定食 Doraya (士丹利街)

久不久都會去呢一間分店因為銅鑼灣嗰間太好食心心念念方便放工食，最近都係中環呢間人流唔算多但係食物水準及唔上銅鑼灣上一次嚟食，其實係OK但係今次講真：吞拿魚真係唔新鮮！而且係有筋！魚肉嘅份量亦都屬於好比較少感覺上好似食超級市場cheap cheap雜錦魚生飯咁樣因為試過喺銅鑼灣食真係一粒骰仔咁大每一粒都好精緻中環呢度就好似差好遠飲食氣氛亦都好差店員亦都虎視眈眈（尤其是個年紀較為大嘅四眼女人）飲食環境好緊張食得比較趕最重要都唔係爆場唔知趕乜嘢其實明眼人一睇都知道啲魚肉真係麻麻哋新鮮新鮮魚肉都會令令立立呢一個你見到顏色比較暗淡雖然話係油漬但係都唔係咁嘅樣慘過去食壽司郎最緊要價錢仲貴啲添二百幾蚊一個咁嘅餐真係唔值好可惜暫時唔會再去…查看更多

喺中環試咗定食 Doraya 嘅日式定食，環境充滿日式風情，播住日文歌好有氣氛！點咗醬油漬藍鰭吞拿魚丼定食，吞拿魚好新鮮，醬油入味，脂肪比例啱啱好，入口滑溜又唔膩。仲叫咗特選海之幸壽司丼定食，材料超豐富，有帶子、牡丹蝦、三文魚同蟹柳，全部新鮮到爆，改咗溫飯更香口。鹽燒秘制雞翼嫩滑多汁，燒得啱啱好，香氣十足，超好食！香煎牛舌片略為淡咗啲，似灼完再煎，口感一般。生啤有買一送一優惠，飲落清爽，配日式菜真是一個絕配！店員服務好貼心，會主動提點改飯同安排上菜次序。餐廳座位舒適，雖然略為細小但乾淨企理。整體嚟講，食物質素高又新鮮…查看更多

今日LUNCH過中環做野，天氣熱辣辣，最啱去定食DORAYA！ 問侍應有乜好推介，點咗Lunch吞拿魚他他丼定食$198 ，一上嚟賣相好有食慾😋非常適合大熱天食☀️侍應話用日本藍鰭吞拿魚40%大拖同60%赤身整出嚟，撈勻醋飯入口即融，大啖啖超正，食完好滿足。個茶碗蒸蛋不得了，滑嘟嘟好味道！感覺間鋪侍應好親切，仲會同你講解菜式。價錢對得起質素，係香港都食到日本嘅質素同味道👍🏻👍🏻…查看更多

人氣店； 高調宣傳賣點為日本直送 OMG大Toro 吞拿魚大腩 ：不敢相信，竟然是不肥美，還似是一般酒店自助餐的水平（冰冰淡淡的⋯ ）這樣的味道和水平為怎可能有這麼多的人氣 以及性價比極低； 一份定食套餐（HK$188)， 只是薄薄的幾片，與menu 有大的分別其他 ⋯ 也是一般般而已 很多評論都有提到服務，真的是小店作風店舖不大，用餐人多時，有點噪耳的感覺，upuse 撐著所謂人氣，而遺忘/忽略了食物品質、性價比和服務的重要‼️ …查看更多

呢個「深海大肥猪」真係名副其實！一上枱已經俾大大舊厚切三文鱼刺身嚇親 —— 魚肉呈現誘人嘅橙紅色紋理，厚度起碼有 1.5cm，叉落去都感受到佢嘅豐腴彈牙！重點仲要數鋪滿成個碗嘅「金砂」三文鱼子！每粒魚籽都閃住光，咬落去「啵啵」聲響，海水嘅鮮甜即刻喺口腔爆開，同肥嫩嘅三文魚肉夾埋食，鹹香同油脂味平衡到絕！呢個定食仲包埋味噌湯同沙律，成個套餐食落超滿足～最緊要係呢度嘅三文鱼用嘅係極地深海魚種，食得健康又滋味，鐘意食魚生嘅朋友真係要試！✨必試位：三文鱼 & 三文鱼子刺身丼…查看更多

