間千祈要揀其他酒樓

我今日行程有些緊湊，早茶就去在位於現崇山商場的客滿庭，環境舒適 ，早到就茶客不多。我點左3個孖寶：鹹魚肉餅飯配香茜牛肉腸，鳳爪排骨飯配蟹籽燒賣皇，薑汁鷄包仔配濃湯鮮竹卷。茗茶每位$9。點心好味又好食。

聖誕假期約朋友飲茶，最方便有地鐵（黃大仙站D出口），新裝修完的客滿庭最就腳。我們點左午市點心孖寶$48，另加廚點特價孖寶$108。午市點心孖寶是蟹籽燒賣皇和濃湯鮮竹卷。廚點特價孖寶是燒汁雞柳炒烏冬和香茜牛肉腸。所有點心和烏冬都好好味，價錢合理，唔怪之坐無虛席。

晚餐所有野都得個咸字,梅菜扣肉個汁好似漿糊咁.隻雞啲皮淋晒又唔熱,個鮑魚咸到“嗱”脷,燒肉全部肥膏,隻鴨得啲骨...完全冇肉,乳豬又係咸到食唔到.完全中伏,唔會再去.再加上服務態度超差,完全俾錢買難受

晚餐生日飯，到黄大仙客满庭酒楼食，點了六人套餐，其他餸菜没有特色，不作詳细介绍，就是這碟咕噜肉比較不同，本以为是酸酸甜甜橙色的咕噜肉，誰知道來了啡色的糖醋味道的，吃起来有新意，很好味

8月1日政府工前上司，請揾食肥華和其他兩位同事，到此店飲茶兼食中午飯，本來肥華等人都同意叫一個，此店一位部長級男員工，推薦的$298元，沙巴龍兩味套餐，但到扑鎚向另一位女侍應，落呢個餐柯打時，竟獲此位姐姐提示，$298元係呢個餐晚飯時段價錢，若日間時段點呢個沙巴龍兩味餐，就要加多$5O元附加費，係酒楼食同一款食物，日間收費仲貴過晚飯時段，真係令我哋呢枱四位耆英，大開眼界，結果就放棄食個餐，求其柯打其他點心及麵飯，唻食就算，雖然食物有啲掃興，但老同事敍頭，吹水飲酒，氣氛愉快，呢一餐都食得好開心👍👍

好似乞求佢俾我免費飲茶咁？？？？？？？「唔搭檯唔開位俾你」晨早諗住去黃大仙現崇山客滿庭試下，一入到去係自己搵位，搵到位之後，個部長就話「唔搭檯唔開位俾你」，好似我都係要俾錢買單架喎，俾錢仲要收到咁嘅服務。其實你可以唔洗咁問掛，好似個客唔洗錢免費黎乞食咁。好聲好氣啲咁提一提「多人嘅時候可能會搭檯」咁樣大家都會唔會舒服啲，咁其實你服務好品質好先會有回頭客嘅…………….服務態度真係「一流」第一次試就咁樣好失望：）

豆苗同蒸魚不過不失。朋友評價雞肉有點霉。燉湯最好，足料，味道清甜，並且份量足（大約六，七碗）。壽包的蓮蓉饀比較少而且偏甜。無蛋黃。肉似是肉排（無骨），但體積偏小及份量偏少，大塊的是甘薯。但甘薯味道不錯

來到第四年的「SEAFOOD LOVES SAKE」活動，今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗😋今晚提早同屋企人食冬至飯，揀左呢間位於黃大仙現崇山既客滿庭，岩哂鐘意食中菜既屋企人啦，呢個Seafood Loves Sake. 限定套餐有有燒雞、蝦球、鮑魚同斑腩，款款海鮮都好吸引，配埋日本清酒黒松白鹿 中取り 純米 透き SUKI，呢款清酒只用「中取」部分，酒質特別清透無雜質，味道香醇富旨味，特別適合配搭風味突出的料理，同海鮮就最夾啦💯💯🌟鹽焗燒雞雞皮燒到好香脆，雞肉嫩滑多汁，正😉🌟新鮮活鮑魚平時屋企人間中都會去街市買新鮮鮑魚，不過處理上比較費時，都係出去食就最爽，鮑魚蒸到剛剛好，口感爽彈有嚼勁，配搭香醇既日本清酒超夾👍🏻👍🏻👍🏻🌟脆米黃金蝦球香口小食就最岩我，蝦球爽口彈牙，作為佐酒小食一流😚😚🌟干煸野菌鮮斑腩呢道菜用上熱鍋盛上，上到枱聽到滋滋聲聞到好香，斑

朋友剛剛搬左去黃大仙, 咁就要賀一賀佢新居入伙, 於是去左現祟山商場客滿庭食個入伙餐.望望餐牌, 有個第四年的「SEAFOOD LOVES SAKE」活動, 限定套餐. 話明入伙酒, 於是就叫呢個+清酒啦. 「SEAFOOD LOVES SAKE」呢個活動, 係有約40間粵菜餐廳合作，提供日本清酒與廣東海鮮菜式的配搭菜單，提供日本清酒與各式菜餚的配搭。每款清酒 x 海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次. 鹽焗燒雞脆米黃金蝦球新鮮活鮑魚干煸野菌鮮斑腩黒松白鹿 中取り 純米 透き SUKI鹽焗燒雞 – 燒雞燒得皮脆肉嫩, 雞肉好滑, 燒雞重有肉汁流出.脆米黃金蝦球 – 炸到趣卜卜, 又係外脆內軟, 蝦肉彈牙爽口.新鮮活鮑魚 - 鮑魚新鮮, 蒸得剛剛好, 彈牙入味.干煸野菌鮮斑腩 - 斑腩大大件, 魚肉嫩滑, 配上大量蔥段, 野味非常.黒松白鹿 中取り 純米 透き SUKI - 呢款酒只用「中取」部分，酒質清透無雜質，味道香醇，特別適合配搭風味突出的料理.

