宗田屋 (已結業)

雖然只是food court, 但食物質素好好，我經常lunch食吉列豬烏冬，湯底足料正宗日式鰹魚湯底（只係估，唔識）清，唔‘漏’，吉列豬超脆，應該係即叫即炸，肉質好，烏冬軟硬啱啱好，服務態度都好好。值得推介，希望佢哋捱得過疫情。👍🏻👍🏻👍🏻👍🏻..............................…查看更多

上星期在黃埔Aeon分店的宗田屋叫了玉子燒黑椒雞扒定食，價值$69～取了食物後，打算叫個職員想加點其他醬料，個肥肥地身型戴著眼鏡的女職員說：無！說已經夠味不用添加，頭也不回望，態度奇差！除此之外，眼見這玉子燒定食份量突然少了許多，雞扒薄如紙，就咁剪開了兩舊，不似一般雞扒，玉子燒只得三塊，沙律椰菜得兩小塊，加一兩粒車厘茄！雞扒難食又乾，湯份量也少了，是用細茶杯盛上，鄰近的日式超市賣的玉子便當好過佢好多！諗起都一肚氣，但本人因趕時間上堂的關係，沒有再進一步去理論，好不情願吃下吧。。這間店在沙田一田超市內都有分店，本人曾外賣過他們的吉列豬扒玉子燒定食都是一樣極少，價錢$69！還記得兩年前吃過都不是這樣的，份量頗多，玉子燒有六塊份量，價錢依舊一樣！所以真是無下次啦～又不是特別好食。質素下降了許多😖😖。。大家想去幫襯的話，還是請三思下la⋯！…查看更多

成個aeon food court 最吸引就係呢間玉子燒，今次試佢嘅下午茶。除咗中間位置有座位之外，行後少少有更加多座位比食客。今次呢個下午茶有個飲糰，入面係明太子。玉子燒有三舊，都係新鮮啱啱整，呢個玉子燒真係好好食，每次黎都掛住佢之後有d伴碟沙津醬西蘭花，再加幾舊炸雞。炸雞比到驚喜我，炸粉唔厚，亦都唔係放左好耐嗰種炸雞…查看更多

回堂玉子燒表面乾涸，外皮已是深黃色，結實得一點都不鬆軟。本來就是不錯，希望可以改善。服務方面，收銀員小姐竟然不懂得收銀，當我走到店舖櫃檯前購買時，竟然她因為不懂使用收銀機，要求我去food court收銀櫃檯排隊, 排長龍。真有點匪夷所思，以現在的市道，食店竟然還有趕客的味道。本來是一間相當不錯的食店，現在已經淪為一間普通的快餐店，再加上服務倒退，看到店舖的生意都已經沒有之前那麼好，有感管理不善，真的追不上變化，希望改善。…查看更多

以前真係好鐘意食宗田屋，但今次食覺得退步左好多😭首先玉子燒份量少左🙈以前真係有成條但而家感覺得半條？同埋蛋有啲煎得太老唔滑☹️飯都好一般有啲太削好濕☹️吉列豬扒就一如既往地，唔厚切同埋煎到好乾☹️我記得以前真係好好食，尤其係玉子燒😢少失望…查看更多

今日又黎food court食野，其實自己一直覺得黃埔aeon food court無咩選擇，都無一間特別好食，所以喺想唔到胃口想食咩之際，我都係會揀依間嘅玉子燒。仲次次都會加錢轉有餡料，因爲有餡料真係好食好多😋推介：明太子玉子燒😁我真係好耐無去食啦，我都唔知道依家原來無得加錢轉埋個飯做鮭魚飯之类，以前有咖…你聽到我講依樣加錢嗰樣又加錢先食到好味野……就知道依間都唔算平野啦🤭真心，我覺得除左個玉子燒吸引外，因爲佢真係即叫即整，其他都無咩了😁…查看更多

