影片
食物质素极差，啲野食唔讲以为比狗食。有酸馊味，似隔夜𩠌。上菜速度极慢，630入座叫野食，叫呢样冇过样又冇，叫完之后够胆死830都未上齐。催左不下5次单，净系识讲煮紧，煮咩要煮两个钟啊？埋单走人之后仲发现有2个菜未上。嬲到震份量少，一碟菜得果鸡碎咁少卖几十蚊，最特别系个虾球伊面，一啖食晒盛惠128蚊。服务员态度差，叫佢过黎帮手处理上菜问题，态度好似系前世欠左佢咁，句句窒住晒。呢间咁嘅垃圾建议如果冇心做就快啲执左佢啦，整啲比狗都唔食嘅垃圾比人食好咩？唔会再有下次！
继续阅读
终于同屋企人夹到平日一齐去饮茶🥰疫情之下真系好耐好耐冇饮茶，今次系疫情开始之后第二次嚟，其实几年前都嚟过一次，感觉都坐得好舒服👍🏻今次再嚟印象更好!首先要讲吓佢转咗新嘅落单方法，扫QR code落单，感觉几好，环保过用点心纸，又check到自己落咗啲咩，不过老人家用可能就冇咁方便第二样要赞嘅系每张枱隔离都有部车仔，有个自动加水煲水嘅热水壶，隔离仲有个位系倒污糟水，加水倒水，冲茶全部自己搞掂 👍🏻👍🏻嘢食方面，大致上都唔错👍🏻点心孖宝好抵食👍🏻推介菠萝叉烧包同咸水角拼煎堆，上菜时热辣辣好香口😋因为太肚饿唔记得影食物相😂埋单好抵，满$180仲有8折～
继续阅读
首次光顾这店，感觉非常良好，店舖楼底高且先进化，手机落单之余每台客也有自家茶水枱，还采用了316不锈钢水壶👍🏻 食物水准出色。朋友极力推介梅菜扣肉，是必点必吃之怀旧菜，扣肉出奇不肥非常入味，吃了也没多大的罪恶感，而梅菜更铺满整个碗底，送饭一流。咸菜猪肚汤大大镬，胡椒味极浓，猪肚煮得很软身，饮完一碗又一碗。脆皮炸大肠，即叫即炸皮脆内嫩，加一片子姜能减少油腻感。海味杂菜煲份量相当大，用料十足绝无手软，疏菜款式多使底汤变得很清甜。
继续阅读
星期日，一早去饮个早茶，用左QR code，搞到d老人家唔识落单，怪呀～～我都俾个app搞到落错单，但又揾唔到人帮手，硬食宜家有个$300现金卷都抵，即买即用，仲有好多优惠卷，2021先过期
继续阅读
同屋企人去饮茶，呢间会有惊喜俾到我。有位入座既时候，侍应就即刻俾一个茶包我，埋位后原来有一个泡茶枱，有自动出水同煲热功能，可以按自已需要泡茶加水。唔需要再不断叫人黎加水，方便不少，值得一赞的设计！虾饺够大只，皮又厚度适中，不错！汤米粉个米粉俾想像中大份，4个人食真系够晒饱。值得一提系个米粉唔会煮到淋晒，食落有咬口沙姜鸡特价三十几蚊，有一大碟鸡，d鸡仲要滑口的生菜鱼肉生菜份量都足够，鱼肉虽然大大粒，不过味道就普普通通。
继续阅读