客家好棧 (已結業)

週末的節目，當然是陪家人飲個茶食個包。這一間客家好棧在香港各區都有分店，是稻香集團旗下的酒家。之前也有來過吃，食物品質不錯。但是中午真的比較欠缺人手，等了很久才有人來下單，而點心也是等了很久才上，很推介這家的咸水角，但馬拉糕的味道就比較一般。叫了五個點心，$108元

放假好得閒走去飲下午茶.叫左:酸甜脆雲吞,白灼鼠耳時菜,蟲草花太子丸粥,蠔皇鴨腳扎,飛魚籽珊瑚餃,消暑梅子排骨,紫薑牛肉球,順德鯪魚球湯米,韮菜豬紅.酸甜脆雲吞:酸甜味美,香脆可口.白灼鼠耳時菜:生菜爽甜,木耳爽口.蟲草花太子丸粥:味道好淡,丸子好粉,一般.蠔皇鴨腳扎:一般啦,個醬太濃,有小小鹹左D,鴨腳有異味.健飛魚籽珊瑚餃:普通,用料好小,唔得.消暑梅子排骨:份量小到冇人有,味道淡梅味唔夠.紫薑牛肉球:蒸得太乾,口感好差.手順德鯪魚球湯米:米粉份量大,鯪魚球夠味彈牙.算係比較好嘅一樣.韮菜豬紅:好重異味,食左小小就放棄.整體得個平字,出品太差!

因工作關係到此一食.叫左:咸菜豬肚窩,和味污糟雞,臺式煮花班咸菜豬肚窩:咸中帶辣,係黑胡椒嘅辣都幾野味,飲一啖湯十分醒神,豬肚份量都幾多幾淋,重有好多白果,支竹都好夠味.和味污糟雞:同一般蒸雞分別不大,以雪雞來講肉質都可以,但冇咩特別.臺式煮花班:一個講完"梅"整體:普通.

之前兩款都試左,冇理唔試齊三款架.今次要去客家好棧.叫左:豉汁涼瓜牛肉,2隻$1雞.豉汁涼瓜牛肉:涼瓜炒得比較生,糖唔夠,所以好重草青味,牛肉算合格,但冇咩特別.第一隻$1雞:味道同肉質都可以,部份滑嘅,但都有些部份好嚡.第二隻$1雞:同第一隻好大分別,好鹹.食多件都可能影響個腎.最重要唔止我覺得,有其他人都覺得鹹到入唔到口.點解,廚師一定知啦!

不知何解，老婆突然鍾意嚟客家好棧飲茶，其實都喺想食佢個鹹茶果，所以趁出開嚟尖沙咀處理銀行嘢，就順勢上嚟東企業廣場嘅客家好棧嘆茶食晏。雖然位處遊客區，但驟眼睇嚟茶客都喺以本地人居多，雖然感覺幾旺，由於依度一向容許搭枱，所以等位唔耐。我哋兩個都肚餓，同埋志在「填肚」，所以快手落單，隨意點幾款，亦都唔使點等好快有得食！客家鹹茶果 $17上次試過晒鹹茶果同甜茶果，發覺鹹嘅好食啲，嚟依度都喺為咗佢，所以客家鹹茶果喺必然選擇。原味嘅鹹茶粿，內餡鹹鹹香香，外皮煙煙韌韌，水準仍然保持到呀！鮮菇蒸魚肚 $17好清淡嘅一款點心，菇菌跟魚肚同蒸，「騎騎尼尼」加啲雜菜粒，個人覺得普普通通啦。香煎菜肉包 $17平時食菜肉包多數食蒸嘅多，見佢有款煎嘅菜肉包，又試試會喺點。整體味道唔錯喎，豬肉、榨菜落足料，幾夠味，個包面同包底煎過吓又帶點脆同焦香。醬皇金錢肚 $23食點心嘅金錢肚嚟嚟去去都喺咁上下做法，眼前依籠都唔例外，跟排骨、鳳爪差唔多都喺經常會點嘅點心，貪佢夠惹味嘛。金錢肚炆得算腍，唔會好似橡筋咁韌，墊底嘅麵根吸滿汁，亦都唔好錯過！匆匆嚟，就匆匆走，真喺為食個客家鹹茶果！

