宜家家居餐廳及咖啡室

今日（17-5-2025 Sat）未病完，冇心機周圍去，老公search軟棉棉嘅美食時，search到Ikea美食站有開心果雪糕新地，於是走嚟啦。不過我哋先上嚟食個晏，嚟到時都已多人，我哋見到有開心果慕絲蛋糕同開心果巴斯克蛋糕，於是兩樣都要，而今日有漢堡，不過我唔食得，見到有酥皮湯，就指定老公買呢樣，佢就先買呢3樣再加個士多啤梨流心水牛芝士沙律同$9.00嘅任飲汽水食住先。1. $29.00嘅開心果巴斯克蛋糕呢個開心果味道濃郁，屬全熟芝士蛋糕，同時食開心果慕絲蛋糕就食得出佢嘅分別，就係帶有芝士嘅鹹味，口感固然係厚實。5分2. $29.00嘅開心果慕絲蛋糕呢個感覺就係輕盈好多，味道亦冇咁濃，都唔錯。5分3. $49.00嘅士多啤梨流心水牛芝士沙律配黑醋我一食落咗黑醋嘅蔬菜就覺得難食，蔬菜係新鮮但份量係極少同凍咗啲，你以為流心水牛芝士下面重有菜？咁就大錯特錯喇，其實只係圍住佢咁大把。流心水牛芝士係好食嘅，不過要留心，佢唔係流心。4.5分4. $36.00嘅酥皮龍蝦湯呢個熱騰騰就一定，酥皮係脆但唔係好厚，牛油味亦唔濃，龍蝦湯就濃，唔錯，亦有鮮蝦。5分5. 食完後我哋至買主食，我就睇中$73.00嘅酥炸鹹豬手伴酸菜，拎到嚟我哋就分好佢啦，肉係有好多，鹹係正常，肉質juicy唔柴皮，皮脆，我覺得唔算好膩，但老公就要食酸菜解膩，我就覺得酸菜唔係好酸，但唔啱我食。5分6. $9.00嘅葡撻唔大個，但一食就死喇，好甜同膩，撻皮都鬆脆嘅，但可能太飽，已經覺得佢一般。3分衛生：我哋搵到位坐，等老公買嘢食時，張枱都幾汚糟，而且見到有蠓，但攞回收餐盤嘅職員，來來回回經過幾次，一直都冇諗過幫客人抹枱。價錢：連兩杯$9.00嘅任飲汽水係$243.00，當你覺得佢比較平而嚟食，食完後你至知唔係，因為呢喥係全自助，重要幫佢抹枱，好彩佢有餐紙提供，唯一可取嘅係任坐冇限時。上次食評係2024年12月25日刊登嘅呢篇：https://www.openrice.com/zh/hongkong/review/b-%E5%A5%BD%E9%B9%B9-e5834389…查看更多

星期六真係勁多人😮‍💨主要就係試佢新出嘅兩款菜燒半雞配薯角及粟米 ($56)幾乎每枱都有叫😂真係勁大隻 佢唔係燒春雞一個人冇可能食得哂 滿滿蛋白質😂雞髀同雞翼位個d都ok不過雞胸真係好鞋 要點汁先食到另外有d蔬菜粟米同薯角粟米都甜 薯角仲keep到脆五十幾蚊覺得都可接受👌🏼酥皮焗松露白汁雞肉配薯角 ($53)呢個反而唔係好大份 但絕對食得飽因為酥皮好厚 加埋個松露白汁勁漏！本身係皮都冇咩味 要靠個汁個汁都香松露味 入面有d一粒粒雞肉不過唔夠熱 另外配菜都一樣～整體唔係特別好食 但食得飽肚🤣…查看更多

今次同家人嚟食lunch，點咗經典肉丸套餐，18粒瑞典肉丸$45，配薯蓉同漿果醬，肉質鬆軟多汁，醬汁酸甜平衡，配埋熱騰騰薯蓉，暖胃又滿足，份量夠一人食飽。另一個試咗煙燻三文魚$29，魚片厚實鮮甜，配沙拉脆口，健康不油膩。冷凍蝦$29一盆，蝦肉彈牙超甜，無腥味，值回票價！新地筒$9，香草雪糕滑順，解膩一流。整體食物新鮮簡單，抵食係最大賣點，一人午餐只需$50-80，性價比高，食完精神百倍繼續購物。不過，缺點係炸物太乾。薯格同雞塊外脆內乾，炸得過火，缺少汁水，食落索然無味。選擇雖多但變化少，重覆食易悶，高峰期自助區亂，食物有時涼咗。總括而言，宜家荃灣餐廳食物抵食實惠，適合大快朵頤，但炸物需改善。…查看更多

