學利魚蛋 (已結業)

叫了旁邊的雞翼面。飲品則叫了學利的凍檸茶（少冰）店員態度友善，有禮貌。見我地等雞翼面等好耐，會同我地閒聊，感覺幾好。凍檸茶好快就到。雖然環境只係熟食中心，但食物同飲品都好過其他餐廳一望杯凍檸茶，已知企企理理。檸檬片足夠，色澤靚。飲落清新甘甜，紅茶味微香正旁邊的客人正食魚蛋，相信應該好味 

學利是大埔區比較突出的一家粉麵，尤其愛這裡的炸墨魚丸。今次來最想食的是炸墨魚丸，可是落單時講少左個炸字，結果來了普通的墨魚丸…牛腩墨丸河 - 牛腩跟墨丸均是我的誠意推介！柱候湯底味濃超正不在話下，牛腩更是又淋又入味，牛根勁滑，超正！原味灼墨魚丸雖然冇炸的好吃，但是都是非常出色的，彈牙到不得了！剛吃完兩天又開始想念學利了…

來到大埔熟食街市，再次幫襯學利魚蛋。炸墨魚丸：即叫即炸，非常彈牙，有墨魚丸味！必食之選！牛腩河：河粉好滑，牛腩不太肥，亦很淋身！腩汁亦不油膩！食物質素冇得彈！唯有熟食街市環境有待改善。

點了牛根丸牛腩河、炸墨魚丸：牛根丸牛腩河：河粉好滑，牛腩肥瘦適中，牛根丸有彈性。炸墨魚丸：味道一流，必食！整個熟食市場氣氛一流，各商戶食品各有特色！去大埔必到食堂！衛生環境亦可接受。建議每間店只吃最好味之食品。

好吃！小弟經常吃的一間食店。小弟最中意食魚蛋魚皮河，因此成日心cc去食。每個週日我都會去食，魚皮好好味，建議將魚皮浸在湯，仲好味架！！！!!!!!!!!!!!!!!!!!!!!!!!!!!!!

今日大年初三到大埔親戚家拜年, 來到大埔就想起街市熟食檔, 大埔學利我想很多人都知道出名, 今次第一次試會否帶給我驚喜呢湯底偏淡, 魚蛋不夠彈牙但有魚香味. 牛丸跟元朗的差很遠啊~~~~~~~~~腩汁味道香濃, 牛筋亦夠腍. 河粉一般沒有什麼特別.炸墨丸加蜜糖醬真是第一次品嘗, 入口味道新鮮但墨丸比較粉. 炸魚皮跟一碗湯, 初初以為湯底過鹹, 但原來是魚皮本身過鹹.初三不是很多舖頭開市, 所以熟食街市差不多坐滿, 不是另一間的學利是否好吃得多定還是其實學利根本帶不到驚喜呢我就覺得只屬普普通通.

三小姐唔開午餐﹐唯有將就下去上水都有分店﹐但我未試過的學利雲吞河($21)有6粒雲吞﹐味道一般麻辣河($21)配炸墨丸(+$6)﹐點知只有2粒炸墨丸﹐不過炸墨丸好好味麻辣河($21)配牛丸(+$4)﹐都係只有2粒丸而且麻辣味唔得﹐腐竹亦未熟都係普通野實際D順帶一提﹐我哋係搭檯坐﹐有個熱褲妹妹拎碗麵黎﹐放在雙方中間﹐講左句“牛腩唔知咩麵”就走左去﹐要對方叫佢翻轉頭問清楚﹐佢先至走翻去廚房問。到第二碗時﹐佢行到一半﹐又拎翻碗野去廚房問﹐先至敢俾個客﹐笑死。

　作為一個九龍仔，好日都唔去大埔，因為要去附近泮涌村開會，所以去咗大埔街市熟食中心搵食。　聽聞學利魚蛋粉喺大埔頗為聞名，咁啱食飯時間仲未滿座，咁就睇下佢有幾好食。　套餐廿四蚊，唔係貴，我叫咗炸墨魚丸炸魚皮雙拼河，飲凍檸茶，只係卅一蚊。　炸墨魚丸以塔門最為馳名，原來塔門都係隸屬於大埔區，所以佢地整之墨丸魚皮河，兩者皆好鬆脆，蘸上特制醬汁，非常好食。　大埔街市熟食中心環境十分乾淨，食嘢價錢又唔貴，唔怪得咁好生意咯。

