影片
奉劝大家不要帮衬!话说上星期一行十五人午餐时点了只烧鹅等了一会烧鹅到部长上菜时特别说了一句，「啱啱出炉烧鹅热辣辣d皮仲脆卜卜睇住！」大家满怀期待一人夹一旧放入口，点知旧烧鹅又冻又硬，似朝早烧完放到中午拎出黎俾人食咁！其中一位朋友忍唔住出声，同部长反映，部长好唔情愿地把已夹走一半肉ge烧鹅拎走，仲一路行一路死撑，「真系啱啱烧好㖞」隔左五分钟，大家作最坏打算，以为佢会用微波炉丁返热原碟归还。点知我再食多一旧，系同头先一样冻ge!最后大家放弃争论，无谓影响大家好心情。
继续阅读
一大班朋友约聚会真系好难揾地方，尤其想食中餐。有朋友就推介沙田季季红，话只米猪好食，所以就试下。原来成只猪是由餐车推出，侍应会即场剪猪，饭就在猪内面走出来，好新奇。卖相不俗，食落口都好香好好味，唔错。其他菜式都在中上水准，尤其是龙虾伊面既伊面好食，龙虾又够多肉，炸子鸡又好嫩滑唔鞋口，干烧伊面亦比一般饮宴煮得出色，甜品桂花糕又清新好味。而且碟头大，份量足，十几人食完个餐仲可以打包。所以这间酒楼值得推介，绝对系一家大细，朋友聚会食中菜既好选择。
继续阅读
如果可以做每样𩠌都可以咁难食，个厨师真系高手黎小食叫左个木耳冷盘，有阵跌打酒味😥口水鸡无辣味唯一正常系海蜇熏蹄因为应该系入货既莲藕饼净系有肉无莲藕，薄到无朋友粟米斑块应该系最稳阵，点知系成旧都系炸粉芝士伊面淡而无味，简直失败招牌米猪肥膏多过肉，中间既面豉酱又咸又唔夹味，超怪个粟米汤淡而无味😵😵😵全餐饭简直唔知自己食左咩，淡，咸，怪完全feel到个厨师有几hea😤😤星期六都唔满场先知中哂伏下次去番总店食好了
继续阅读
中秋节前的星期四，打算订位和家人在星期六吃晚饭，但可能因为做节关系，心仪的酒楼间间客满，只有这间可以订到座位，虽然伏味甚浓，但想想……可能这间地点有点偏远，交通也不十分方便，所以才可以订到座位，而且是七点钟的繁忙时间，咁幸运，点知……去到酒楼， 发现啲枱摆到非常密，行去厕所要左穿右插，要其他食客移开座椅至行到出嚟。今日很多平常的菜式都暂停供应，主要供应几款套餐和少量小菜，我们为免等候时间太长，就选吃六人套餐。可能想我哋快快交台，上菜速度极快，张台摆唔哂啲𩠌，侍应将碟𩠌交到你手上就离开，要客人自己想办法处理，骨碟摆满骨当然无人换碟喇！乳猪拼盆乳猪和义烧合格，豉油鸡无味， 海蜇好多沙，食烧鸭连酸梅酱也欠奉。杞子鲜竹浸时蔬苋菜好多渣，子带苦味。蚝皇北菇扣玉掌冬菇几大只，不过就煮唔透，好硬。鸭掌带酸味。红烧竹笙海皇翅 冇乜材料---啲翅几乎揾唔到， 竹笙和肉丝也不多，唔知点解叫海皇翅。上汤焗龙虾伊面 龙虾有两只，算新鲜，伊面都好大碟， 但之前上菜错送四人餐嘅龙虾(一只龙虾)，好彩畀我哋发现，否则食咗先知道唔知点计数。翡翠炒双蚌 墨鱼爽口，但西芹有筋。红烧乳鸽乳鸽虽然炸得香口， 但肉很干。清蒸海斑仔 鱼虽然冇鱼味，但蒸得时间刚好，鱼好嫩滑， 算系全晚最好食嘅𩠌。食完餐饭，无待应清理，唯有自己执开啲碟，俾位上甜品。但侍应放下甜品即走，也不理会桌上柸盘狼藉，我们只好自己去碗柜取小碟子食甜品。子桂花糕唔太甜，少少桂花味。食完呢一餐， 终于明白点解咁迟订位都有位喇
继续阅读
为左庆祝同事生日, 当然要摆返一围贺贺佢坊间酒楼其实间间差不多但要数到出名既菜式, 季季红的布米猪令我一试难忘,所以决定再投佢一票。一黎就上左最有名的奚米乳猪先!侍应会系大家面前将一只完整的乳猪平均剪开数十份所以人人有份,唔洗担心无得享受美食个猪头仲可以拎返屋企煲汤添呀白灼海虾成只手指公咁大只,数量都唔小架, 有诚意杏片百花球外脆内柔熟, 非常弹牙,口感一流一品脆皮烧鸡鸡皮烧到脱口,鸡肉嫩口幼滑另外仲有红烧海皇生翅蚝皇金钱龟螺片
继续阅读