宋伯山水豆腐花

聽聞呢間係登山客極度推介嘅小店山長水遠嚟到就當然要試吓啦～^_^其實路途都有唔少士多不過呢個位置絕對贏曬🙈除咗地方大之外仲有270度無敵大海景！小店最出名嘅係山水豆腐花除此之外亦都有港式同多款家鄉小食🏔️ 山水豆腐花 $16 豆腐花好順滑，亦有淡淡嘅豆香味比起市區的確價錢偏貴但可以一邊望住湖山景一邊食就抵返晒啦😍🍡 山水豆腐花 + 芋圓 $22 另外要多咗碗係加芋圓嘅！芋圓好煙韌，但芋頭味唔重🥜 花生粒雞屎藤茶粿 $10/5粒小妹都係第一次食呢個茶果，賣相好得意🤣 朋友話係由雞屎藤嘅草本植物所造成有助清暗瘡同解毒，亦都係佢個名嘅由來！食落去有啲似湯圓嘅煙靭版，好鍾意呢個質感而且唔甜，味道好天然好好食呀🥰⭐️ CP值：🐘🐘🐘🐘⭐️ 打卡able：🐘🐘🐘🐘🐘⭐️ 舒適度：🐘🐘🐘🐘⭐️ 再食指數：🐘🐘🐘.5（5 星為滿分）人均消費：$50以下…查看更多

由鹿頸小巴站行去宋伯士多路程大概一小時今次只試了豆腐花 豆腐花的質地較堅硬，不容易變碎HKD16味道好吃， 有豆味周邊環境都十分清幽，可以一路望著湖境一邊吃豆腐花另外有一番風味…查看更多

上年年中行過一轉鹿頸至谷埔一段，無難度，超輕鬆，今回跟另一班行山友就舊地重遊。然而，上次行到近谷埔，「宋伯士多」就無開，今次就見佢有開檔，當然作為中途站，歇一歇，抖一抖，嘆碗豆腐花先。幫襯呢位「宋伯」，真喺可遇不可求。 其實，呢段路沿途有唔少「士多」，提供飲品、麵食，不過，「宋伯」呢個位就絕對喺嬴晒，除咗地方大，夠空曠，仲附送270°無敵大海景，雖然對面喺沙頭角，但夠開揚就得啦。由於呢段路真喺超易行，無難度，所以，遊人甚多，一批又一批咁經過。如其他士多一樣，都有提供港式小食及麵食，不過，呢度賣點喺啲山水豆腐花及多款家鄉小食，前者有凍有熱，更可以溝涼粉、紅豆、芝麻糊，定價亦唔貴；後者就選擇多多，包括糯米糍、茶粿、南瓜餅、蕃薯餅，又有唔同口味，最好喺獨立包裝包好晒嘛，夠衛生，可以安心享用。研究完一輪，其實好多嘢都想試，因為呢啲傳統嘅中式小食真喺賣少見少，最後，我哋兩公婆就試咗以下3款小食。豆腐花 $16衛生問題，依家都唔會有咩山水豆腐花，不過，好多鄉郊嘅士多所賣嘅豆腐花都好有水準。「宋伯」嘅都喺，睇到都好平滑，啲豆花入口真喺堅滑溜，一聲滑到落喉嚨，又有豆香。 紅豆南瓜餅 $12紅豆、南瓜兩樣都喺老婆喜愛嘅食材，所以，一早就相中要試吓。雖然，唔叫得好大個，但都好墬手。南瓜餅煙韌有咬口，有陣陣南瓜嘅清甜味；而裡面塞滿紅豆蓉，唔算好起沙，但就非常清甜。 眉豆茶棵 $12此外，老婆仲好鍾意食茶粿，依家晌出面真喺好少遇到有得賣，所以，試埋呢一款鹹點先。拎上同樣感到份量十足，外皮咬落好煙糯，卻唔黏牙，內裡嘅眉豆餡夠粉香，認真唔錯。豆腐花+紅豆 $22呢一碗豆腐花加紅豆，喺其中一位朋友點嘅，無刻意問朋友個豆腐花味道如何，只喺想講就算加其他嘢，一樣俾到足料你，睇到配豆腐花真喺加咗勁多紅豆，唔喺「求其」一、兩羹仔，所以，友人話好抵食。 食完之後唔好拍拍「籮柚」就咁走咗去，如方便，幫人收拾好啲餐具，擺到指定回收處，眼見都喺幾個人小店式經營，大家行個方便，下批行山客嚟到都有個好環境坐低食吓嘢。 此外，店主亦好有心，晌回收處旁擺咗一小桶水，寫到明「只供洗手，不可飲用」，都喺行個方便俾大家，唔使為洗洗手行個老遠去搵廁所。雖然店名寫喺「宋伯」，但眼現幾位負責人都喺後生不少，可能都喺宋伯後人，希望繼續呢盤小生意，等假日遊人行到攰攰哋，有個好環境歇一歇。享受郊外嘅寧靜同時，亦尋味番一啲地道嘅傳統小食:)。…查看更多