於本周二（2月18日），約了朋友在餐廳午膳。我地大約12:40分入座，每人點了一個lunch set，原本諗住可以靜靜地咁同朋友傾吓偈，食一個愉快而又有質素嘅中午飯。一如以往，食物質素唔錯，呢個亦都係我哋喺呢間餐廳食過幾次嘅原因。可能喺我哋無留意清楚，唔知餐廳係咪有用餐嘅時間規定，我同朋友食完後（約1:25分）。過幾分鐘，待應就擺咗張單喺我哋張枱，我哋都係諗住飲埋杯茶就會埋單，再過多幾分鐘，一位女侍應係完全無通知我哋嘅情況下拎咗部信用卡機並伸到我面龐側邊，跟住扔下2隻字‘埋單’（Apple pay顯示結帳時間為1:33分），態度頗為惡劣。想不到一間lunch set 人均消費約200元的餐廳有如此待客之道，真係令人有點失望。…查看更多

今晚去左中環呢間日式餐廳食飯，入到餐廳後我們選了靠邊的2人枱，環境挺舒適，店內還播着日文歌曲，好有氣氛！首先飲品叫了生啤，落單時店員細心地告訴我們生啤是買一送一，可以先安排上一杯，飲完再上另一杯。食方面，我選了醬油漬藍鰭吞拿魚丼定食，吞拿魚很入味而且脂肪比例剛剛好。朋友選了特選海之幸壽司丼定食，原本是配壽司飯的，店員可以讓我們改成溫飯。材料亦十分豐富而且新鮮，有帶子、牡丹蝦、吞拿魚、三文魚、油甘魚、蟹柳和三文魚籽。另外我們亦叫了2款小食，香煎牛舌片略嫌味道有點淡，像用滾水灼完後再煎一煎這樣。相反，鹽燒秘制雞翼較香口，而且是僅僅熟不會over cook。結賬時發現原來可以用payme，習慣咗用payme的我當然選用這方式結賬，不過付完款後忘記了拿取收據～ 餐廳位置方便，而且食物水準高，價錢合理，值得推薦👍生啤買一送一非常抵飲醬油漬藍鰭吞拿魚丼定食特選海之幸壽司丼定食香煎牛舌片味道偏淡鹽燒秘制雞翼十分香口嫩滑…查看更多

嗰日其實係我哋本身預約嘅餐廳出咗問題，所以我哋隨心搵呢間餐廳試吓，呢間餐廳夜晚冇咩人，但見有聖誕餐都試吓，首先職員都好用心講解，對於客人嘅需要都盡力配合，雖然佢嘅炸豬扒超級難食，但整體嘅刺身都OK嘅，再次稱讚職員佢嘅服務態度良好，價錢亦都合理，抹茶甜品都幾好食，坐得都舒服，環境都乾淨，可惜洗手間得一格有人用緊去大就有排等啦。不過職員都會表示抱歉，會覺得客人等係應份嘅。上網睇過呢間餐廳有幾間分店，因為呢間分店做得好都想試埋其他分店，希望呢間餐廳繼續努力改善炸豬扒好難食嘅問題，其他好嘅質素都保持。…查看更多

中午與同事相約外出午餐，順便吐下公司苦水去到呢間日本餐廳，真等到花兒也謝了🥺中午時段真係好多好多人，等左差唔多60分鐘。差啲想放棄🤫🫠好彩最後都等到，而午餐相當唔錯😌✳️特選海之幸壽司丼定食👍👍👍👍👍餐牌都多選擇，樣樣都想食，而引致選擇困難症發作最後大家都揀左同一個餐🤣魚生鮮甜，而茶碗蒸十分足料😍看似份量唔多，但實際上都已經夠飽了🫣✳️玉子燒👍👍👍玉子燒略嫌失色，蛋香味濃👍但整體較為鬆軟，有啲泡泡既感覺😗由於本人喜歡實身啲既玉子燒，故此不太喜歡此家的口感🧐但鐘意既朋友可以一試…查看更多

⭐️評分：3.5/5-中環晚市定食，吞拿魚竟只要$150❗️❓連日本朋友都推介的隱蔽餐廳-✳️藍鰭吞拿魚扒丼定食 👍吞拿魚厚切，外表略燒香焦，外實內軟，肉質偏軟綿、綿密，肉味濃郁份量多❗️10塊魚扒刺身色澤鮮艷亮麗-壽司飯加醋，帶淡淡酸甜，特有香氣米飯綿密濕潤，煙軔有勁度加上芝麻、蔥，提昇整體香味風味-茶碗蒸雞蛋滑溜，配搭鮮爽味噌湯鹹香豐富--⭐味道 3.5/5⭐️特色 4/5⭐️環境 3.5/5⭐️性價比 4.5/5 ⭐️服務 4/5…查看更多

以前本menu有誠意好多，幫你配撘好哂，就咁睇圖揀，以家係有得自選但兩樣唔可以共存咩真係，以家次次嚟都覺得無乜嘢揀到咁，可能都唔會再咁常嚟，以前真係當飯堂。希望可以認真考慮再轉下個menu。…查看更多