今日放工後去咗黃埔附近食晚飯， 行下行下最後去咗Aeon嘅food court，食呢一間玉子燒。呢間餐廳以前已經食過幾次， 食物質素都唔錯， 我哋今次叫咗玉子燒黑椒雞扒定食，同玉子燒炸豬扒定食。定食有玉子燒，主菜，飯，沙律菜，茶同麵豉湯，份量十足，主菜黑椒雞扒同炸豬扒嘅味道都唔錯， 炸豬扒都好鬆脆， 感覺上以前食落米飯係好彈牙， 今次就好似唔同咗， 冇咗彈牙嘅感覺。 至於玉子，都尚算滑身。至於杯茶係甜甜的，好特別。 因為份量好多，最後我哋都食到好飽呀:) …查看更多

在AEON Style 的Food Court 內，買咗食物後就座位自己搵了。玉子燒黑椒雞扒定食，大大份，食物種類頗多。定食有全份的玉子燒（6件），而便當就得半份，當然價錢較相宜。 其實一人份量，便當已經好ok了。有蛋香，亦是在店內即場卷出來，但技術有些粗糙，中心的蛋一團咁，所以唔多Juice。黑椒雞扒，日式照燒汁煑法，雞肉尙算軟淋，ok la。味噌湯，一味死鹹，最後無飲。第一口飲，以為是甜奶飮品，原來是達利抹茶，應係加了糖的抹茶粉開的。漬物，幾粒爽瓜粒。灑上芝麻的白飯，芝麻可令白飯的香氣增加。…查看更多

$58 一個三文魚便當，塊三文魚細得可憐幅圖係未食之前影，超級「吉」度埋塊魚有幾大，證明間舖有幾呃錢問阿姐點解塊魚咁細，佢仲好大聲話係咁㗎，一塊魚分兩份丫嘛味道更加差，得個鹹字塊三文魚好似鹹魚咁唔會再食:(…查看更多

晚上8點13分落單，8點28分取餐，以晚餐時段計，等待時間15分鐘尚可接受。員工態度較一般。我點了玉子燒黑椒雞扒便當(52元)，其實也不便宜，但今次玉子有驚喜，美味而且熱熱的，非常讚!而雞扒煎得外皮有點脆，味道也不錯，但肉質稍硬，如再軟質一點，口感更佳。此外還有一些西蘭花及粟米伴菜，味道不過不失。白飯就要扣分了，雖然不是主角，但也不應馬虎。因為實在太乾太硬了，不知是未熟還是水分不夠，希望可以改善。…查看更多

玉子燒除了是幾乎每間居酒屋都必備的菜色之外，其實現在香港亦有不少小食店亦有售各種天馬行空的玉子燒，雖然創意無限但絕對談不上正宗，要品嚐正宗玉子燒始終還是要選擇到具質素的日本料理餐廳。宗田屋標榜是高知縣鰹魚湯玉子燒專門店，強調玉子燒用上高知縣鰹魚湯及日本雞蛋製成，玉子燒有原味、明太子、蔥蟹柳、三文魚、芝士火腿和芝士粟米六款口味，另外亦有供應定食、便當、烏冬、拉麵和飯。明太子玉子燒粟米忌廉薯餅定食 ($84)定食包括一份原味玉子燒、白飯、漬物、麵豉湯及主菜例如炸雞、吉列豬扒、漢堡扒、炸魚柳、野菜薯餅等。另可以$10將原味玉子燒升級為明太子玉子燒、三文魚玉子燒或蔥蟹柳玉子燒；白飯亦可以$5升級為魷魚昆布飯、三文魚飯或明太子飯。玉子燒上桌時已經只得微微餘溫，感覺上絕非即叫即製，質感死實乾旱而層次感欠奉，毫無蛋漿應有之濕潤度，油膩感亦偏重，味帶微甜而蛋香淡薄，明太子份量亦少得可憐。即使單點一份明太子玉子燒的價錢亦要上$56，以此等質素而言絕對是物非所值。相反炸粟米忌廉薯餅卻是出人意表，新鮮熱燙炸至外酥內軟，餡料呈軟滑流心狀，而薯蓉亦相當綿密粉糯，味道就如將粟米忌廉湯與薯蓉合二為一。而魷魚昆布飯白飯粒粒飽滿，配以魷魚昆布飯素即使獨立品嚐亦相當滋味。作為一間玉子燒專門店，玉子燒卻竟是在所有餐點當中最強差人意的一道，水準遠遠未能達至期望與價格，雷聲大雨點小，只能說是徒負虛名。…查看更多