聞說已久在遠處有一間凍豆腐花，係登山客既摯愛，千山萬里終於搵到呢間位於粉嶺既宋伯山水豆腐花，炎熱天氣都係要快手，買左兩份分別係涼粉豆腐花與傳統豆腐花，兩種唔同口味就要最快速度食落肚兼消消暑，先食涼粉個碗再加上些少糖水相當美味，無諗過涼粉都可以咁好食，加上熱天食冰涼更是一食多得，果然不出所料好快就食晒成碗，再食傳統口味時就算無加任何野都食得出有味， 好滑好細緻配上特製既紅糖慢慢融入其中同時食用效果與美味滿分!…查看更多

行山行到攰🔋緊係要食番啲嘢補充下體力⚡️⚡️由鹿頸至谷埔🐾行大約30-45分鐘左右就會有間小店 有個伯伯係到賣豆腐花同茶果😻😻一場嚟到緊係要試下啦😚🍨凍山水豆腐花 ($16)🍠紫心番薯餅 ($10)🥜花生粒雞屎藤茶果 ($10)大家經過可以幫襯下😆💜💜支持下伯伯👨🏼‍🦳…查看更多

在鹿頸沿鳳坑去到谷埔就會見到宋伯山水豆腐花，這裡豆腐花是自家製造，幼滑軟嫩樸實無華，在郊區能夠食到碗豆腐花，大自然環境下所以都是美。🥰😋客家茶果樣子美美，睇落吸引價格就有點貴啊！鹿頸是一個輕鬆郊游好去處。👍…查看更多

即興輕鬆郊遊遊不忘都係食😂其實沿路不只一檔售賣豆腐花豆腐花和涼粉都好吃豆腐花有豆香 都算滑捋捋涼粉不太軟淋淋 有點嚼口最有驚喜是糖水帶有薑汁味而且不辣 啖啖的薑味減輕了甜膩如果坐在海邊吃簡直有視覺及味覺的享受😍除了豆腐花和涼粉沒記錯還有茶粿等糕點吃還有豆漿 應是自家製吧我見很多經過的遊人都會買來喝吃完還可以去看看檔口後面的歷史建築那是一間舊校 名叫啟才學校 逛累了作為一個休息點 實在不錯 再看過日落🌄 不枉此行…查看更多

郊遊好多時都有間豆腐花檔在左近今次行鹿頸都有得食唔平$15碗豆腐花！奇怪在佢嘅質感及味道似百福豆腐花唔滑！仲要我叫兩碗熱豆腐花！但佢比我時話暖暖哋！但我食時跟本係凍嘅在咁靚嘅環境食真係別有風味但豆腐花嘅質素就…查看更多

今日入到鹿頸，不斷行，行過幾段樓梯同斜路，見到不遠處有呢一間鋪頭仔，都幾多人幫襯，行到都攰攰地，決定坐低抖下。咖哩魚蛋 $10/6粒山水豆腐花 $15呢到風景清幽，望住個景食呢碗豆腐花真係特別寫意。同埋呢碗豆腐花真係特別好食，清甜得黎個糖水我覺得有小小姜味，或者可能係行得攰所以覺得特別好食。咖哩魚蛋就相當普通，對比起個豆腐花真係冇乜特別。呢到最正就係個景，遠離市區，坐係到望住個景，陣陣涼風，真係好舒暢。…查看更多