出去中環食lunch~突然好想食日本菜，所以就搵咗呢間日本餐廳。餐廳的木系裝修好靚，坐得都舒服😊秘製炸雞球定食 $88炸雞好大塊，仲熱辣辣上枱，炸皮好薄，真係啖啖肉，超滿足🥰茶碗蒸的蛋好滑溜，有菇有雞肉，都唔錯。漬物蘿蔔好爽脆，好啱我口味。豆豆應該係前菜🤔️？食落鹹鹹哋，口感都唔錯😋味噌湯有好多豆腐。海鮮沙律 $68沙律勁大碗😮無諗過$68會咁大碗！刺身有吞拿魚、三文魚同油甘魚，仲有好多蟹籽。刺身都幾大粒，食落都好鮮甜。沙律的sauce係和風醋，好食👍🏻定食 Doraya (士丹利街) (中環)中環士丹利街11號Stanley 11 7樓*上述文章只供參考及以當時價格為準…查看更多

位於中環主打魚生飯定食嘅呢間定食 Doraya 一直人氣高企，平時lunch time都要早少少來拎位排一陣隊先可以食到，今次有同幫幫手排隊拎位，一於就來試下呢到嘅熟食定食，睇吓質素如何先～鰻魚盒飯定食(半尾)💰HK$148定食好豐盛，有沙律、漬物、茶碗蒸、味噌湯！茶碗蒸味道清甜，入口超嫩滑！鰻魚雖然得半條，但係份量都算多，除咗燒汁之外，山椒粉同鰻魚都好夾，忍唔住食晒成個定食～今次食咗比咗冷門嘅熟食便當，下次有機會再試埋啲魚生飯先～…查看更多

兼具精緻感飽足感的中環高性價比午餐～中環午餐時間，很幸運的不用等位，和友人搭電梯🛗到餐廳時，便能直接落座，從點餐到吃完，半個小時就搞定了。🇯🇵藍鰭吞拿魚扒小丼午市套餐🍣 $118吞拿魚切片厚身，略煎至半熟的吞拿魚，魚油散發出陣陣魚香，肉質滑嫩鮮甜，配以蔥花芝麻，更加誘人😍午市套餐可選配冷/熱烏冬/冷/熱蕎麥麵。選擇了💁🏻‍♀️蕎麥冷麵清涼消暑兼具飽足感。附小鉢和茶碗蒸茶碗蒸-足料、熱辣辣、蒸蛋香滑。小鉢-很好吃😋高配日式版茄汁豆～嘻…查看更多

[ 定食Doraya ]講起吞拿魚丼飯點少得呢間日式定食店，係香港開業接近20年，以日本🇯🇵新鮮運到藍鰭吞拿魚🐟製作丼飯定食菜式。最近日本政府成立嘅海外推廣中心JFOODO與定食Doraya合作，推出以粒粒晶瑩、啖啖匠心為主題嘅宣傳活動，推廣各款日本米菜式。✿ 藍鰭吞拿魚四色丼定食 $223 (2023年12月15日至2024年2月11日 ）「四色丼」有藍鰭吞拿魚🐟大腩、赤身、炙燒大腩及腩蓉共4款，鋪滿整碗丼飯，賣相豐富😍。大腩部位珍貴稀少，脂肪肥美，味道濃厚甜鮮，入口即溶。赤身肉身偏紅色，口感紮實，與腩蓉同樣咬落無筋，食得夠滋味。醋飯🍚選用日本北海道七星米，米粒飽滿軟糯。定食配味噌湯、小菜、茶碗蒸及漬物。✿ 吉列豬扒定食 $138吉列豬扒選用日本北海道白樺豚🇯🇵🐷，炸得🔥金黃酥脆，油溫控制得剛好，肉汁豐富。定食配白飯、椰菜絲、味噌湯、小菜、茶碗蒸及漬物。白飯🍚選用日本北海道七星米，飯香四溢，粒粒晶瑩，味道甘甜。總結🫦 中環分店以日式木系🇯🇵🪵裝修，環境光猛舒適。藍鰭吞拿魚刺身鮮甜肥美，係香港都食到日本嘅質素同味道🤤。除咗定食Doraya，今次JFOODO與13間香港人氣餐廳合作推廣日本米限定菜式，傳達日本米嘅魅力。又合作舉辦工作坊，讓大家了解日本米嘅美味秘訣！▶️更多資訊，可以查看官方帳戶。@doraya.cnt @japanese_rice_hk ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿定食Doraya地址：中環士丹利街11號Stanley 11 7樓電話：2421 2018✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多