影片
港铁天后站 B 出口, 步行约9分钟
继续阅读
电话号码
28050020
营业时间
今日营业
12:00 - 14:30
18:00 - 00:00
星期一
全日休息
星期二至日
12:00 - 14:30
18:00 - 00:00
以上资料只供参考，请与餐厅确认详情
食家推介
发生了不对现的预约事件。 事源是家人在8月中和朋友在餐厅用餐, 环境特别, 正需要揾餐厅安排中秋家人聚餐, 所以当场询问中秋晚有没有大约12 至15人枱,可否订位,服务员当场拿出ipad, 确定9月17日中秋正日晚饭有位， 可以接受预约. 还介绍餐厅有露台， 可以当晚现场睇火龙表演.随后当晚餐厅发了确认信息到家人Whatsapp. 确认订坐. 家人满心欢起，见火龙表演好有特色，立即通知在外地嘅家人买机票回港一齐过节.过了2星期， 餐厅突然通知家人因为政府9月17日当日要使用餐厅场地给予火龙团队作休息使用， 预约需要取消， 但9月16日有位， 会否考虑.家人觉得奇怪，火龙表演是 9月16日至18日为期三天， 为甚么政府只需要使用一天 (9月17日)， 其他日子火龙团队不用休息?家人再三询问餐厅职员， 要求提供政府文件， 餐厅没有理会， 还推卸家人没有给予订金（事实餐厅从来没有要求家人支付订金）过了几天， 家人再同餐厅沟通， 今次应该是餐厅经理, 餐厅经理再次解释政府6个月前已经预约了， 员工不清楚所以发生了误会. 家人再次表示请餐厅提供政府文件，如果是事实, 我们可以接受解释，当然餐厅经理没有文件可以提供， 只系cut线完事. 家人心知不是事实， 只是一个藉口. 勉强都唔有好结果，没有信用的餐厅，还会再帮衬? 这经验真的太差
继续阅读
2984 浏览
蕃薯uncle生活多姿多采，节目由星期一排到星期日，当中周六晚嘅开心大食会原来周围食咗成过半个世纪，即系早过XO仔出世，认真唔讲得笑！话说大食会其中一个元老于年头时成功喺出名难订位嘅新兴潮点「客厅」留到间房，一席十四人刚刚可以掺埋肥肥家族一家四口玩，为食猫就算要等到四月都想见识吓！中菜厅设于疫情成立嘅「大坑火龙文化馆」内。三层高嘅三级历史建筑原为义学「孔圣义学」于1949年落成嘅新校舍，故白色嘅外墙经保育后贴出此年份作纪念，而大坑嘅火龙文化则隐藏于貌似打横沉睡中嘅「龙」形标记。大坑区入夜后都几黑架，幸好火龙馆于横街上嘅入口火红亮丽，尤其突出。大门好到题地由金龙阵守。览厅于六时关门，傍晚时份只有餐厅开放。不过有一点好奇怪，餐厅占用一楼及二楼之际，虽然活化项目新增咗升降机，洗手间却只设于地面，用餐时不停要上上落落相当麻烦。据悉一楼为用餐大堂，不过好多时晚市都有客包场。十四人派对于二楼嘅多元空间进行，环境企理通爽，光线充裕，活动空间足，私隐度又够高。每位席上都摆有齐备嘅自用及公用餐具。或许细佬身材矮小，感觉坐得唔系好自在咁，食野𠮶阵仲有啲吊手。由于开瓶费全免，酒鬼们当然系自己带酒啦！唯一场内单靠叔叔一人招待，忙于开酒时就加唔切茶水，上得菜黎又斟唔切酒酒，人手明显不足。长老早已定好菜单，主推嘅都系阵店招牌客家菜，$6,180/席，另收加一服务费，讲明足量供十四人享用。