客台軒 (已結業)

客台軒是不少北角區教會弟兄姊妹團契後晚膳相聚的地方，今次我們一行五人和導師本來打算去一間茶餐廳，但剛好沒有大枱，有姊妹提議去客台軒，故此就去了該處食晚飯。由於當中有姊妹食唔到辣，故此點了數味清淡的小菜，成一個套餐，另加一碟小菜。我們點了：清蒸鯇魚白飯魚炒蛋粉絲雜菜煲咕嚕肉（菜單不用這個名字，但忘記了）另配一煲例湯，兩個小食（蒜泥白肉和素鵝）可能我一向吃開味道較濃的，不習慣清淡的菜式，但今次卻真令我們失望，因為：味道好似茶餐廳（多味精）；上菜是快，但似乎有點心急；價格昂貴（四人套餐要$318，但吃不出應有水準）；看來我都不會自己再試了......又貴又唔好食......同樣的價錢，去一間同級酒樓，可以吃到較好的菜式........

鹹魚雞粒炒飯：普普通通，飯有點硬，不太香。竹筒蝦飯：不好吃。無甚味道之餘又冇料。煎腸粉：煎得香口，腸粉本身則要靠醬料調味，也略厚了點。馬拉糕：很難比得上萬花紅的馬拉糕，也無甚香味。鲮魚球：濕濕淋淋的鲮魚球，引不起食慾。流沙包：對點心巳無寄望，普通流沙包一個。這裏唯一可取的是價錢實惠，下午茶時段客飯優惠外，點心(不是全部) 只是8.8，還能怎樣。而且座位不太逼窄，可說寬敞，服務良好，所以有一定的捧場客。

看到派上門的廣告北角有家台灣店客台軒，便與老公去試試。要了台灣出名的三杯雞、一碗牛肉面，加上服務員推介的台灣青菜A菜。本來滿懷希望能嘗到地道台灣餸，沒想到加了很多薑、蒜的三杯雞，一點雞味也沒有，擺明連冰鮮雞都不如；牛肉面裡的幾片牛肉，味道淡淡的，香味全無；而A菜原來就是周街都有的油麥菜。三杯雞58元，牛肉面35元，一瓶珠江生啤16元，A菜價錢不知，買單時收199元，沒想到的貴。只此一次，不會再去。

上星期日晚上到這裹吃晚飯, 七時仍有很多空枱. 叫了以下食物:三杯雞, 雖是特別推介, 但祗是普通炆雞, 味道普通, 且很多油松子鱸鱼, 可能因食物不新鮮, 鱼雖炸過, 仍很腥, 十分難食客家小炒, 紅油抄手, 牛肉麵, 以上之菜味道普通,

上個禮拜6, 好友新居入伙, 成班fd玩到成8點見餓就話去食飯. 屋主話去客台軒啦, 我即上openrice睇下, 就話好似唔多得喎, 咁多食評x佢 屋主老友就話試下啦, 同老婆去過都ok... 咁咪成班跟住佢去試下啦果晚叫咗咩胡椒豬肚湯, 阿嫲燒雞, 香香蝦, 炒硯, 炸墨魚丸, 梅菜扣肉, 燒味拼盤等..咩胡椒豬肚湯: 好重胡椒味, 夠辣.. 冬天飲一流 阿嫲燒雞: 真係幾好味, 夠嫰口, 好似以前喺大陸食d bb燒雞 香香蝦: 即係黃金蝦, my favourate, d蛋黃好正, 蝦就ok size啦炒硯: 殼就好多, 但硯肉就冇乜... 味都有少少怪, 甜甜地咁 炸墨魚丸: 一般, 用嚟送beer幾好梅菜扣肉: 幾好味, d肥肉"long下long下", 梅菜salty咗少少燒味拼盤: 燒腩仔好脆, 燒鵝同义燒都唔錯service就真係麻麻地, d阿叔阿姐叫3次先應你1次... 火都嚟 overall唔太差, 嚟開呢頭都可以試下嘅