友人曾經問我一個問題，為什麼大埔有那麼多間魚蛋/粉麵店? 學利、新/舊蔡潤記、海暉、欽記、莊記、洪記、新樂園、民華、海達，隨便也數到十幾間，有些還有幾十年歷史。在新市鎮計劃之前的五六十年代，聚居大埔的都是以原居民，客家、圍頭、鶴佬和蜑家族人為主，也就是香港的原有族系。當時大埔的三門仔、船灣、塔門、吉澳等都是天然的優秀漁港，是天然的魚類棲息地，沿海有許多紅樹林，生態環境未受污染，食物鏈沒受破壞，所以魚獲魚和海產十分豐富。潮洲人來到大埔定居，始終不是本地人，要找工作也可能有點困難，大埔的魚獲豐富，因利成便下拿出自家絕活來，擺街邊檔賣魚蛋粉，有些賺錢後入舖，有些搬進了當年的臨時街市。學利便是其中一間有幾十年歷史的魚蛋檔，第一次接觸學利是它在新街市開分店後，一條佬買完餸便到熟食中心找吃的，學利的名字早已街知巷聞，遇到新分店便來試試，從始便愛上這裏的墨魚丸。不是評魚蛋粉嗎? 是魚蛋粉，但每次我也是要魚蛋加墨魚丸雙拼，所以沒有試過普通的魚蛋粉，反正是湯底只是一般無驚喜，粉麵方面也算合格，那主要來評評魚蛋和墨魚丸吧!我只嚐過普通的魚蛋，無試過其他兩款魚蛋古法和普通炸魚蛋，魚蛋是一貫的爽口彈牙，調味料

29/1(五) 2pm跟不停嚷著要吃爽腩的阿梁進入街市上的熟食中心獵食.尋爽腩不果.轉移目標到了第三站的"學利".點了墨丸古法魚蛋水餃米$26及灼芥蘭$6.墨丸古法魚蛋水餃米--近似片頭的質感,彈度及魚味份外高!墨丸加了馬碲粒,添層次,鮮度也不弱;相對地水餃及米粉變得庸俗起來...灼芥蘭--走油加腩汁的芥蘭灼得過時,欠爽勁!翻查學利的歷史,得知其古法魚蛋的做法如下:用「硬漿」打起，再用古法炸魚蛋方法，令肉汁被鎖住，入口有嚼勁又香，跟魚片頭味道有過之而無不及.同意!

星期日同左女友去左呢度食晏,叫左個古法魚蛋,特級炸魚蛋,潮州魚蛋墨魚麪,d特級炸魚蛋,潮州魚蛋墨魚冇乜特別,可以不理,古法魚強就唔同啦,好彈牙,好有咬口,好爽,有魚鮮味,下次如果來一定要試.

大埔墟街市這個熟食中心食過幾次, 都係被 鴻發牛什魚蛋專家 及 新樂園魚蛋麵餐廳 吸引住, 佢哋d下午茶好抵又好味(每碗粉都送塊炸魚皮, 正! 過到口隱又不用叫一碟, 太多...), 今次不如試吓第2間, 見到有某某個嘜頭, 咁就試一試, 學利個招牌菜係魚蛋, 但食落無咩特別, 無咩魚味, 好淡, 口感不特別爽, 所以食咗都無咩感覺, 湯底... 乏善可陳, 無味. 朋友試的牛丸唔爽又唔鬆, 有d粉, 無性格.... 最後講吓service, 原本ok嫁, d亞姐都客氣醒目, 唔醒目嘅係小弟, 亞姐5點要收工, 我就磨爛蓆揸住杯1/4滿檸茶係咁同個friend吹水, 亞姐走嚟問: "我比個外賣杯你, 我哋收工啦!" 返正也不會再幫襯, 無謂阻住人, 閃!