影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
相关文章
今次叫咗石锅牛肉酱拌饭，配料同辣辣地牛肉酱捞匀一齐食都几正，都几开胃嘅金枪鱼拌饭，酸酸甜甜~大酱排骨锅都比想像中好，排骨索左汤汁，算入味，我同朋友都系芝士控，今次叫咗芝士粟米，芝士澎湃到可以拉丝，铁板鸡蛋好多酱汁，重口味嘅，都推荐辣炒鱿鱼，另外仲有满满牛肉同金菇菜嘅烧汁牛肉锅，整体都算抵食
继续阅读
今日独自觅食，撞正安金稻拌饭！呢间真系懒人福音，手机落单 + 预付款，坐定定等上菜就得，完全唔洗郁手🙌！🍱 金枪鱼拌饭（$46.9）拌饭一上台，卖相超丰富！满满嘅金枪鱼，紫菜碎、粟米粒、菠菜色彩缤纷～唯一小遗憾系唔可以走沙拉酱🥲，好在味道唔算太腻。不过胡萝卜丝应该系生切，咬落带住涩涩嘅菜味，淡左啲，同其他配料格格不入😣。好在泡菜超级入味，要自己DIY一起拌饭吃，酸辣开胃，配埋海带汤简直天作之合！重点系可以免费续汤，饮到够喉为止！🍢 追加鱼串（+$8）加 8 蚊试咗鱼串，点知踩雷！鱼肉煮到过淋，口感软绵绵冇弹性，味道普普通通，唔太推荐～作为一人快餐，性价比真系唔错！份量够大，食完好饱肚～环境简洁干净，手机落单超方便。虽然有少少小缺点，但胜在抵食又快，好适合返工放学想医下肚嘅朋友！下次试吓其他主食先～
继续阅读
星期六带仔仔过去食lunch, 等咗一阵间！店员都好有礼貌！海带汤,泡菜白饭系自取嘅！我就叫咗个猪肉石头饭同炸鸡！泡菜好好食㖞！夹咗2次同仔仔食哂🤭石头饭不过不失，有啲辣！$40几蚊整体嚟讲算唔错！但系如果你真系要食韩国味道，咁就去正宗韩国餐厅比赛好🫢🫢🫢🫢
继续阅读
平日去咗行启德零售馆，睇吓有咩餐厅食下午茶，最终拣咗食韩国嘢。门面好韩国feel，选择不多，但价钱相当抵，冇乜人入去试吓。嗌咗两个下午茶餐，其余时段加$8白饭任装，下午茶唔使加钱。阿仔叫咗迷你石锅牛肉酱拌饭，虽然话系迷你，但系size对于下午茶嚟讲好OK，而且一啲都唔马虎，仲有泡菜和白饭任装，加$7嗌咗罐汽水。我就嗌咗烧汁牛肉锅配白饭，个牛肉汁好浓郁，有火㷫住唔会好快冻晒。整体味道很好，环境舒适，不过卫生差少少，入去时凳有啲污糟，枱又未抹，当时下午茶时段冇乜人，员工应加紧清洁。
继续阅读
见到呢头都新开咗唔少嘢食，今次就试咗呢间韩式拌饭，入面啲嘢食都有辣有唔辣，老人家食咗个烧汁牛肉都唔错，入面仲有啲粉丝。拌饭就叫咗个金枪鱼拌饭，卖相都好吸引，有好多唔同配料，份量好足够。叫嘢食同俾钱都要喺网上面搞，叫店员帮手，服务态度都好好👍🏻。
继续阅读