宅麵專門店 (已結業)

九龍灣陶大地下一向都係為食既人既天堂, 有好多食店可以選擇, 有一次同女朋友一齊行陶大搵食, 好多店舖都食過沒什麼興趣, 就係呢個時候係一個好有趣既角落見到間店, 正正坐落係角落位, 店舖細小, 正前面仲要比住巨柱擋住, 可能因為咁租金平D吧? 呢個時間就到食飯時間, 都仲未見到咩人, 唔想搵位等位既我地, 決定去試下睇下無咩人會唔會係因為味道問題先~ 本牛同牛女都係鐘意食拉麵之人, 就係門口見到佢地個2人餐就一於叫個來試下 , 計埋加人都唔平, 要成$250 , 不過都算豐富, 如果係貴D既拉麵店都要70-80一碗, 咪當係比多小小錢試多D新野.我地分別叫左 赤丸味噌拉麵 同 黑地獄味噌拉麵 麵質OK可以接受, 不過不失, 赤丸味噌拉都食起來都幾有趣, 我地都不約而同咁講 : 陣味好似五香肉丁阿~ 對於食拉麵必飲埋湯既我地來講, 味道唔係好吸引.....最初睇到黑地獄三個字, 以為會係辣既添! 出來既原來係微黑帶柔和濃味既湯底, 混和黑味噌後, 湯底很好飲. 味道有小小似味吉既黑拉麵, 但湯底未夠味吉好飲.麵有一定口感, 爽口但不會太硬, OK啦, 一般HONG KONG STYLE

偶然到來，見到門口寫著下午茶$29 起才進入去幫襯 (補充一句，這裡的資料屬實，而該店門口當時並沒有任何指出下午茶暫儲的通告)但一坐下問menu ，就說聖誕節下午茶，而門口是 甚 麼 都 沒 有 寫 的叫了一個黑地獄味噌拉麵 $76 再加一，這個價錢可以吃到不少有名的拉麵店味很鹹，不見得很重豬骨味麵質沒甚麼特別，而且也沾不起湯水唯獨是豚肉很滑，這點值得指出其實晚巿還可以，但我不會再幫襯，始終有被搵笨的感覺

The Ramen 宅麵專門店的總廚Jack曾於大阪著名拉麵店河童任廚長達 3 年，以逾 80 磅新鮮豬骨、雞骨及多種蔬菜，熬煮10多小時，製成自家招牌濃湯底，再配合煙靭麵條，把正宗大阪風味帶到香港。拉麵湯底用料上乘，優質湯底熬上多個小時，麵條亦爽身煙韌，本埸豚骨拉麵更可謂鎮店之寶以上係團購對 The Ramen o既簡介 , 原價 $ 79 , 團購價 $ 29聲稱正宗大阪風味 , 各大傳媒力讚，美食網站好評如潮講到咁勁 , 又咁抵食 , 好難唔買 , 見四款指定拉面都好似 ok ,無特別再黎 openrice 睇下食評先 , 就決定一試 , 買左兩張黎到淘大 , 靚左好多喎 , 宅面位置唔難搵 , o係商場外圍 ,店面好細呈三角形 , 斜邊係一排高o既吧位同一排矮o既吧位底邊就一張長枱 , 好奇怪o既設計 , 我地坐矮吧枱 , 唔太舒服枱面放上調味品 , 有七味粉 , 拉面汁 , 手磨芝麻器同蒜蓉 , 團購紙交比店員之後 , 佢就拎左壺暖水比我地 , 食拉面飲暖水 ,真係第一次 ..... 開聲問店員團購有咩拉面可以揀 , 佢先比 menu 我地四款團購拉面 , 原來係佢地午市星期

話說這間店我再冇回去了，所以我沒有查證到底是因為我買團購卷才有這樣的遭遇還是店家是一視同仁，所有拉麵附送薯片其實它的沾麵湯底沒有問題、麵質沒有問題 (當然不算好吃)但它為節省成本到用薯片代替叉燒，芥辣豆代替XXX (我不知道是它用芥辣豆的動機是什麼，代替蔬菜?)，即使它服務沒有問題也應值一個負評最最最重要的是:它的拉麵索價80餘元呢! 難道它認為食客是傻的嗎?明白生意難做，但食物質素確是生意成功與否的一個最重要因素，希望店家可有所改善

