完美煮意 (已結業)

又去到觀塘返工，見到有一間幾有文青感覺既台灣餐廳，咁又格調既餐廳真係岩晒我。咁多肉燥飯有少少花多眼亂，最後都係挑選左雞排鹵水蛋肉燥飯配雪菜飯。一上菜，雞排上左醬炸，外脆內軟，外皮脆卜卜，雞肉有雞味，仲有肉汁好嫩滑。

今日在餐廳食嘢。 當時餐廳內太約得3-4人。 我點餐黎便睇電話， 等便餐到。等左約20分鐘， 我隔離有一對夫婦坐低點餐， 最後佢地d野到左， 我d野都未到。於是我問服務員， 佢地幾個究然話有幫我落過單囉🤬最後足足等左成40分鐘先有野食

第一次嚟到觀塘翠屏邨，要搵美食最重要就係觀察間餐廳多唔多學生食。眼見商場內的台式餐廳及日本餐廳，都有頗多學生在門外等候，我同友人就決定一想台式餐廳-完美煮意。當日，我哋叫咗一個番茄湯麵配滷冬菇及花枝丸，以及一個喇沙湯米粉配花枝丸及甜不辣。番茄湯酸中帶甜，喇沙湯惹味卻帶一點點香辣，但無奈地覺得兩者的湯底也帶有一點味精。花枝丸及甜不辣略略炸過先上枱，食落都幾香口。 算是不錯的餐廳！

中午因打風天氣非常熱不想吃飯，正好經過這間店並看見午餐中的鹽酥花支丸麻醬拌麵。另外餐飲是凍㗎啡。麻醬味道似花生醬，份量夠拌整碗麵但比較淡，如果多一些葱和花生碎會更好。花支丸是炸的，味道香口好味，雖然只有五粒，但是绝對送這麵，㗎啡味都算濃。整體來說可以接受。

今係黎到屋村食台灣風味既下午茶，舖頭細細，放左一d淘寶都可以揾到既擺設，睇得出係小本經營。試左「珍寶肉燥飯」，入面有3粒酥炸雞粒、一粒炸貢丸、一粒炸魚旦、一條炸春卷、一塊蝦餅、一塊魚餅、仲有隻滷水蛋。個雞粒唔算太厚粉，不過個人認為太細粒。粒炸貢丸好出色，但粒魚蛋就冇乜特別。塊蝦餅好食，魚餅就太鹹太辣。滷水蛋完全冇味。「肉鬆厚吐司」，塊多士一啲都唔厚，完全唔明點解叫厚吐司。就咁加咗啲肉鬆係上面，一啲醬都冇，好在塊吐司係脆嘅，如果唔係真係唔會食。「凍蜂蜜綠茶」，成杯綠茶同道地蜂蜜綠茶冇分別，不過加咗冰，起碼係好味嘅。「熱抺茶牛奶」，依杯野有啲嚇人，個牛奶似係用奶粉開嘅，上面淨係加咗少少綠茶粉俾你攪勻佢飲。我一定唔會再叫。如果你對食嘢冇乜要求，呢一間鋪頭都算坐得舒服嘅。我試過食其他野，好味好多，下次有機會再影俾大家睇。

今日 lunch time 有多些少時間, 同事建議再來完美煮意。本身對佢 D 肉燥飯或麵興趣不大, 不過之前試過幾次都幾好味。今日見轉左 lunch menu, 有娘惹咖哩鹽酥雞飯, 即時落單, 跟餐加 $6 轉特飲 ~ 台灣珍珠奶茶!炸雞望落好乾但食落原來唔錯呀, 不算乾, 仍有少少肉汁, 味道也很好。咖哩汁香而不辣, 內有薯仔, 煮得很淋很入味, 跟飯吃一流。兩位同事叫了豬軟骨米粉, 也同時說豬軟骨, 有豐富骨膠原, 豬肉也很淋, 可以全部吃清光。珍珠奶茶少冰少甜, 正常味道, 也不錯的。同事另一個麵也合格。整體 ok, 除左有一位很惡的 (似老板娘), 見有一大班中學生食完唔願走, 坐响度玩電話, 玩 games ~ 就出聲叫佢地埋單走人。

去探朋友後，回家前去買外賣，呢間台式餐廳門面幾好，午餐選擇配搭幾吸引，店內不大，店內裝修幾有田園風光，加上木桌椅，感覺舒服！去收銀處落單，攞票出門外等，好快出到比我！回家後打開包裝，外賣盒係可以入微波爐加熱的台式鹽酥雞扒肉燥飯（$46）肥髀食，賣相靚，我試咗雞扒，乾身鬆脆，即食仲好味！娘惹咖哩飯+燒雞翼（$48）咖哩汁微辣，好香濃，薯仔炆得入味，撈飯好味，白飯鬆軟，好味，雞翼賣相靚，皮燒得薄身，肉嫩唔乾，鹹香好味！水蜜桃紅茶🍑（跟餐加$4）叫了3分甜，水蜜桃味道清爽唔假，酸酸的開胃凍珍珠奶茶（跟餐加$6）肥髀飲食物幾好味，店員有禮，不過午餐唔可以由飯改撈麵（加錢都唔得）唔夠彈性！外賣走都好好味

《完美煮意》#觀塘📍觀塘翠屏北商場M1樓77號舖-🔹秘制牛肉麵 $56 牛肉用牛肋條 係幾入味同幾淋嘅 但食第一啖已經好咸 食埋個麵都係偏咸🤢成碗麵都好油 真係唔係好岩我口味-Instagram: 90sfoodieshare 大眾點評：90sfoodieshare Email: foodieshare@outlook.com

约7日前去試，鹵水雞翼唔夠未，醬油雞都唔夠未，豬軟骨好味，蘇炸雞好味，一開始叫台灣牛肉麵就話買曬，本來想起身走，我就试吓其他都零我好失望台灣手選一定要試牛肉麵，我晚上7：30分左右入去试就已經買空，她說午餐已經買空了，晚上又九時就收工，這麼早收一定要放假先可以入去食！平時D食店多數都過10時先收工！失望

最近翠屏邨開咗幾間新嘅食店👏👏👏為我哋嘅翠屏邨 增添咗好多嘅新鮮感 。 有魚米線啦，有台湾食店日本食店而且商場上層仲開咗檔鹵水小店同埋車仔麵添講返呢間台灣食店，價錢 屬於大衆價錢 ，有小小特色 裝修，整體都算乾淨清潔為主我大約係下午四點鐘到。餐廳內不是太多人 ，但座位都比較闊落， 但座位都比較闊落而且舒適， 我點了個下午茶餐 32元， 叫了一碗滷肉 鹵雞翼 米線麵 ， 茶餐包一杯 三元 嘅飲品湯底有豬骨淆過嘅肉汁 好香口， 但滷肉就比较少了一點，但 雞翼就做得好滑，而且仲有3隻添 ， 以32元嚟講 都算可以啦