平均$500/位有齐前菜、虾、扇贝、汤、鱼、猪、鸡、菜、甜品等十道菜，社企式经营，价格都好合理。火龙三小碟之酱油萝卜：人一到齐，厨房迅即备好三款前菜。第一碟长条形嘅酱萝卜爽脆中带微微辣劲，个人只系略嫌咸咗少少。火龙三小碟之胡麻酱茄子：紫皮青肉嘅茄子好似好大件咁，但质感软腍，简单淋上香浓嘅胡麻酱足以添上惹味及柔滑感。火龙三小碟之家乡煎藕饼：藕饼一啲都唔油腻，无奈咬落有啲干硬，唔得香脆。韭菜花小炒皇：小炒皇因内含果仁，细佬唔食得。蕃薯uncle提到效果比预期好，因为谂住师傅会用煮剩嘅海鲜𩠌尾炒出，唔会太鲜爽；哥哥就话菜式炒得恰到好处；二人同赞韭菜花爽嫩脆身。榄菜干煎澳洲大虎虾：虾虾个榄菜味好香，不过虾身就略为实咗啲同干嚡咗啲。蒜茸粉丝蒸扇贝：如相所示，差不多成只碟咁大只嘅蒸扇贝有白有橙，即公乸并齐。长辈们嫌扇贝热力不足，幸好贝肉尚算厚润，裙边都好爽脆，体积巨大嘅膏位虽未为最软滑，但起码唔会因过熟而变得老嚡，简单混入蒜茸粉丝蒸最能吊出鲜味。八宝冬瓜盅：冬瓜盅个汤底十分鲜甜，冬瓜半腍半爽，细佬最欣赏汤料中嘅肉片够柔润。咸姜蒸原条花尾龙趸：XO仔一向少食鱼，尤其见到碟上件件凸出嘅骨好似刺咁尖利，有阴影下更加抗拒！点知蕃薯uncle竟然话成餐饭最就系条鱼，因为龙趸经过碎蒸，鱼肉幼嫩，啲咸姜入哂味。梅菜扣肉煲配钵仔丝苗：用煲上嘅扣肉热就够热，可惜败笔在于猪肉唔够肥，食落嚡嚡韧韧，唔得腍滑，尽失传统应有嘅精髓。客家沙姜浸鸡：招牌鸡脂肪少，食落好似好健康，鸡胸肉却稍为嚡韧，略欠油份，还好鸡皮够润滑，个沙姜调味唔会过浓。家乡煎炆酿豆腐伴菜芯：小肥自己整晚最欣赏滑嘟嘟嘅酿豆腐砖，芡汁馅料均足而香浓。蜜香姜汁糕：热辣辣嘅姜汁糕烟韧Q弹，芬芳微甜。寿桃包：寿桃粉美饱满，包松馅香甜。大坑隐世「客厅」光鲜卫生，弊在洗手间位置半天吊好唔方便，服务生健谈落力，但单靠一人实难以招呼一席十四人之饭局，晚餐价格合理，无奈主打客家招牌菜质素只属一般，大家想试都无妨嘅，XO仔到此一游后就唔会愿意等几个月再去啰！
继续阅读
与好友相聚，晚餐比较难book，所以预订咗午餐好食推介前菜：香煎家乡莲藕饼主菜 :淳香梅菜扣暔肉 这个真的煮得很好，不太油腻东江煎酿豆腐榄菜酥炸龙趸球下次会再来光顾
继续阅读
大坑的饿𩠌潮食应执了今日再去，无营业我再去大坑火龙文化馆的客厅，试埋仲有两款set lunch客家炒米粉味道不错，只是米粉过硬咸菜炆猪肉配白饭我觉得咸菜劲好味除了set lunch, 午餐有小菜和粉面我问晚餐有咩食，经理话是私房菜芮，要订位，每人约$500，菜单由厨师发板
继续阅读
之前知道开咗个大坑火龙博物馆，也见到上面有个客家菜餐厅，一直想试吓。直至预约倒去参观博物馆，都仲未碰到机会去吃。今次系庆祝生日，立定决心打电话去订咗一围，餐厅好细心咁问咗有冇老人家小朋友或者唔食啲咩，然后写咗个菜单来，厨师发板。因为系大坑里面嘅旧楼改建，所以餐厅面积唔太大，有一楼同二楼，有电梯。每道菜式上来都有介绍，好好味😋份量也大，服务周到，态度亲切。我哋十二个人食到饱饱，还打包了好几盒带走。有时真系出去酒楼食，会食到一肚气，而家好多酒楼人手又唔够，要服务好啲都有困难。去酒店中菜又太贵。响「客厅」渡过了愉快又开心的一晚🎉
继续阅读