唉.....小弟不聽老人言.....聽到好多劣評....但諗住近返工未食過.....咪試下........叫左個黑豚肉掛面，$89頂........第一 . 來的時候，很冰冷，凍食?!!?!?! ok~ 當我孤陋寡聞。好~ 著片!!?!?!? 用著片點湯食?!?!ok~ 當我無知。好~無豚肉......你無睇錯呀~~ 黑豚肉掛面 入面 係無黑豚肉架~點解~~?我:「喂，我想話一塊黑豚肉都搵唔到? 發生咩事」侍應 「咁呀.....可能煮溶左係d湯到」溶左係d湯到!!!!!!各位拉面的食家!!!!!有無聽過!!!!!我話要投訢，我話要唔比錢。跟住個師傅話，拿，呢句精警啦!!!「唔好意思，我地比漏左」我覺得呢到的師傅太專業已經去到我無法理解的層次跟住拋四粒肉比我鞋過我隻波鞋.....友人食過碗安格c牛拉面呢，一上黎成個面都係雜質味道似豬潤.....(點做到)走......朋友，如果你遇然路過陶大見到這間面店我懇求你不要進內如果你食過，你會插得比我更勁為了維護這間店的尊嚴我求你不要.....

話說個日行街見到淘大開左間新野，咪同女朋友入去試下囉入到去點左兩個下午茶餐既拉麵食(呢度明明寫住點左兩碗麵,點解管理員仲話請避免在食評中引用並非親身光顧之經驗?難度你唔識廣東話?)兩碗拉麵無咩咁特別，價錢都唔係特別貴不過正價一碗好似７Ｘ－８Ｘ，覺得就唔係好抵囉唔值呢個價咁正當我地係度食緊既時候，有幾個客前後拎住Ｄ團購紙應該諗住入黎食返個團購餐，但Ｄ職員就話今日係公眾假期用唔到有Ｄ易話為既客，聽到咁講就唯有走啦但之後黎左兩母女，都係黎食團購餐既職員都係講返同一番說話比佢地聽，話用唔到但個媽媽就話張紙無寫公眾假期用唔到，寫到明星期一至五都可以用照道理應該要比佢地享用呢個團購價啦兩個職員都唔夠佢講既時候，係入面廚房其中一個煮麵師傅就開始爆啦佢非常之斬釘截鐵話用唔到，仲話團購張紙無寫明公眾假期唔用得但亦無話公眾假期用得（咩邏輯呀？咁既話Ｄ條款訂黎做乜？）有咩野就打電話去團購公司投訴退錢最後佢地堅持唔比個客用，個兩母女就好憤慨咁走。其實你地咁大間麵店，有咩理由咁對Ｄ客個客真金白銀幫襯你地，你地自己條款訂得唔好就唔好怪人要個客幫你地頂，仲要個態度咁惡劣其實個日唔係人多，做團購餐你地會蝕幾多呀？怕蝕

我同下個一個人兄都係團購 '$35享用櫻花蝦味噌王拉麵' 優惠, 細則只說星期一至五 2:00PM - 5:00PM先可以用, 公眾假期點解唔用得, 我第一句說完, 個阿嬸員工已經用大聲, 惡劣的語氣, 討厭的用字, 粗鄙態度回應,. 我只是說他沒說明而且, 態度就立即變得咁差,. 真係無明火起. 之前都見個e個阿嬸同2個客嘈, 有人仲現場打去中環投訴. 這個阿嬸真係xxyz 佢.而對答內容和下面人兄大同小異. "星期六日唔用得, 順理成章公眾假期都唔用得!!, 你用下個腦諗到諗到la' .......頂你呀, 埋據何在, 果刻真係想打人"你可以去投訴團購公司架, 唔關我事, 係團購公司無寫清潔呃你姐" ......... 你真係推得就推wo,.. d 條款係你地定嫁wo "今日個barcode 過唔到機, 你唔駛諗啦, 無得用嫁la" ........... 少你,... 當我3歲細路呀. barcode 一定過到機,. 你d咁既系統一定過到,.. 無可能會set 左個日過唔到,

The tables are cramped, the food is awful (weak flavor, poorly cooked), the service is worse, and the prices are the worst. Don't waste your time.

