影片
电话号码
28971260
开饭介绍
一间车仔面档，以大什面最为欢迎，价钱大众化。\r\n更有秘制酱汁。
继续阅读
营业时间
今日营业
11:30 - 21:00
星期一至日
11:30 - 21:00
以上资料只供参考，请与餐厅确认详情
招牌菜
唔系讲笑，由中学食到依家, 真系25年, OH 出卖自己都要食, 有咩味系香港仲系屹立不倒, 仲有几多小店不断努力渡过岁月既洗礼，佢真系到今时今日都系仲系个个味, 都仲系呢个地方，都仲系咁好食。老老实实, 几多车仔面唔系太咸就因为物价变动而食材都改变?!但系呢间车仔店都仲系KEEP住，喜欢猪红既人, 唔食过佢既猪红会对唔住自己，我敢讲, 呢间系港岛区最好食既车仔面。我介绍过俾好多朋友仔, 有D住好远, 过黎食过之后都再黎。我唔食得辣野既人, 但系老板秘制既辣真系叫我兴奋又喜爱，就算我唔系好食得辣, 都会捞少少系个汤底到， 精髓同呢间店既灵魂黎嫁。个人推介: 猪红，猪皮，炸虾卷，鱿鱼必叫辣 (第一次食既人可叫分开上), 唔系枱面D辣油，系叫老板另外俾你既辣酱，正。
继续阅读
有望过下我啲食评嘅都知，我极其量都系畀OK。我得个level 3，从来冇接受过乜嘢优惠、招待或者款待但就系呢间车仔面我会畀Like。一嚟系呢间车仔面由中学食到大已经廿几年，以嚟系不论佢嘅辣汁、萝卜、猪红、米线、米粉，都系我最钟意嘅质地同味道。望过有人会觉得佢部份食材唔啱口味。讲真车仔面真系好个人口味，本身唔钟意食油面幼面粗面所以直接跳过，但米线我落亲单叫爽身都系弹牙爽口，仲要系食咁耐浸咗咁耐汤都唔会浸到淋晒。呢间舖嘅白萝卜，我唔够胆讲佢系最好食，始终有未食过，佢嘅萝卜浸到透红个心都甜嘅我真系好少食到。佢嘅辣汁亦系佢嘅招牌嚟。炸鱼皮来货至上碟亦不断改进，由我读中学时铺喺面，仲要有骨到到我出嚟社会见佢分开上，今时今日仲会入埋袋另上。唔算得上系啲咩，系一份情怀。呢间车仔面嘅𩠌，廿年如一日。佢嘅炸猪扒炸虾条炸腐皮卷炸龙虾丸，全部都系落单再另外炸，所以次次出真嚟都系啱啱炸起。而家仲有几多间车仔面肯咁样同你玩。畀呢间车仔面like就一定系有童年回忆加成，但至少我搬咗去唔同地方，睇咗咁多片推介唔同嘅车仔面舖，试过咁多间车仔面，我仲未食得返呢间车仔面嘅味道。有时好期待呢一间车仔面可以加多啲唔同嘅𩠌，但做多一样就烦一样，唔系下下有新嘢就叫做好。中学时代，因为附近几间学校差唔多时间一齐放lunch，每日呢间车仔面都会喺路中间开枱，几间学校会堆埋一齐食，有啲学生为咗唔想热辣辣坐喺度，又或者唔想等位就情愿买返学校。由廿几年前食个三𩠌面都只系廿蚊，见证住今时今日百物腾贵要$10一个𩠌。细个食亲都要食五𩠌要$30到而家出嚟做嘢人贪心少少食到$80。以一个车仔面嚟讲绝对唔系抵食类，但以味道同埋情埋嚟讲至少我觉得值。相比其他求其塞落肚嘅车仔面，我情愿畀贵少少。
继续阅读
今日一个脚踏入呢间无华丽装潢嘅小店，香气扑鼻，即刻食指大动啦🍜！一试佢哋嘅招牌牛腩面，牛腩嘟嘟哋，入口即溶，肉质嫩滑到一个不得了，而且汁都完美地渗透晒入肉里面，味道鲜美得嚟唔过重唔过腻。面条爽口弹牙，与汤底结合得够好，个汤头辣中带鲜，一啖啖都令人回味无穷。再啱啱好，见到隔篱台架上新鲜出炉嘅脆皮猪大肠🥢，我知道非试不可！炸到金黄松脆，外皮爽脆得嚟唔油腻，一咬落去，脆卜卜嘅声音喺口腔回荡，大肠本身嘅鲜味同埋烧汁完美结合，喺味蕾上肆意舞动。客人嚟嚟去去，丝毫不减，但大家排队嘅秩序井然，大家都明白等待背后嘅美味值得。嚟到呢度，你唔需要好多花哨嘅语言，只需要真实嘅味觉体验。食一次，肯定令你念念不忘。大家有机会经过，真系要试吓，唔驶谂，直接入去排队就得啦！👍
继续阅读
行过小西湾唔少次，终于有机会扑下呢间人气车仔面。地方虽细，但依家啲椅仔坐落嚟，感觉就好有人情味。选咗普通公仔面，加咗牛肉同炸鱼皮卷，简单得嚟滋味层次好丰富。𠮶牛肉，腍得嚟又唔会烂，啖啖肉嚼落去好过瘾。至于炸鱼皮卷啊，外脆内滑，鲜味就喺𠮶脆嘅表皮底下爆发出嚟，咬落去声音大过话嘢，正！汤底我就拣咗好多人赞嘅沙嗲，味道好足，微辣带咗啖啖花生香，融入面入面，真系化晒。🥢 最正嘅系，成碗面食落去，个胃暖笠笠，但唔会觉得有负担。唔少得话起，佢哋个自调沙嗲辣酱，简直为呢碗平民美食攞到加分，想辣就辣到出晒眉，想慢火嘅，少少酱料就哂晒。🌶试过之后，无怪乎呢度会点都人流唔断，佢嘅车仔面真系有种古早味，但又清新到可以成就平民美食界嘅小确幸。下次路过，我一定会再扑一次，而且要试多啲配料，感受下不同嘅面食乐趣。😋
继续阅读
放学返到屋企想平平哋食一餐🙈自己一个人唔想堂食🤤所以外卖拎返屋企🏠今次拣咗两𩠌车仔面🤩两𩠌油面底 叫咗红肠同鸡翼😋油面质地唔算好弹牙🧐一咬就好易断开🤣汤底可以再浓味少少🤏🏻令油面索多啲汤底😆就咁食有少少似面还面 汤还汤🥺不过值得一赞系佢嘅鸡翼好入味🥰肉质唔算嫩滑 但系好淋 唔会好霉👍🏻红肠就正常发挥😽同平时出边普通烧味舖差唔多😎整体来讲系不过不失🥳但以咁嘅价钱嚟讲绝对抵到烂🤪
继续阅读