做冬果晚同父母去食飯.諗住試下新野.一見係飲茶已經大失所望叫左幾個食送.真係以後唔洗我再去海瓜子: 即係炒硯. 炒得太熟,硯肉已經甩曬唔知去邊.同埋好多硯殼碎(中曬埋! 咬到牙都崩)鹽酥蝦: 蝦冇蝦味(都唔知d蝦食咩大)海皇煲: 又係蝦冇蝦味. d豆腐都ok既. 不過好少海鮮.唔知咩豬肚: 我冇食. 不過父母都切得太幼,冇味 但係調味太咸瑤柱蛋白炒飯: 瑤柱蛋白好少.蔥就好多! 同埋炒唔勻, 食到好大舊鹽!加埋d service好差! 埋張單難過cut i-cable!!!!3個人$400幾埋單 但係食唔飽!

放左工同d同事去附近食飯，有人想食下d特色野，就走左去客台軒，發現間野都唔差。一行人叫左8碟野，先上既係佢地既招牌六小碟，雖然賣相就一般，但係食落都幾香，d海蜇幾爽口。之後就係欖菜肉碎四季豆，ok咁啦跟住就係梅子大蝦，d蝦夠晒大隻，梅子既酸味又岩岩好，只係呢碟野我都食左成碗飯呀!!!之後又食左當歸炆鴨，呢個湯我就覺得太重藥材咪，但其他人就唔錯wor， 跟住係鱸魚，算係幾鮮， 又幾滑咁啦跟住就正拿，佢地推介既阿嫲燒雞，一黎到就聞到陣香，d皮脆卜卜之餘入邊都仲係好juicy，一d都唔dry，勁正 (今次既重點推介)之後係梅菜扣肉，d肉入哂咪好正，不過梅菜太少…(可能我太like梅菜)其他仲食左個泡菜炒飯,不過不失咁啦總括黎講，其實間野都幾好，唔係好明點解之前果幾個post踩到佢咁一文不值 -.-特別推介梅子大蝦同阿嫲燒雞，係幾正ga~

倆佬從大陸到台灣，再到香港定居，回味食『鳳凰降世』(我看香港人不知這味是什麼菜，也不知什麼叫台灣菜)。北角『客台軒』名字挺特別、得意。鳳凰降世有少少蔣夫人主廚功夫，湯辣還算適中。　　開業到今同孫兒媳婦去過四次，老人多咀少少囉嗦。午市排隊等位時要約十幾張櫈於門口，我們這批伯字頭的人，暫且有短暫休息。但昨天才接到另外一個朋友來電說週六晚情況更慘及多人！　　我們是香港人，不是台灣山地人，湯底胡椒要適中，要不專程老遠地方來吃台灣菜的人會少少失望。

上星期, 幾個老朋友黎同小弟慶祝新居入伙, 又記得前排雜誌提過以前銅鑼灣台灣欣葉既師傅重出江湖, 係北角果間客台軒做大廚, 所以就決定去試下, 老實講, 北角既位置不及銅鑼灣, 但係就岩哂我地住係附近既街坊啦.食物方面, 我地今日主力試下d台灣野, 首先黎個湯先, 鳳凰降世(足4至6位用), 一上枱就聞到好香既胡椒味, 真係引死人. 其實入面係豬肚包住隻烏雞, 烏雞入面又塞滿糯米, 紅棗同埋胡椒, 湯熬得香濃夠味之外, d胡椒味仲熱香辣辣幾好咪tim..之後就係泡菜炒飯. 內有煙肉, 最特別的就係用上台灣香腸, 唔太咸又好好味.又有就係阿嫲燒雞, 同普通出面食既燒雞分別好大, 雞係春雞, d皮燒到脆卜卜 , 入面d肉有鮮香而嫩滑, 又唔乾身, 能嚐出真味.埋單4百幾蚊4個人分, 都算ok, 最緊要係食到d台灣特色菜.