稻香系嘅酒家，以「客家好棧」幫襯得最多，亦以尖沙咀東企業廣場依間分店最常到，無他嘅，位置好，港鐵東、西鐵線、荃灣線都就到，啱晒今次出席飯局嘅九龍人同新界人。再者，客家好棧經常賣廣告推出全包宴，不時又定期轉款，價位實惠，又提供埋$100折扣優惠券，人少半圍又得，每人百鬆啲就食到飽飽，至緊要係質素又唔差丫嘛。 以前團契三十多人，依家經過十幾廿年，個個組織晒家庭就各散東西，住晌香港唔同角落，返嘅教會都轉晒，大部分見面都少咗好多，個別熟落啲嘅就會間中聚一聚。就係咁，每隔一年左右，就會約班舊團友聚聚舊，食番餐，依類飯局一年都有好幾次，因為團契內都分咗唔同團友組合。雖然現今通訊發達，又快速，facebook、msn、whatsapp……要聯絡嘅應有盡有，但奇就奇在大家真係要等餐飯局先嚟聚一聚，傾吓偈！今晚7人出席，女多男少，半圍菜夠晒咯。依輪「好客情」全包宴陣容仍然保持豐富，一共8道菜、一個蒸米粉、一個糯米飯，仲有糖水同飲品，雖然係半席，但份量唔少。可能好多人都係基於同一心態，交通方便，抵食夾大件，加上是晚係星期五，真係座無虛席，驟眼所見，有啲仲翻咗兩轉枱，幸好無話有時限交枱，我哋咁耐無見，一晚都

不知由何時開始，原本只盛行於圍村的盤菜，已伸展至港九各地，更因以外賣的形式發售關係，家家戶戶於大時大節，不少也來上一個，想除了應節的緣故之外，也可能只需作簡單的加熱，不需花上功夫於廚房有關。咱們家於大年初二，也於稻香集團屬下的客家好棧購上一個，約六至人的份量，承惠七百大元。用上一個帆在的手提袋，令長途的運輸途中，來得方便之餘，也減少倒翻的機會。除主要的大盤之外，主要的還有兩枝盤菜汁，其實以當天來說，倒上一枝在盤內，略為翻熱已經足夠入味。看面頭的材料，除了大蝦、冬菇、蠔豉及瑤柱之外，更有現下流行的鮑魚、花膠及海蔘等。說回這個盤菜，雞隻只得四份一隻、肉質來說也是強差人意，味淡的蝦肉更是令人失望。至於墊底的有鯪魚球、香芋及豬手等，感覺這個盤菜正是「高不成、低不就」，雖然有所謂的高級食材，其實美味與否見仁見智，勝在那些豬手膠質既重，質感亦算爽口，其餘的就找不著可取之處了。不論盤菜是否源自宋帝昺的落難美食，作為圍村的傳統風味，最下價的豬皮、魷魚、蘿蔔及門膳腩肉等，完全是盤菜味道的靈魂，缺少這些食材之後，已完全是兩回事，現今所謂的同名之物，多以名貴食材作招徠，可惜只得其形而欠其實，今次來說，當交個

點了的食品:冬瓜盅-------特惠價38蚊！好抵食！唔係好多料，但淨係食瓜肉都抵！好清甜。一盅有六碗。生0者穗香雞--------算係咁多味餸入面最有味既一碟，但都係算啖。但我個人都覺得好味道，外面食野乜都濃味，難得呢度食野有味，但唔會食到好濟既感覺。客家煎釀豆腐------都係偏淡，肉係好細塊，感覺比較"DRY"，絶唔係啖啖肉既感覺。我個人較喜歡肉感一點，肉可以厚點會好一點。雲耳脆瓜炒藕片------------呢味餸有紅辣椒煮，清淡得黎辣辣地，都幾惹味！藕片好爽！正！海鮮賽磅蟹------------比想像中冇咁滑，呢個冇乜特別，下次唔會叫。味道依然係一貫作風，淡！濃湯瑤柱鮮菌菜苗------------好家常既一個菜。有些翠肉瓜，都OK 啦。砵仔蒸飯-------------賣相特別，食落冇乜特別。半打蓮蓉蟠桃--------------超抵食！25蚊可以有半打！食完咸野想食下甜野既食家可以點啦！大大個...唔係細個0個D呀！當然唔好預佢有蛋黃，係冇既！杏仁茶---------稀稀的！味道又好啖！連甜品都好有營！芝麻糊---------我沒有吃，聽朋友講都只係粉開既質素，12蚊