大家好, 我第一次寫食評,不過今次我唔係想同大家分享呢間拉麵店既食物質素, 而係員工既態度!!!件事係發生係今日下晝兩點幾, 絕無老作.早前經過呢間拉麵店時曾經都有衝動想去試下, 適逢响團購網度見到呢間拉麵店做緊 '$35享用櫻花蝦味噌王拉麵' 優惠,不過睇真d細則, 佢寫明只可以星期一至五 2:00PM - 5:00PM先可以用, 但係就無列明公眾假期唔用得, 於是我買團購券之前就打左電話去九龍灣分店度問清楚十月一日或十月二日呢兩日公眾假期可唔可以用呢張優惠券, 當時拉麵女員工係答我可以用, 所以我先決定買兩張團購優惠券打算同我女友今日去試.今日下晝我同女友去到拉麵店, 一坐低時即刻示意員工我想用團購優惠券, 不過果位女員工答我話負責人表明今日係公眾假期所以唔可以用, 並且仲即時搵左果位負責人出黎同我傾. 之後我就嘗試同果位負責人理論, 因為的而且確我係買團購券之前有問清楚佢地今日用唔用得先買, 可惜果位負責人態度極之差咁答我 '我地d員工無可能會咁答你, 而且你諗都諗到呢個餐咁平, 都無可能會係公眾假期俾你用啦!!' 之後佢仲講 '你可以去投訴團購公司架, 我勸你打去團購公司退錢,

近年日本拉麵捲起的一股熱浪, 令不少日本過江龍都紛紛來香港開分店.不過亦有不少在日本學過師的本地薑開拉麵店, 實行跟一眾過江龍分一杯羹.像這家總店開在中環九如坊的宅麵就是其中一個例子, 最近在九龍灣淘大更開了第二家分店.總店沒試過但聽說不差, 既然分店開在我家附近, 沒理由不率先試一下.這家拉面店老闆是香港人, 但曾經專門到日本的拉面店學藝, 由低做起. 現在巳擁有廿多年做拉面的經驗.中環那家未去過, 這天來的是九龍灣新開的分店.門面仍是用黑跟紅的摩登配搭, 既搶眼又富格調, 當堂跟左右隔離的街坊食店相映成趣.店子非常的小, 第一眼看到都打了個突. 店舖選在轉角位, 整家店就像一個類似三角形一樣, 只能坐十多個人, 眼看感覺就不太舒服.我們坐了在BAR枱位置, 也是十分迫夾.看看餐牌, 拉面有7-8款, 除了有比較正常的豚骨拉面, 赤丸拉面(辣)之外, 也有些非傳統的拉面如墨魚汁拉面或番茄拉面等. 本人天生膽子細, 不想第一次試便要冒中伏的險, 還是選回一些穩陣一點的比較好.黑豚肉叉燒沾面 (HKD$89)收費不遜於其他日本拉面店. 面不到5分鐘上桌, 看了看碗面....怎麼會有幾塊薯

走過淘大，見到新開左一間叫宅麵專門店的店舖，門口裝潢美觀，立即把我吸引。自問十分喜歡吃拉麵，因此希望除了豚王外可以在屋企付近找一間好味的拉麵，不過由於勇於嘗試的性格，中伏的情況亦特別多入門口前立即到OPENRICE 搜尋，果然，宅麵專門店於中環的分店亦有好評，據講師傅還尊程到日本學師，心想質素應該有保証。入到店內，發現有星期4午餐，一個指定拉麵加小食=59元，合理!於是跟女友叫了一個本場豚骨拉麵($69)及一個SET LUNCH 黑地獄拉麵+餃子(59$)由於是第一個客人，因此5分鐘就有麵吃誰知一放入口，完全有中伏的感覺一放入口，湯唔夠熱，死得，左方的本場豚骨拉麵，味道奇怪，有腥味及水喉水的感覺，而且豬骨湯是啡色的，明顯是用濃縮豬骨液溝出，而麵條一入口，滿口鹼水味，而且好粉，食完成條舌頭都係粉!!! 成碗野唯一可以食O既係紫菜!!女友碗黑地獄拉麵仲大件事，本身以為係墨汁，點知冇墨汁味又唔係黑蒜油，但同本場豚骨拉麵有共通點，就係有水喉水的感覺 結果食左兩口，仲真係食唔落，就算飲左佢地引以為傲有塊檸檬O向入面O既鮮檸水，O個股怪味仲係陰魂不散...最後要去M記食個餐補飛......