今日第一次幫襯荃灣呢間IKEA餐廳，揀咗以下：1. 瑞典肉丸（8粒/客）：係咪每次嚟都必選IKEA肉丸？😁味道冇變，啲醬汁同樣美味2. 雞肉丸串（4粒/串）：啱啱出爐，熱辣辣，所以特別好味，建議可以點埋肉丸嗰2隻醬，一樣咁夾咁好味（我覺得好食過肉丸𠻹）👍3. 蜜糖腸仔（3粒/客）好普通，可嗌可不嗌4. 凍蝦：一貫新鮮好味，有蝦籽𠻹👍5. 凍三文魚味道比以前差咗啲，大家可以考慮下6. 蘑菇湯：冇乜蘑菇喺湯度，而且味道麻麻，罐頭湯比佢仲好飲7. 酥皮龍蝦湯配蝦：味道都係麻麻哋，湯同蝦肉都帶啲苦，加埋酥皮都幫助調味不大8. 鮮橙汁好飲，真係鮮榨…查看更多

喺荃灣返工一排，間唔中都會去ikea，但平時冇留意，有日喺open rice搵食，先知原來荃灣嗰間都有餐廳，今日就同同事lunch 去試吓😂上到去，都好full，要搵位。見到menu 樣樣都唔算貴，咩都想試🤣揀咗1. 酸菜脆豬手2. 瑞典肉丸3. 炸雞翼4. 酥皮龍蝦湯5. Coffee豬手其實幾正宗歐式，好脆😚Ikea瑞典肉丸就一向都唔太差😂炸雞翼個人覺得細隻左少少，同埋唔算好脆。酥皮湯都一般，個feel 比較standard，龍蝦肉似蝦肉，同埋唔好expect好creamy。咖啡就真係冇option，自己落奶個D🙈Overall，依個價錢叫倒咁多嘢食其實okay，豬手一定會encore🤓如果咖啡機upgrade下會更好🙈…查看更多

噚晚（24-12-2024 Tue）平安夜，同老公喺麥當勞輕食完，就嚟呢喥飲個熱湯，我哋嚟到時都好多人但仍有位，坐低後老公出去買嘢，之後佢打俾我，問我三文魚沙律同黑毛豬火腿無花果沙律，我揀後者。佢買咗返嚟，話冇晒酥皮湯，但就買埋$16.00嘅原味希臘乳酪。我哋先食$43.00嘅黑毛豬火腿沙律，睇張單，係黑毛豬松露火腿沙律，落咗芝麻沙律醬就食得。一食，就係鹹，蒜蓉多士粒已經有啲唔脆，黑毛豬火腿就只一片，完全食唔到松露味，沙律菜正常冇問題。上次食評係2024年10月20日刊登嘅呢篇：https://www.openrice.com/zh/hongkong/review/b-%E8%87%AA%E5%B7%B1%E9%85%8D%E6%96%B9%E5%98%85%E7%89%9B%E8%A7%92%E9%85%A5-e5735562…查看更多

好耐冇上宜家餐廳食飯，今日叫個肉丸，個薯蓉完全冇味，外觀一坨爛泥咁水汪汪，點解質素差左咁多？慢煮牛腩未試過試下，肉係林但係好多筋咬好耐。真係唔敢再返上嚟食，係咪大廚換左人？…查看更多

陪朋友去荃灣IKEA 睇傢俬，一去到話肚餓要醫肚咁就上七樓，一行四人狂風掃落葉一餐主菜各人叫一個酥皮忌廉湯，西冷牛扒，豬手酥皮湯最正，味道濃郁，又多料，食完已經飽咗一半，西冷牛扒就稍嫌熟咗少少，但幾有牛味，而豬手皮就有啲位置燒得過硬，但肉就好入味樣樣野獨立叫，想要邊樣就加邊樣，於是🤣🤣又三文魚沙律又肉丸串又意粉又腸仔又榴連批仲有甜品，四個人就坐六人位置，擺到成枱都係🤣🤣🤣未睇傢俬，每人$170，飽住個肚慢慢行了…查看更多