要為除夕之夜的石板燒晚餐作好準備，但我倆明天要上班，今天下午又有節目，因此起床後便立即到aeon掃貨。當然要自醫飽肚子，因此便隨意選擇了food court內的一間以玉子作主打的餐廳。有玉子定食和玉子便當，不同的是份量以及是否有味增湯。早上沒有胃口吃太多，就分別選了玉子燒吉列豬扒便當和玉子燒忌廉栗米薯餅便當。呢個係我既，薯餅應該係即炸，新鮮，栗米味幾香，如果大件少少就好（貪心的為食人）玉子香滑，配飯一齊食，好滿足，沙律配菜同牛蒡甘筍絲都好好味，令到個便當感覺好豐富。白飯上面亦都有少少飯素，係有心思既表現。玉子燒吉列豬扒便當呢個係老公嘅，內容大致相同，我試食左一件豬扒，未算係吉列專門店o個種鬆脆（其實都唔應該比較），但豬扒都算鬆軟，加埋吉列醬一齊食都好好味。以呢個價錢同質素，我下次過黎有機會再食既。…查看更多

黃埔隻船其實都幾多野食，而且價錢唔貴，份量又多，今日試左間玉子燒專門店，唔錯玉子燒吉列豬扒定食，只係$66,有湯有飯有前菜有沙律有豬扒有玉子燒，出面食唔到呢個價，真心幾抵大胃王如我食完係堅飽吉列豬扒，不過不失，唔會話好juicy,但都鬆軟，炸粉唔厚，豬扒冇雪味，而且幾大塊又厚身玉子燒，味道偏淡，甜甜地，食落幾有蛋香，而且蛋仲係好滑，我覺得有啲淡，但朋友覺得好好食整體黎講，價錢超值，味道唔錯，會再黎食過…查看更多

有時喺附近做完gym想一個人簡簡單單食一餐我就會一個人落food court搵食雖然因爲日本超市關係大部分都係日本菜或者西式和食但日本菜刀好多花款嘅今次就食呢間主打玉子燒嘅餐廳通常夜麻麻去食foodcourt都冇咩人但係唯獨是呢一間出面會出現人龍行埋去收銀落單果個位已經見有職員整緊玉子燒喇！我叫左個炸雞定食雞就唔多喇得三件但係個玉子燒真係好～正～好～滑唔怪得咁多人排隊食啦同埋唔好以為玉子燒好似好細份咁其實都幾飽肚架食food court都可以食得好滿足～…查看更多

與家人朋友食飯，food court的好處就是食物款式多，價錢也較相宜。這天來到Aeon food court食晚餐，走了一圈，發現多開了一兩間食肆，但我還是想食之前食過的宗田屋燒玉子。去到counter下單，點了一個燒玉子跟薯餅的餐，想跟以往一樣加$10在玉子裏加入櫻花蝦，可惜已經沽清，店員建議我可以加三文魚或者明太子，最後我還是沒有加入配料，食原味的玉子了。套餐包括了玉子，薯餅，沙律，白飯，麵豉湯和漬物。過去幾次，燒玉子我都會加配櫻花蝦，所以今次是我第一次食原味的玉子，卻令我有少許失望。玉子大小和件數一樣，但質感卻跟有加配材料的玉子有很大出入。這個原味玉子偏油，都有蛋香，但整個玉子做出來質感太鬆散，中間的空位太多，所以咬開就知道不實心，空位看似用加配材料填補就剛好會變得實心那樣，是食過幾次最失望的一次薯餅一開二，味道普通但不想要熱氣食物的朋友就不要點了。白飯溫度也不足夠，食下只可以算上溫暖，不是熱的。光顧過幾次，今次較失水準，希望日後有改善吧。…查看更多