影片
以上资料只供参考，请与餐厅确认详情
油麻地地铁站A1出口，行3分钟就到，门面唔太起眼净系开6am至12pm，好似台湾啲早餐店咁枱面好多款式三文治🥪一共16款配搭健康有沙律蛋蕃茄治；邪恶嘅有餐牛治▶️ 火腿蛋治 ($13)白面包松软🍞底面搽上厚厚一层牛油🧈食落香啲夹住两片火腿，唔系得一片只蛋系流心蛋，啱晒唔钟意食熟蛋黄嘅我部份蛋黄已经流咗出嚟😗食落冇咁干-食完成份都几饱肚👍🏻除咗三文治，仲有好多港式小食，例如粉果、烧卖、肠粉等价钱好亲民，平均$15左右值得支持嘅本土港式早餐店！
继续阅读
良心小店, 由一对老夫妇经营, 老板十分亲切。食物质素很不错, 特别喜欢他们的三文治和烧卖, 专营早餐小食。由黎明时份营业至中午, 一般红日休息, 价钱亦十分亲民。好多时都会见人龙, 系区内良心抵食食肆。
继续阅读
我真系好钟意食早餐㗎一日之计在于晨一日入边最重要𠮶餐就系早餐！所以我每一日都烦恼食咩早餐好有依种烦恼，都算系一种幸福😌然而，每日起身嘅饱肚感都唔同有时你会想食啲轻啲嘅嘢；有时你就会想食啲油淋淋嘅嘢，填补寻晚八个钟嘅空虚感今日我就叫左一啲油淋淋，充满饱肚感既餐慰藉自己肚皮😕呢个1号餐$16包3条肠粉，1粒牛肉，1粒粉果，4粒烧卖加埋$7有埋支冻咖啡总数先$23质素方面，肠粉都几滑，当然就比唔上深水埗鸭寮街公厕对面𠮶间合益泰。但就绝对好食过你系OK，鸿福堂，711买嘅千年肠粉。其实食肠粉最紧要最紧要最紧要，又咪系本身啲酱，甜酱辣酱麻酱豉油。当中最最最重要就系麻酱，亦都系因为合益泰既麻酱沟左特别配方（猪油？！）先至特别好食。呢间啲酱都算几好食，同埋都俾得几多酱下。烧卖粉果牛肉三样都好正常，10几蚊质素就冇得要求太多。粉果果既皮就比较厚，通常我唔会食啲皮。三文治我都食过，味道又真系正常。可以一次就食晒两种三文治既口味，起码冇咁闷。杯冻咖啡/奶茶用樽装，又系正常味。糖水就另上，你钟意少甜多甜走甜自己话事。老板其实系两公婆两公婆夹手夹脚经营依间小店，返工一齐，收工又一齐，吵吵闹闹嘻嘻哈哈又一日，真系好幸福。最浪漫的事，就是一起慢慢变老。好羡慕，可惜麦兜除左食就系训🥲Mcmug综合评分：5/10，小店&人情味+1分，6/10，经过附近，想食下酱，又或者想感受下依种透明既浪漫都可以试下😬#油麻地#早餐#安妮三文治
继续阅读
好耐冇试过可以同老公一齐返工今日咁啱我要去尖沙咀区听讲座所以可以同老公一齐食早餐点知搞到啲时间太赶老公话求其买份三文治边行边食算啦我本身都有啲啲失望点知老公话呢间嘅三文治好好食㗎令到我立时又雀跃起来🤪其实种类真系好多😱配搭又多我拣咗碎蛋番茄生菜三文治佢啲料入边都真系唔少唔系求其炆两下就算老公𠮶份就系碎牛炒蛋三文治我𠮶份只系需要$18老公𠮶份只系贵两蚊👍🏻$20鸡有三文治仲包嘢饮系边度揾佢个奶茶都好得个㖞老公话其实系可以落糖浆不过我哋边行边饮呢就唔搞咁多嘢啦但系唔落糖浆无糖奶茶又几好饮㖞仲要感觉唔肥添👏🏻👏🏻
继续阅读
哩间早餐小店非常温暖，尤其个价钱但份量同质素都肯定超过哂贵多好多嘅店铺买过第一次之后，极力推介比同事。搞到我变咗外卖仔，特登由油麻地买五个餐攞返油塘，攞到返去都仲热你睇下哩个三文治餐都只系18，单买三文治都系12，足料又大份，仲要好食㖞
继续阅读