影片
食记 (81)
今日去左湾仔附近听书，中午同班同学仔一齐去饮茶，落到嚟就见到季季红，我地都吾太熟附近所以就冇谂就入去食。入面好大，有两层，我地多人，所以开左房俾我地食，又有电视，不过服务一般，好似俾人ignore咁，揾人点单都揾好耐，冇办法啦，中午上班仔多人嚟食系忙d。我地嗌左牛肉肠粉同叉烧肠粉都好滑又好大条，另外食左薄餐，几香口几脆，喜欢佢葱都落得几多，好味道。叉烧包都好大个，差吾多吾够位放，热得嚟又多料，吾错。粉果有少少皮太厚了，吾系太喜欢，不过不失，不过整体都ok嘅。如果服务好多少少就好了。
继续阅读
过年前, 唔知同屋企人食咩髭好, 突然谂起有米猪, 之前听就听得多,食就未试过, 好啦咁就去湾仔间季季红订返只猪年三十晚食团年饭!其实都唔平,买猪卷要买两张先有得平,但都要6百几一只, 一心谂住试下无咩所谓啦!!当日去到下午5点左右拎猪已经好多人等紧, 拎到只猪都要成20几30分钟,!返到去一开, 外父第一个反应,话成只猫仔咁, 都唔紧要啦, 唔系咁多人OK啦!真系好似有D瘦同细只...跟住我就剪开佢啦, 佢地有送一把剪刀, 剪完之后发觉濑野, 原来个肚有D线绑住, 俾我剪碎左要慢慢挑返D线出来,点解拎猪时唔提下人呢?好喇剪完之后, 一心期待有几咁好味, 但食落真系无咩特别, D皮唔系脆而系硬, D饭又冻又油, (我又拎猪到返屋企只系20分钟时间), 坦白讲D饭似烧完只猪就咁塞入去!!食左半只都无大家都唔食了, D皮实在太硬!相信应该都唔会再食, 但仲有一张猪卷都唔知点算...
继续阅读
第二次吃季季红的有米猪，第一次是在其他分店外卖到家吃，乳猪经过运送，再等齐人吃的时候已经过晒火气，饭冻皮也不脆了，一D都唔觉得有咩咁好食，今次堂食真是完全两回事!午饭前先订位同有米猪，去到一攞位坐低已经即刻送左只猪上嚟，但重未齐人.... 过左廿分钟，终于可以叫佢切猪，可以食了，果然酥皮香脆可口，好彩重有余温，沾满香猪油汁美味的炒饭，混集虾米同芋头粒，好味道! 只猪仔唔算好多肥膏，每人分两旧都唔系好够喉，不过少食多滋味，下次都会再叫，但最好有十个八个人一齐食，否则食多怕腻，食唔晒番煑又唔好味。其他㸃心小菜不过不失，据说全靠呢只有米猪，做到呢间食肆上埋市，真是好嘢!!美中不足是似乎呢度人手严重不足，D伙计自己都做到好燥，食客没有得到基本招呼之余重要受下气，希望D老板赚到钱都要顾下服务先得。
继续阅读
年近年三十， 又是忙于买年货， 准备团年饭的时候， 要极度体力劳动， 咁当然食饱才有力气搬野啦！长老就带左我去湾仔的季季红酒楼， 真的是‘红’，这不论装饰、茶具、挂画， 全都以红色为主我地点左潮州粉果、鲜竹鲮鱼球、家乡煎鱼饼、凤爪排骨饭、上汤鲜竹卷、南乳蒸猪手同腊味滑鸡饭潮州粉果：皮烟韧、沙葛多， 有虾米鲜竹鲮鱼球： 失败， 鱼肉散哂， 不过底部用腐竹垫底家乡煎鱼饼、凤爪排骨饭：一般上汤鲜竹卷：杂菜（有西芹、红萝卜丝）同猪肉份量平均， 不过调的味道较怪南乳蒸猪手： 猪手好硬， 唔觉有南乳味腊味滑鸡饭：有膶肠， 饭粒油硬适中， 不过鸡肉很碎茶完全无味， 不过5蚊茶钱， 想点啦！不过份量够，食饱饱啦！要去做苦力啦！
继续阅读
今日中午同家人由湾仔峡行山，在湾仔回程时打算去附近的酒楼饮茶。 到了湾仔道季季红拿位，门口无人等位知客叫我直接上二楼就可。 去到二楼无人招呼，等左一阵男部长带我到房间302号台坐下但无为我开茶。 再等了一会一位态度极差的女部长入来声大大责骂我无拿票直接上来，强行要把我坐的位置让出。 仲要强行要求我再落回地面去拿飞， 问题是他们酒楼欠缺内部及知客的沟通仲要恶人。 最气愤是要把张枱让及熟客， 受了一肚的气最后转了别家酒楼，以后也不会帮衬此酒楼。
继续阅读