影片
招牌菜
今晚我们去咗黄大仙中心嘅「客家好栈」食圣诞聚餐！我们叫咗一围好客宴全包宴：贡品鲍鱼聚宝盆嘅鲍鱼都几大只同爽滑弹牙，冬菇都唔算好厚身，但都几入味！上汤大虾球乌冬嘅大虾都几爽甜弹牙，而乌冬都比较腍身！紫金酱炒凤片花枝嘅花枝好爽脆，鸡肉嘅肉质好嫩滑，而且都几大块同份量都几多！大良脆奶卷嘅造型卖相好似一只炸虾咁，但食落原来系炸牛奶，质感都几软滑，奶味亦好浓郁！客家瑶柱鱼蓉羹嘅味道比较清淡，鱼蓉嘅份量就比较少！杞子蒸花尾趸都几大条肥美，肉质好鲜甜嫩滑！葱头酱油鸡嘅肉质好嫩滑，酱油嘅味道唔会好咸！养生藜麦浸水芥嘅嘅芥菜无咗苦涩味，味道都几清甜！腊味糯米饭都算干身，但腊味嘅份量唔算太多！农家粗粮糕嘅粗粮系燕麦，质感真系比较「粗嚡」，但都几松软！另外我们单点咗个双冬羊腩煲嘅羊腩好腍好入味，附送嘅蔬菜篮清洗得都几干净！
继续阅读
我系客家女人，对于客家菜黎讲系属于识食唔识煮既状态。梅菜扣肉同煎酿豆腐系我屋企常吃既家常菜，但我妈有自己独特style，就系佢煮果种梅菜扣肉系属于偏咸走甜而且肉系结实无肥膏既。亦因为甘，我成日都心思思想落黎楼下客家好栈「偷食」正宗梅菜扣肉，今日又比我揾到机会喇！呢到晚市选择好多，但同我鼻B两个人叫唔得多，一于就梅菜扣肉做胆，拖个猪软骨煲喇！梅菜扣肉 $75哇！（心心眼）一碟有八大件既扣肉，每块都见到脂肪同肉分布平均，外皮炸过后，特别吸咐𩠌汁，简直就是减肥天敌！ 扣肉炆至软淋，送入口后随即溶化，淡淡油脂香味及甜甜咸咸的梅菜味系口中爆发。砵仔蒸白饭 $12梅菜扣肉超级送饭！ 所以紧系要叫个靓仔（白饭），捞埋啲梅菜食喇！ 萝卜咸菜猪软骨煲 $38客家好栈最近推出左啲新菜式，价钱好抵，好似呢个猪软骨煲甘，只系$38渣。刚刚煮起，上枱时个汤仲十分滚动， 平时食既都系浓味既汁煮猪软骨，今次见到猪软骨白雪雪甘有种光脱脱(!?)落左妆既感觉，看起来像是平时的煲汤猪肉。吃起来感到有点失望，口感跟软淋的扣肉相反，结实烟韧，个软骨几乎咬唔烂，进食得好辛苦，味道小小咸。汤底是以咸菜萝卜滚出来的，有小小奶白色，亦有上汤的味道。不过咸菜超咸，萝卜还可以，无渣，入味但不死咸。能够在屋企楼下吃到好味的梅菜扣肉，确实感到幸福。但撇除食物质素，服务态度真的颇为恶劣，追加一个白饭叫左三转服务人员才有，你推我我推你。梅菜扣肉的大碗𩠌汁处处，又油又湿，希望店家改善。
继续阅读
耐不下，夹到妈妈放工我地会两个一齐食饭，两个人叫左一个花胶杂菇煲，瑶柱蛋白炒饭，落单时姐姐sale我地试下佢地推广嘅炖汤，咁我地就叫一个share花胶煲好足料呀，味道刚好：西兰花：可以淋番d就好了云耳同杂菇：吸晒煲嘅精华，正呀，爽爽的菇感花胶：大大细都有10 - 12件左右啦，又系爽质，平价也可食到花胶，都okay啦，haha汤到了，系鸡汤，我同妈都觉得，好喊瑶柱蛋白炒饭：炒得干身唔油腻，不过唔多觉有瑶柱，味道正常，不过淡淡冇味，而且加入菜粒味道更清新，望落更色水冇咁单调食食下叫左个金蒜青瓜：蒜冇味，亦唔够味，好一般
继续阅读
星期日Family Day，茶楼总是人山人海，坐满一家大细，共聚天伦之乐。点心来来去去都是那数十款，没有什么特别。食物价钱都算合理，照片时间：食物普遍偏咸，味精较多，吃完了很口渴，要不停喝水。如果不是为了迁就老人家，应该没有下次了。
继续阅读
懒煮饭，同老公去附近客家好栈食饭叫左几个送，梅菜扣肉，好味 炆得够淋 牛肉炒通菜，一般吗 D菜炒到好老 牛肉好鞋 鸡软骨冻左少少 陈醋云耳醋好香有口感 另外叫左个白饭~原来有蕃薯放系个钵仔度蒸~ 整体都几好味，不过不失~服务有待改进，有些阿姐讲嘅唔系广东话/普通话 我地完全听唔明啰 =_=||
继续阅读