今日同朋友一齊去行山，行鹿頸！鹿頸路線大部份都係平路，其實非常適合行山新手去行，亦都適合長者同親子去郊遊！沿途風景優美，有濕地、石灘、蘆葦田等，更有多間茶座同餐廳！我哋喺粉嶺站C出口搭56K專線小巴，總站落車。之後見到新娘潭路路牌後，就跟住個方向沿住海邊行，就可以抵達谷埔。行到谷埔已經身水身汗想坐低抖下食下嘢，我哋今次就揀咗食呢間嘅宋伯山水豆腐花！店舖位於谷埔村口，有賣客家糕點 (茶棵、糯米糍、番薯糕)，亦有賣燒賣魚蛋、公仔麵！當中最馳名就梗係山水豆腐花啦，幾乎每人都會叫一碗😂豆腐花口味種類唔多，有四款：原味豆腐花、涼粉豆腐花、紅豆豆腐花&芝麻糊豆腐花。原味係$15，其餘豆腐花係$20。⚠️店舖只喺星期六、日營業！❤️ 豆腐花+涼粉 $20 行完山路食一啖清涼豆腐花確係爽😝 之前從來未食過涼粉+豆腐花呢個配搭，心諗以為會好怪。點知食落又好夾，豆腐花口感滑嫩細緻，入口絲滑順落喉嚨，豆香濃，完全唔會食到有渣，非常正宗。涼粉口感爽滑，同豆腐花係兩種口感，相映成趣。整體唔會好甜，因為有涼粉嘅糖水加持，所以唔洗落黃糖！好食度：⭐️⭐️⭐️⭐️(4/5)❤️ 花生糯米糍 $10個個咬第一啖已經忍唔住叫一聲：嗯～😳🤩一咬落去非常驚喜，入面有花生粒同糖，啲餡多到湧出嚟，味道似糖不甩。個外皮厚度適中，煙韌軟糯，軟綿綿個質地令同行朋友讚不絕口，佢哋個樣好似食到心都溶化咁🤣 正當想每人買多粒嘅時候，所有花生糯米糍已經賣清😫四點已經賣清哂喇...下次要買就趁早！好食度：⭐️⭐️⭐️⭐️✨(4.5/5)❤️ (左)雞屎藤茶粿 $10客家做法嘅雞屎藤係甜食，只落片糖，色澤比較黑。唔好因為佢樣衰而唔食，其實雞屎藤功效多，主治風濕筋骨痛止瀉，咳嗽；痢疾外用治皮炎，濕疹，瘡瘍腫毒。😙雞屎藤茶粿又可以叫「清明仔」，係一款清明嘅應節食品。呢度嘅雞屎藤茶粿有五小粒，食落唔太甜，有股獨特嘅清香，仲有少少回甘。質感彈牙，同面頭粒花生一齊食有雙重口感。好食度：⭐️⭐️⭐️✨(3.5/5)餐廳推薦度：⭐️⭐️⭐️⭐️(4/5)呢啲傳統食物買少見少，亦都唔知幾時會失傳，真係好希望傳統小吃可以有後代保留到。風景對正鹿頸濕地海邊，有世外桃源嘅感覺，除咗景色怡人，亦可以享受郊外嘅寧靜，心曠神怡。食一啖豆腐花，可以暫時放低喺城市裏嘅煩惱，為心靈帶來一絲嘅平靜。大家食完豆腐花，不妨去谷埔村兜一圈😌谷埔村有近370年歷史，係客家老圍村！入面有三級歷史建築「啟才學校」，更有蘆葦田和紅樹林，土地遼闊，唔少人都會到呢度打卡。好彩的話會見到小白鷺喺紅樹林區出現㗎！🤭係咪好有英國鄉郊小鎮feel呢？😂 景色相當怡人，推薦大家過嚟行下！…查看更多

大埔坐車van仔入烏蛟騰HKD10.x, 宋伯山水豆腐花HKD20, 每一個服務每一樣野都有一個價值，不過今日嘅天氣同海風係無價🌞🌻🌿，用錢都買唔倒。宋伯豆腐花舖好細，不過郊外地方檯周圍擺都無問題，對住海景仲有簷篷遮太陽，加少少微風，原本熱嘅豆腐花好快都啱溫度食了，係咪真係山水呢……我就真係食唔出，不過呢個環境食咩都好食，呢個應該唔使交租嘅地方嚟講其實20蚊係有少少貴🤫，但都係嗰句，呢個風景係無價😍，所以我估就算再貴都會有人食，而今日現埸10張檯都係full晒。…查看更多

最近假日到郊區總是人頭湧湧，不過鹿頸至谷涌這段路的人流還可，不會太擠擁。從小巴56k總站下車後，走約一小時多便到達山水豆腐店，沿路風景怡人，讓人有置身外地的感覺。圖上：鳳坑村圖下：英國小鎮個人認為相似度達70🤣 買了兩碗豆腐花及一個黃蕃薯餅及紫蕃薯餅，網上見到還有茶裸及雞屎藤賣，可惜當天四點已售罄。蕃薯餅煙煙韌韌，不會太甜，啖啖蕃薯味，食完仲買多左個打算做第二天的早餐。豆腐花本想買凍的，可惜當天亦售罄了，幸好當天天氣不太熱，食落好滑豆味亦濃。離開鹿頸的時候簡直是惡夢！等了約兩小時才等到小巴。如果大家假日想到此一遊，建議大家走出大馬路等巴士或call的士離開。…查看更多

今日大長征，由大埔出發，行山行左十幾公里，最後黎到鹿頸，食到宋伯山水豆腐花、茶果，又飲到豆漿，正！補充返蛋白質😬加上好天氣，樹蔭下又有位可以坐，真係好chill 啊！…查看更多

同好多人一樣，行山郊遊最好就係有d豆腐花茶稞糕點等鄉間自家製小食等我哋可以幫襯下，呢度可以一次過滿足晒你所有嘅願望，不過唯一美中不足嘅，就係真係唔好食，講緊嘅係佢嘅招牌豆腐花。不過又講返轉頭，今天有親手自己做嘅感覺已經係好難得，因為始終呢個地方又唔係偏僻得好緊要，佢要喺出面買張做好嘅食品再喺度賣其實都唔算困難。今次我哋一行三人，叫咗一碗豆腐花、一碗豆腐花加涼粉、一支洛神花飲品，結論就係睇住佢開罐罐頭涼粉最好食。…查看更多

而家好多人喜歡去郊外行吓山，順便品嚐吓地道人自家食物，咁就離不開吃碗滑滑豆腐花，咁我推介大家去沙頭角谷埔村口有間叫宋伯山水豆腐花，坐係行人路邊對住個海，吹吹風，聽吓海浪聲，吃碗凍滑豆腐花就最爽啦…查看更多