影片
食家推介
招牌菜
听闻呢间系登山客极度推介嘅小店山长水远嚟到就当然要试吓啦～^_^其实路途都有唔少士多不过呢个位置绝对赢晒🙈除咗地方大之外仲有270度无敌大海景！小店最出名嘅系山水豆腐花除此之外亦都有港式同多款家乡小食🏔️ 山水豆腐花 $16 豆腐花好顺滑，亦有淡淡嘅豆香味比起市区的确价钱偏贵但可以一边望住湖山景一边食就抵返晒啦😍🍡 山水豆腐花 + 芋圆 $22 另外要多咗碗系加芋圆嘅！芋圆好烟韧，但芋头味唔重🥜 花生粒鸡屎藤茶粿 $10/5粒小妹都系第一次食呢个茶果，卖相好得意🤣 朋友话系由鸡屎藤嘅草本植物所造成有助清暗疮同解毒，亦都系佢个名嘅由来！食落去有啲似汤圆嘅烟靭版，好钟意呢个质感而且唔甜，味道好天然好好食呀🥰⭐️ CP值：🐘🐘🐘🐘⭐️ 打卡able：🐘🐘🐘🐘🐘⭐️ 舒适度：🐘🐘🐘🐘⭐️ 再食指数：🐘🐘🐘.5（5 星为满分）人均消费：$50以下
继续阅读
由鹿颈小巴站行去宋伯士多路程大概一小时今次只试了豆腐花 豆腐花的质地较坚硬，不容易变碎HKD16味道好吃， 有豆味周边环境都十分清幽，可以一路望著湖境一边吃豆腐花另外有一番风味
继续阅读
上年年中行过一转鹿颈至谷埔一段，无难度，超轻松，今回跟另一班行山友就旧地重游。然而，上次行到近谷埔，「宋伯士多」就无开，今次就见佢有开档，当然作为中途站，歇一歇，抖一抖，叹碗豆腐花先。帮衬呢位「宋伯」，真喺可遇不可求。 其实，呢段路沿途有唔少「士多」，提供饮品、面食，不过，「宋伯」呢个位就绝对喺嬴晒，除咗地方大，够空旷，仲附送270°无敌大海景，虽然对面喺沙头角，但够开扬就得啦。由于呢段路真喺超易行，无难度，所以，游人甚多，一批又一批咁经过。如其他士多一样，都有提供港式小食及面食，不过，呢度卖点喺啲山水豆腐花及多款家乡小食，前者有冻有热，更可以沟凉粉、红豆、芝麻糊，定价亦唔贵；后者就选择多多，包括糯米糍、茶粿、南瓜饼、蕃薯饼，又有唔同口味，最好喺独立包装包好晒嘛，够卫生，可以安心享用。研究完一轮，其实好多嘢都想试，因为呢啲传统嘅中式小食真喺卖少见少，最后，我哋两公婆就试咗以下3款小食。豆腐花 $16卫生问题，依家都唔会有咩山水豆腐花，不过，好多乡郊嘅士多所卖嘅豆腐花都好有水准。「宋伯」嘅都喺，睇到都好平滑，啲豆花入口真喺坚滑溜，一声滑到落喉咙，又有豆香。 红豆南瓜饼 $12红豆、南瓜两样都喺老婆喜爱嘅食材，所以，一早就相中要试吓。虽然，唔叫得好大个，但都好墬手。南瓜饼烟韧有咬口，有阵阵南瓜嘅清甜味；而里面塞满红豆蓉，唔算好起沙，但就非常清甜。 眉豆茶棵 $12此外，老婆仲好钟意食茶粿，依家晌出面真喺好少遇到有得卖，所以，试埋呢一款咸点先。拎上同样感到份量十足，外皮咬落好烟糯，却唔黏牙，内里嘅眉豆馅够粉香，认真唔错。豆腐花+红豆 $22呢一碗豆腐花加红豆，喺其中一位朋友点嘅，无刻意问朋友个豆腐花味道如何，只喺想讲就算加其他嘢，一样俾到足料你，睇到配豆腐花真喺加咗劲多红豆，唔喺「求其」一、两羹仔，所以，友人话好抵食。 食完之后唔好拍拍「箩柚」就咁走咗去，如方便，帮人收拾好啲餐具，摆到指定回收处，眼见都喺几个人小店式经营，大家行个方便，下批行山客嚟到都有个好环境坐低食吓嘢。 此外，店主亦好有心，晌回收处旁摆咗一小桶水，写到明「只供洗手，不可饮用」，都喺行个方便俾大家，唔使为洗洗手行个老远去揾厕所。虽然店名写喺「宋伯」，但眼现几位负责人都喺后生不少，可能都喺宋伯后人，希望继续呢盘小生意，等假日游人行到攰攰哋，有个好环境歇一歇。享受郊外嘅宁静同时，亦寻味番一啲地道嘅传统小食。
继续阅读
闻说已久在远处有一间冻豆腐花，系登山客既挚爱，千山万里终于揾到呢间位于粉岭既宋伯山水豆腐花，炎热天气都系要快手，买左两份分别系凉粉豆腐花与传统豆腐花，两种唔同口味就要最快速度食落肚兼消消暑，先食凉粉个碗再加上些少糖水相当美味，无谂过凉粉都可以咁好食，加上热天食冰凉更是一食多得，果然不出所料好快就食晒成碗，再食传统口味时就算无加任何野都食得出有味， 好滑好细致配上特制既红糖慢慢融入其中同时食用效果与美味满分!
继续阅读
行山行到攰🔋紧系要食番啲嘢补充下体力⚡️⚡️由鹿颈至谷埔🐾行大约30-45分钟左右就会有间小店 有个伯伯系到卖豆腐花同茶果😻😻一场嚟到紧系要试下啦😚🍨冻山水豆腐花 ($16)🍠紫心番薯饼 ($10)🥜花生粒鸡屎藤茶果 ($10)大家经过可以帮衬下😆💜💜支持下伯伯👨🏼🦳
继续阅读