宏泰燒味餐廳 (川龍街)

叉烧烧牛饭，加多碗例汤都系$45 ，今时今日荃湾嚟讲，算系抵食，肥差咬落又咬口，烧鸭都唔系净系骨头，饭就差啲比较硬，但系味道正宗葵涌佢，可以回来翻食，外卖$30的烧味饭多人帮衬，堂食就可以舒服啲…查看更多

今日（7-9-2024 Sat)晏昼，跟老公去教会做义工前食晏，去边喥食，突然记起呢间，咁就嚟啦，我哋嚟到时都多人，坐低后谂，我要$45.00全瘦烧肉濑，饮热奶茶。老公要$50.00嘅四宝饭，要热柠水。我嘅全瘦烧肉濑到嚟，睇见烧肉真系俾全瘦，食落唔咸，有啲皮脆有啲就唔脆，肉嘅口感都正常。味道：4分爽滑濑粉份量唔多，淡汤嘅味道有啲怪，唔通系烧骨汤？味道：3分然后系老公嘅四宝饭，我只食一件烧鸭，口感同味道都对版，冇问题。味道：4分最后两杯嘢饮到嚟，我嘅热奶茶，一饮就系苦涩，好彩加半包糖都救到。味道：2分卫生：地面依然有少少跣，今次摆餐具嘅柜边都油油地。上次食评系2024年5月13日刊登嘅呢篇： https://www.openrice.com/zh/hongkong/review/%E9%81%B2%E9%A3%9F%E4%B8%8B%E5%8D%88%E8%8C%B6-%E6%99%9A%E9%A4%90-e5458760…查看更多

买左一只烧鸭，返到屋企打开夹番落自己嘅碟加热，至发现冇左一只髀。打番去舖头话俾佢地知（其实心知唔会有实际作用，只系唔讲唔舒服），接电话小姐一如预期态度差劣，话冇可能偷一只髀，叫我影相做证据send番俾佢地睇，又话口同鼻拗，话我屈佢，仲问我当场做咩唔check清楚。其实呢个世界真系有人会买烧味，人地包好晒俾你，你再打番开个外卖盒数下check下d件数齐唔齐？！咁，其实我都知系口同鼻拗，影相都冇用㗎，影完你都可以话我系自己夹走一只髀至影张相屈你都得。打电话之前已经预左佢会无赖、预左佢会唔认、预左佢会态度差。唯有以后自己唔帮衬，咁你多我一个客又唔多，少我一个客又唔少。我买得少少嘢又唔系大客，咁算啰。…查看更多

外卖饭盒叉鸡饭 ，切鸡其实系盐焗鸡，鸡肉系好梅嘅，叉烧系咬极都呑唔到，饭系有生米的，我不是要跟酒店比较，只是一个基本的烧味饭原则去评论 。没有期望得太高，只是真心觉得难食，30蚊都是钱，为何将食物煮得这么差😩 我放弃了饭盒已报销。…查看更多

星期六有节目，于荃湾运动完后，逛逛街，大约黄昏时分，有啲肚饿，不如提前吃吃吧突然想起川龙街宏泰烧味餐厅，步行10分钟到了，仍是熟客多多，塞住门口等外卖找个雅座，冷气凉浸浸，睇吓餐牌，仍有下午茶😀 奉送饮品或汤拣了 瘦叉烧 油鸡米粉（走葱）厚切大大件叉烧，啖啖肉😋有4、5 件油鸡 肉质鲜嫩，点啲葱油，更加滋味是日例汤：冬瓜汤，煲得够火侯，没味精，清甜有意米、猪骨 、、、埋单 $30 抵食下午茶，下次再嚟，bye…查看更多