影片
食记 (17)
果日中午无食野，咁晚上见就脚就系深水埗谂住快快趣食个饭就闪。一入到去先知道已经6点，所有餐牌都变哂做晚上，咁所有野都会贵一节(茶餐厅传统啦)不过都无理由又走，就谂住试下。由我举手果一刻到有人注意到我嘅时间都成一两分钟……其实间店好细，我系唔太明点解可以咁迟先理我。已经有一两个人行行企企，我果个时间点，餐厅客人人数十只手指数得哂，绝对唔系人员太忙问题。我叫左个肥牛金菇煲，75蚊，个人认为算合理。点餐完毕，茶餐厅传统啦，野饮同汤呢一尐快快手就比左你先，主菜同个饭就硬系最后先比你。(图一：汤)个汤都几好饮，清清地又几好味，都算开胃。饮完个汤间餐厅就开始进行我最讨厌嘅事情，就系拖住唔肯比个饭你。茶餐厅传统啦，饭系最后到。之不过，茶餐厅嘅另外一个特点系要快，就算你可以饭最后到，都唔可以拖咁耐架嘛？我足足等左成三十分钟，我等左十五分钟之后已经举手催一催张单，都居然可以要再等多十五分钟。而且前提系我肚仔饿左成个中午，仲要等咁耐系令人好烦心，我最讨厌就系等单。(小弟唔识，到底肥牛金菇煲系唔系真系要整咁耐呢？)(图二：主角迟到)此世间最令你感觉到空虚嘅事，莫过于系等紧个饭，等到杯野饮尐冰溶Q哂。咁七点正，个饭终于到左。虽然尐肥牛就真系普通野，但系个份量足够你𩠌饭有突，又香口调个味唔错咁，𩠌饭一流。而且饭都煮得几好食，成个煲份量都足，食落都有满足感。我其实本身想写负评，但系个饭我食落系几好食，所以最后又拉番个数。(图三：主角)个饭望落去系醒神嘅最后收银，又出现令餐厅分数下降嘅趣事。有位伙记同收银忙紧，咁我就讲句卖单唔该，都无催佢地，收银大声反而叫我等等。之后佢地忙完一轮之后，见眼前件事都要搞好耐，所以先黎处理我，又反问我黎做咩，好似我做错咩事咁。其实大声小小，态度差小小茶餐厅都常见，但你可唔可以先处理我先呢，茶餐厅要系快靓正，系度我就真系感受唔到。
继续阅读
楼下茶餐厅、楼上熟客小房serve，跟住老板去食饭当然系上左包厅食！听老板讲，呢度个主厨本来系港岛区名厨过左黎呢边开地道小菜餐，所以先咁有水准的食物！今次试左佢嘅季节限定 - 枝竹羊腩煲，超入味，羊口感非常好，怕膻嘅朋友都食得到！炸物系非常不错，唔油腻亦香口，一试难忘！乳鸽皮劲脆口，食到停唔到口！另上酸菜鱼，有D油，但水油分隔，最底的汤饮入口系唔油的！神奇！超麻感觉，好正！酱茶鸭，卖相不错，腌味好浓好入味！唔辣的～蒜蒸扇贝，除了腌制品外，都是当天到货的，非常新鲜。有心人开的餐厅真系要撑！基本上你早一天预约下单菜式，咩都有得食！下次谂唔到食乜，去开呢头不妨试下！
继续阅读
纯粹路过，见呢间茶餐厅门面有D Up Dup，不过门口餐牌样式很多，便勇敢入内一试。阿姐招呼尚算殷勤，态度很好，有问必答，我们点了一份泰式猪扒汤檬粉和一份当天午餐肥牛炒乌冬。等候期间浏览墙上餐牌，发现很多特别菜式都非常合我个人口味，包括樟茶鸭和炸虾丸等，已经有点期待我们的点餐，看是否适合返单再帮衬这些特色菜。上餐很快，檬粉另配3瓶泰式酱料，鱼露，辣椒粉和酸甜酱，十分认真。汤很热，味道正宗，猪扒也是即炸的，整体满意。再来肥牛炒乌冬，卖相不错，不过可能由于装盘关系，初看感觉细碟，但是吃完还是非常饱肚的，且肥牛分量非常多，食极都有，味道调配也十分好，是相当惊喜和满意的一餐。因为从来冇谂过写食评，所以相片欠奉。现在经营环境困难，这种有心的茶餐厅实在不可多得，所以必须提笔在Openrice为这店写了我人生第一份食评，希望能支持这些弱势企业。呢张单连两杯冻饮都系埋$88，如果大家去开这区，可以放心帮衬。我也会再去试他们的小菜，到时一定再评。
继续阅读
🎊《冬至快乐•枝竹羊腩煲》🎊💰价钱：$298/煲(大)·寻日冬至 一家人出街食饭谂住打边炉做节真系完全冇预计要食呢间餐厅只系咁啱经过 见到有打边炉就拣咗佢呢间餐厅位于深水埗平时行过路过都唔会望两眼简单嚟讲 就系极为普通既一间茶餐厅但估唔到其貌不样 实际上超抵食😍Cp值好高既一间餐厅👍🏻平日中午时段就系卖普通茶餐碟头饭去到夜晚就有快炒 同埋打边炉都有🤩汤底配料款式唔多 一开始望落感觉价钱唔平🧐但食物上枱 望到size就觉得 哗 好多😂简简单单先点咗份大既羊腩煲羊腩份量真心好多而且羊腩冇腥味👍🏻有肥有瘦各一半瘦既口感un咗啲汤底劲浓 偏向重口味所以食到一半都要饮下水除咗羊腩 其实配料份量都系劲多枝竹 冬菇 马蹄 多到满泻☺️总之成煲羊腩煲都系用「多」嚟形容份量就啱😂😂另外免费附送一份时菜仲叫咗份鲜牛肉片($50)份量一样超多 绝对唔系得几块而系一碟 🤩 真心抵到烂可惜牛肉带有少少筋 但亦都算新鲜 味道都ok整体嚟讲 算唔上天堂级好味但以呢个价钱嚟讲 非常之可以接受人均唔洗一百蚊已经可以食到好饱呢间餐厅绝对会再想嚟食多次🤪推荐‼️
继续阅读
今天一行12人又来到深水埗宝德餐厅小厨开饭，这里的小炒非常有水准，所以渐渐我们都成为了宝德的常客。今天点了10道菜，十全十美。「宝德」的小炒出名镬气十足，而且每碟份量都很大！物有所值！今天点了椒盐炸鲜鱿、黄金炸凉瓜、菠萝京都骨、粉丝杂菜煲、脆炸黄花鱼、清蒸大班、牛仔骨煲等等！椒盐炸鲜鱿真的是超级！超级好吃！炸浆很薄，很脆，每口都充满椒盐香，而鲜鱿则非常肥美厚肉，啖啖鱿鱼鲜甜！因太快被食清，我们最后追加了一客椒盐炸鲜鱿。
继续阅读