Seafood Loves Sake 每年臨近聖誕既活動，美酒配粵菜，原來好幾間老志號餐廳都有參與。唔講唔知既原來已經黎到四年喇，簡單介紹一「SEAFOOD LOVES SAKE」今年有約40間粵菜餐廳合作，提供日本清酒與廣東海鮮菜式的配搭菜單。粵菜以外亦邀請了10間不同種類的餐廳展開宣傳活動，提供日本清酒與各式菜餚的配搭。每款清酒x海鮮美酒佳餚都配上最合適的清酒以充分發揮不同海鮮食材的特色，將整體味道昇華至另一層次，為大家帶來耳目一新的清酒體驗。黃大仙客滿庭亦係其中一間參與活動既餐廳，當中有個Seafood Loves Sake.限定套餐，估唔到粵菜配清酒，別有一番風味。1) 鹽焗燒雞燒雞皮脆，雞肉唔算滑但juicy2) 脆米黃金蝦球 粒粒大蝦球以脆米包裹4) 新鮮活鮑魚鮑魚唔韌新鮮爽，有咬口6) 干煸野菌鮮斑腩斑腩肉厚實，鮮味食物都不是主點，重要既係配上黒松白鹿 中取り 純米 透き SUKI此酒只用「中取」部分，酒質特別清透無雜質，味道香醇富旨味，特別適合配搭風味突出的料理。同中菜非常之咁夾。滿足既一餐。趁住而家活動期，一定要試！

今日有事情要到黃大仙附近去辦，湊巧又有個朋友在附近工作，於是兩人相約一起去吃個午飯順帶一聚，朋友說之前去過那間叫客滿庭洒樓食過覺得不錯，提議再去試多次。因酒樓位處比較新的商場中，所以見到陳設、裝潢都很新淨，而且洒樓面積都都很大，室内亦夠明亮。今次由朋友發版我只是坐定定的等著吃。今天叫了叉燒腸粉、燒賣、乳鴿和乾炒牛河。 腸粉的粉皮就中規中矩不算太滑但又不會太厚，内裡的叉燒餡份量也不算得多。至於燒賣上面鋪滿了蟹子，顏色配搭上算是比較好看，豬肉比例也恰當不會只是肥肉，且入口亦很有豬肉味道。乳鴿和乾炒牛河差不多同時上枱，乳鴿就單看外表賣相都很吸引，炸到色澤金黄;不過乳鴿的個頭就小了些，因為沒有太多肉，在少肉的部位就變得有過乾的感覺，猶幸是乳鴿的味道不錯，而且乳鴿都是炸好就很快上枱，所以夠熱辣辣十分惹味。乾炒牛河就炒得很有水準，上枱時都熱氣騰騰，而且沒有河粉是兩條黏在一起的情況出現，每一條河粉都沾滿惹味的醬油，色澤又夠明亮鮮明;也沒有太多油積聚在碟底上。至於牛肉咬入口沒有整口渣的感覺，肉質還算是夠嫩，整碟乾炒牛河有一定的水準;只是份量個人就覺得少了些。 綜觀今次午飯各方面都達中上的水準，是一個不

這不是我第一次去客滿庭食飯，可能剛好是星期五晚上，所以客人特別多，真的可以說是客滿了！餐廳名字改得真貼切！之前去是坐在雀籠的位置的，這晚人太多，就只能坐其他位了。坐在雀籠的位置影相效果會更特別。龍蝦淮山麵很值得推薦，鮮味，龍蝦份量不少，面的份量也不少！芥菜煲也不錯，芥菜也不算很苦。湯可飲添！石斑腩煲皇帝菜整體來說味道價錢服務也不錯，物有所值。雖然他的位置與地鐵站有少許距離，但也不是太遠，值得去試一試。

下午到了黃大仙 現崇山 客滿庭飲茶。叫咗蝦餃、燒賣、叉燒包， 上台食物是熱辣辣的，可惜有點怪味，我相信是非常重味精， 下了十分重的鹽，特別係蝦餃和燒賣嗰啲餡， 我的舌頭告訴我感覺唔新鮮； 叉燒包嗰啲餡少， 肥豬肉多， 味精同樣太多。 之後，叫了一碟生菜，爽脆、熱辣辣、好吃。環境可以接受的，紅紅的燈籠掛在天花上挺漂亮。客人也比較多， 碗+ 枱布 衛生方面可以的。等位時間也不太長，大概十分鐘可以了，侍應工作態度不錯。老實說，食嘢食味道， 點心咁鬼差，以後都不再會回頭。