睇雜誌又係咩咩大廚主理,真係中晒招呀同女朋友去到,問個侍應有咩推介啦,個侍應推介三杯雞,我就叫咗蠔仔粥,蒸鯇魚同埋皮蛋豆腐,點知中晒招1.三杯雞---我真係好佩服,點樣可以做到三杯雞只有酒味,其他咩味都冇,食食下連酒味都冇埋, 變成咩味都冇,勁.2.蠔仔粥---可能冇咩難度,變咗係最好味的一樣,但都係偏向無味.3.皮蛋豆腐---皮蛋冇咩味,豆腐又硬,都唔知想點.4.蒸鯇魚---呢樣係最好彩既,因為侍應漏咗單,變咗唔駛食,我同女朋友都覺得好好彩,但就要白 白等咗成個鐘.總結都係冇下次,最後要我地出返銅鑼灣補返碗888拉麵補數.

今晚同老公黎開喱頭處理ｄ事，順便睇下有咩新店可以試食，點不知，唉！又貴，又唔好食．開左個幾月，話係客家人飯莊既人另起爐灶，但都唔係好掂．１．擔擔麵：聞就好香既花生味，但食落就得個辣字，麵煮得太焾身，唔太好．２．蚝仔煎：蛋多過蚝仔，但都唔錯架喇！３．最唔掂既清炸墨魚丸：完全係無味道，點左淮鹽好ｄ咋．題外話：－見到陳慧儀都黎幫襯．．．

先始聲明，因為漏單關係，只係食到四樣嘢，所以呢次喊面只係以幾款食物作準。星期六十二點幾上去食晏，見到唔係咁多人，都有幾多空枱。呢度話係台灣同客家食品做賣點，我叫咗個擔擔麵同五香牛展，太太叫咗一d廣東點心，但終於只係得牛肉球同叉燒包嚟咗。擔擔麵：失望，麵身唔夠Q唔夠彈牙，而個湯只係少少酸酸辣辣，唔夠味道。牛展：份量頗少，切得好薄，唔夠香兼且硬同鞋。叉燒包：有d似食緊叮叮點心，好行。牛肉球：另一行貨，唔知點品評。因為等咗好耐嘢食，所以好詳細咁睇個菜牌，發覺佢既菜式幾雜，台、客同廣東都有，但係如果想專誠食台灣同客家食物就會覺得失望，因為款式都係幾款大路嘢。而且從上面提及個幾款食品發覺水準方面唔太得，個人嚟講就完全唔打算再去食過；而招呼方面，d待應唔係太上心，反而個經理較為好，漏單之後再三道歉，算ok。不過結果食唔飽，要買嘢返屋企食。

十一月六日星期五周初剪頭髮o個時，偶然看到一篇鱔稿 - 響炮台山有間新開o既台灣菜。當時想法：1. 新店位於炮台山，而該區通常無乜新食店 (係開，都看響天后或北角啦)2. 港島o既台灣菜， 通常都係台式飲品或快餐形式。 台式館子比較少。阿Mo一路都頗喜歡台灣菜，所以星期五收工便打算同阿Mo試一試。點知， 係一個錯o既決定...一座低，已覺得有一陣煙味。 莫非樓上Neway可以食煙, 而中央空調有問題?!看餐牌， 台式 - 一頁，客家 - 一頁，好似仲見到燒鰻魚。我以爲去o左茶餐廳...我地叫o左四小碟，拍青瓜，炒海瓜子同粉蒸肉四小碟已經港化， 味道偏甜 - 滷豬耳，一碟唔知咩絲，薰蹄及辣雞腳。 拍青瓜好似無乜拍過， 蒜味唔夠炒海瓜子係比較好o既一道菜。 亦遍甜粉蒸肉最離譜 - 一上檯， 我仲以爲塊荷葉響地下執番上o黎 - 有o的似一舊鹹菜。塊荷葉仲乾過把葵扇！一打開，弊 - o的粉一舊舊o既? 阿Mo夾o左一舊， 大鑊！ o的肉仲未熟！豬流感呀大佬！！ 我o地即刻退都退唔切...埋單個時， 張單仲未取消個粉蒸肉。個侍應好唔情願先至改單.阿Mo總結："差。差。差。。。"以後唔會再去。