噚日（19-10-2024 Sat）又要去宜家傢俬攞咖啡渣用，老公話喺喥食晏，咁佢買先 要咗：3. $16.00嘅蘑菇忌廉湯味道好夠，質地算杰身，唔錯。5分2. $15.00兩隻嘅脆炸雞全翼炸得脆嘅，但鹹咗啲，而肉質仍然係滑。4分1. $39.00嘅牛油果羽衣甘藍雖然唔鍾意食羽衣甘藍，但都要食菜，呢個都有啲士多啤梨同西柚，所有嘢都正常冇問題。3分4. $9.00嘅汽水／果味飲品任飲都係唔使評。食完我覺得可以再多啲，於是到我去買，就要咗：5. $53.00植物素威靈頓外形同裡面都做得好似，口感都係，個汁我只食到黑椒味，而薯菜都OK嘅。4分6. $9.00嘅經典牛角酥好期待，由於係冇餡同醬，就自己舀果子醬嚟蘸，切開一半睇，唔係呀？唔係一層層嘅酥，食落，冇乜牛油香，中間嘅其實就係麵包，貨不對版。個果子醬就依然好味。0.2分抵食係2.6分上次食評係2024年10月14日刊登嘅呢篇:https://www.openrice.com/zh/hongkong/review/b-size%E6%AD%A3%E5%B8%B8-e5727462…查看更多

前日（12-10-2024 Sat）晏晝，又要同老公嚟宜家傢俬攞咖啡渣用，由於老公唔舒服，就地喺呢喥食埋嘢算啦，佢買咗：2. $15.00嘅D24榴槤批竟然有呢樣，我就即食先，睇見顏色好靚，冇炸過龍；食落，暖暖地，外面都脆，榴槤餡份量適中，味道唔太濃，包保冇人知食過榴槤。4分1. $9.00嘅蔬菜薯餅2件睇見size適中，食落，係有薯仔粒，口感正常，不過鹹咗啲。3.5分3. $10.00嘅雞軟骨雞肉丸串一串四粒，size正常，食落，有好多雞軟骨碎，脆得嚟彈牙，口感唔錯，不過又係鹹咗。3.5分4.-5. $16.00嘅希臘乳酪（原味）同$9.00嘅任斟汽水／果味飲品呢啲係來貨，唔評。環境：都係睇你坐到咩位，老公特登揀向牆高枱，因唔想攤開嘅咖啡渣影響到人，但嗰個位冷氣唔夠。抵食係2.8分上次食評係2024年8月27日刊登嘅呢篇：https://www.openrice.com/zh/hongkong/review/blue-%E5%94%94%E5%B9%B3-e5648967…查看更多

大前日（24-8-2024 Sat）晏晝，同老公去宜家傢俬攞烘乾咗嘅咖啡渣用，都順便幫趁啦，我哋嚟到時都多人，搵咗位後，老公發辦去揀食咩，都幾耐吓，佢就買到嚟，有：3. $26.00嘅瑞典肉丸8粒宜家傢俬最經典莫過於瑞典肉丸，所以必食，見到佢嘅蘑菇醬唔少，成個味道正常溫和，口感鬆軟，唔錯，可惜嘅係老公冇自己落必配嘅茄醬。而其他配菜都正常冇問題。5分7. $36.00嘅酥皮龍蝦湯呢個係要等呼叫器叫，睇見酥皮顏色焗得唔夠深，但佢脆口，飲落係熱騰騰，味道唔太濃，質地都算杰身，蝦就有兩隻，爽口好味。4.5分4. $16.00嘅希臘乳酪（原味）原本抗拒食原味乳酪，原因係好難食，但呢隻竟然唔難食。1. $36.00嘅香草三文魚沙律份量唔多，食落，味道唔係好濃，醬我就覺得有wasabi，幾好味；沙律菜就新鮮冇問題。4分6. $18.00嘅蔬果果昔呢個應該係難飲嘅五青汁，唔知係咪有心理準備，飲落又唔難飲，可能青蘋果汁比例重啲。5. $9.90嘅水果果昔（蘋果及士多啤梨）呢個士多啤梨味重啲，我覺得唔好飲。2. $53.00嘅班尼廸蛋呢餐最貴嘅嘢係佢，睇見有兩件放上唔同食物嘅熱鬆餅同兩隻蛋，先cut開隻蛋，蛋黃好淺色，流心比例好少，食落，蛋同醋嘅味道薄弱；鬆餅韌；蝦仁嗰邊黑椒比較重，但接受到，蝦仁爽口，但食唔到本身嘅味道，同酥皮龍蝦湯食到裡面嗰隻係差天共地；另一邊嘅火腿就唔鹹。1.5分由於希臘乳酪同飲品都係來貨，所以呢篇食評唔計佢哋嘅味道分。環境：一啲位冷氣啱啱好，一啲位比較熱：一啲位距離唔夠，易被攞，一啲舒適，不過呢啲都係正常啦。服務：大家都知呢喥係全自助，包括食完嘢後，將餐盤放去回收架，但抹枱就唔係客人做嘅事，我坐喺張枱到老公買完嚟坐低咁耐，至見到個男職員行嚟，但佢睇唔到張枱濕，直至見到我用紙抹，佢至伸手用布抹，但其實我抹𡁵，橫豎都嘥咗一張紙巾，不如抹埋佢，所以最後係我抹晒。…查看更多