已第三次到客家好棧用膳, 第一次是吃午膳, 第二次是吃晚飯.今次是媽媽提議到客家好棧吃她的生日飯, 因為她被那本飲食書所介紹的酥皮原味雞及脆皮炸大腸吸引.老實說, 我並沒有期望這兩道餸會有什麼特別, 因為之前吃晚飯都覺得這家食物水準一般, 沒有什麼大驚喜. 無法啦!! 難得媽媽提議, 不防一試吧!!經過今晚的生日飯後, 我可以說這家客家好棧真的不錯了,食物質數已有一定的水準了. 特別是那道酥皮原味雞及糯米飯, 我們一行5人, 吃完之後都贊不絕口.酥皮原味雞: 須預訂的. 不但雞脾嫩滑, 就連雞胸都很嫩滑, 難道真的選用上等走地穗香雞? 以藥材湯煮, 香嘖嘖的藥材味, 不會太強烈, 每一件的雞肉都非常入味.

Original had booked the dinner set for celebrating Mothers Day. The menu was pre-set which has been order week ago. We have been waiting for almost 45mins for the food. There was water dropping from the air-con to our tea. One of the food items 鵝掌was sold out and they have replaced with another 鮑魚菇 WITHOUT notifying us until we found out ourselves and pointed out. The waiter, Mr. Lo apologized politely, saying they forgot to inform us. We claimed we booked the menu in advanced and how come it co

大年十一, 來到到尖咀已經是差不多三點, 酒店的茶市已經差不多都完了,於是乎去很久沒有踏足的”客家好棧” 自從它搬遷後未有幫襯過, 是日下午茶市都有8成滿, 點心如下:牛肉球- 三大粒, 口感味道OK,潮州粉菓- 饀料粗切正宗,咸味適中,合格咸水角- 即炸有四個, 餡料不會太小,味道又可以喎,排骨蒸陳村粉- 味道可以但排骨份量較少兩個人食勉強夠, 多個人食就要搶食,而且賣相不佳,應該執執D擺位盡可能好樣少少,亦明白這是農村菜不講究賣相,但擺係酒樓賣就有要求架啦,义燒飽- 這裡做的义燒飽皮似乎係經過特別處理的, 特別的軟熟, 這裡也特別註明這點, 所以這裡的飽飽全都有註明”軟熟”不過個人則感覺這超軟熟的口感來得有點怪, 不能說不好只是好奇它用了什麼程序來處理的呢?南乳蒸豬手- 味道可以的, 但唔知點解右了一小撮髪菜可能因為是新年的關係,效果不佳蒸蝦素餃- 皮同饀料都OK整體表現OK,因為在這區來說算是平易近人的了

稻香系，好多時都以平、抵食見稱，所以有時一大班人想搞飯局，又想平，唔想去泉章居等位，不如去稻香系嘅菜館啦，今趟再揀客家好棧，主要原因都係就腳，食完方便大家搭車走，荃灣線，西鐵線，東鐵線都得。訂咗枱，一嚟就有位，因為個場都係約八乘幾滿。由於我哋有6個人，所以未嚟之前已經諗定食佢個套餐，要半圍，都係$468（一至四嘅價），1湯7菜1飯，包埋甜品同罐裝汽水，仲要免茶芥加一，不過，見佢有個推介「酥皮原味雞」，問個餐可唔可以轉，個侍應話無問題，不過要補$100，咁貴？原因係半席套餐嘅雞菜式係半隻，但原味雞一定要係成隻上，所以先要補咁多，經商量後，大家覺得改咗為起每人都唔使$100，就即管試吓見識吓。客家老火湯廣東人都係慣咗先飲湯，一大瓦煲粟米蘿蔔煲豬展，雖然普通，況且亦唔多係客家湯水，但都算係老火湯，幾甜，而且點只夠6個人飲呀！紫菜鳳凰卷用紫菜捲住煎蛋皮及甘筍條，再酥炸，然後斜切小件，賣相幾靚，而外層炸得香脆，紫菜、煎蛋、甘筍嘅配搭都OK，最鍾意反而係伴伴碟嘅麻醬粉皮，一涼一熱，減減個熱氣感。風味炒鮮蝦仁風味炒，即係咩風味？客家菜有個出名嘅梅菜扣肉，無咗扣肉，換咗蝦仁用梅菜炒，梅菜鹹香，都幾惹味

