呢间店系老婆公司附近，寻晚接老婆唔知食乜，见呢间舖好似从前醉琼楼个D装修，又开左好耐，就入去试下。始终街坊生意为主，装修都好旧，黎帮衬就预左要搭抬，其他食客多是阿伯，大家好似好熟，个个高谈阔论，好有地痞麻甩FEEL。好啦，讲返食物，一黎就送左个例汤，西洋菜煲猪肉，味道唔错。我地两个人叫左个东江豆付煲、炆猪手同咕噜肉。每款都系$39蚊，仲有饭有粥送。豆付煲都有6-7件酿豆付，味道OK，炆猪手入味，不过毛未清晒，而且手指较多。咕噜肉个汁唔太酸岩岩好，肉炸得几脆口。整体以价钱论算超值，招呼亦唔差。埋单都系百二蚊，抵食。
…查看更多
…查看更多