平時去宜家都係最多買雪糕食，今次見佢哋有豬手同肉丸就試吓， 賣相都好吸引味道都唔差， 如果速食餐未計都算唔錯， 依家嚟親呢度我都唔係諗住買家品都係諗住你食雪糕🍦🤣每次都好期待佢嘅新款雪糕🍦…查看更多

性價比之王 宜家家居餐廳一家大細唔知去邊度食飯好，好多時都會諗起宜家家居餐廳，性價比高，大人小朋友都啱食。食完飯仲可以行IKEA，俾小朋友放下電，簡直一流。今次我哋四個大人一個BB，總共叫咗七個餸，個個都食到好飽超滿足😋 🥢番薯條番薯條一般，口感偏淋，如果炸係得香脆一些，應該會好食啲。🥢佛跳牆成餐飯最驚喜嘅，居然係佛跳牆，材料有花膠、鮑魚、鴨掌、冬菇、栗子、瑤柱，味道濃郁，所有材料都好入味，而醬汁亦係白飯殺手，超好餸飯🍚🥢肉丸配薯蓉肉丸就不過不失，但每次嚟到都一定係必叫菜式之一。 🥢豬手配薯仔另一個性價比之王-豬手，IKEA豬手一向都超高質，外皮香脆，肉汁豐富，仲要啖啖肉，食極都未食完，超抵食。🥢雞柳意粉外表平平，意想不到地意粉口感彈牙，醬汁和意粉的比例啱啱好。🥢兒童餐超抵食兒童餐，有兩塊雞柳、粟米、薯蓉，仲有一杯飲品，都只係$19，簡直係小朋友至愛。🥢焦糖燉蛋批較為失望的甜品，味道死甜，缺乏蛋香。…查看更多

香草蜜糖烤鴨🦆胸伴番薯🍠蓉配無花果燒汁IKEA平時就成日食㗎啦，不過今日試下限定嘅香草蜜糖烤鴨胸伴番薯蓉配無花果燒汁。🌟香草蜜糖烤鴨胸伴番薯蓉配無花果燒汁｜$56啲鴨肉好香好嫩，不過略嫌比較細塊。佢個番薯🍠蓉好好味，入面有啲番薯粒。再配埋佢個無花果燒汁，整體感覺都好好👍🏻🌟香烤三文魚｜$53減肥、健康人士首選！三文魚🐟新有豐富嘅omega 3 又啖啖肉。配上薯蓉，有少少澱粉質，又有纖維，最適合想瘦身嘅人士。試一月限定-香草蜜糖烤鴨🦆胸伴番薯🍠蓉配無花果燒汁…查看更多

新年行大運去南豐紗廠前去食個lunch 先每次去ikea 斬好似當自己食buffet 咁係咁拎自己想食既野拎左必食既三文魚沙律 同肉丸另外買左雞比 雞軟骨丸 龍蝦湯 兒童餐 仲有個apple crumble埋單都係200 唔洗 真係好抵食但係想講肉丸唔同左 肉味好淡 好乾好硬冇左以前juicy 既感覺 點左d 醬都係咁應該係換左配方 三文魚就水準穩定 佢既香草醬好清新配沙律食岩岩好另外湯都不錯 入面有幾隻蝦肉兒童餐就好抵 兩塊炸雞柳加粟米加薯蓉加野飲都係19 蚊 …查看更多