究竟一間去完再去、寫完又寫的食肆，是否還有可談論的空間?! 與其不停發掘新的內容，何不反其道而行，返璞歸真，用其最平常的菜式，去重新看待一間菜館原來的「個性」。說的是家人常去的「飯堂」--- 位於尖沙咀的客家好棧。週日的晚餐，原因也是意料之外，只知撞正造冬時節，當晚是全場爆滿的局面，平時稍作登記便可坐下，我們五個人在沒有預訂之下，今次卻要等侯十五分鐘在可入。也不是正式的造節飯，也就隨意地點幾個小菜算了，卻不知是否沒期望反帶來希望，簡單不過的家常便飯，反而嚐出一點味道，比早輪的精選套餐，美味之餘而來得實在。先來的是蟹肉桂花炒粉絲，這一道菜曾在元朗的大榮華試過，當年印象已佳，如今落在稻香集團手裡，食味依然不俗。普通的粉絲，配上蟹肉和雞蛋落鑊大火炒製，其間加上上湯來煨製，最後還灑上金腿絲和銀芽來吊味，出來的是濃郁的鮮味和蛋香，又混上一點銀芽的清新感覺，剩吃與送飯皆宜，比真正的魚翅好吃得多了。再來半隻東江鹽甑雞，以往用的是瓦煲來崛焗，今次改為用大碟來盛載，也不知是否真的用鹽堆來焗製，用的雖是冰鮮雞，處裡得宜之下，總算來得肉嫩，味道帶上鹹香之餘，最大改進的是雞皮表層不再軟身油淋，抽乾多餘的油水後

星期天的下午一時正, 上到來竟然有位, 好神奇呀, 阿姐見我們一坐低便立即推介小食, 正式名記不起了, 大約是 “羊排湯” 之類, 只$18, 無所謂啦, 試一試, 只覺湯味太咸, 羊排太碎而多骨, 另外的點心有, 一. 蝦餃, 皮不夠彈口, 蝦沒有味道而且咬口不佳, 菠蘿义燒包, 皮太厚, 义燒做得太甜, 但勝在夠熱, 二. 綿花雞, 魚肚尚算可以, 而且夠多, 但雞件有暗色, 不太新鮮, 三. 咸水角, 夠熱, 材料足, 但皮略厚, 四. 煎堆, 不夠熱, 但味道好, 不算太甜, 五. 粉果, 皮厚但材料十足, 而且夠熱, 不差, 六. 上素腐皮卷, 太油, 但皮算簿煎得微脆, 而且材料有咬口, 不錯吧, 另外還有些茶果之類的點心, 沒有我份兒, 不評了, 另再加一碟 “菠蘿雞粒炒飯”, 炒得干身不油, 但食落, 感覺不太夠鑊氣, 這全是主觀性感覺, 很難詳述出來, 但只是$48一碟, 算平了,

對稻香集團直屬的客家好棧，印象是經濟實惠、待客也算有禮， 食物水準只算不過不失，至於舖名標謗的客家味道，唔............怎樣說呢?! 就像童話國王的新衣入面，「裁縫」利用眾人的心理弱點，一件不存在的「華麗衣服」，卻騙說只有聰明人才可看到，騙到眾人；我是一個不太聰明的人，品嚐味道多直覺，加上一些資訊，最後也只憑平常心去看待這一間「客家菜館」。與家母賀壽也不需要太破費，一家人齊齊整整吃一頓晚飯已是樂事一椿， 更邀得準親戚們同來聯誼，點了一個六人享用的「友客情」套餐，見價錢不貴之下，也樂意加多五十元，將套餐內的老火例湯轉成一個較「高檔」的燉湯。 這個布袋雞湯也真有爭議性，明顯是向國內流行的豬肚雞煲取經，原個的豬肚內包了半隻雞入去，但湯身呈現深黑的色澤，不是心目中的奶白色，經長時間燉製之下，味道也確是鮮甜，內裡加了胡椒粒更添上一點火辣，也不知還有甚麼乾坤?! 原來除了豬肚和內裡的老雞外，更加入大量瘦肉和雞腳於入盅內燉製，沾了醬油後的湯渣還算不賴，大大的一盅湯也剛好足夠七人享用，若論正宗造法，是和認知的有點出入，以味道層面來說，已屬有所交待。打後小菜陸續送上，村味醬燒蝦近似美極蝦的造