影片
孖宝小厨呢区出名抵食，食物质素都唔错，但今次真系大失所望……下午茶嘅“香脆奶油猪”，唔系用脆猪包，系普通嘅汉堡包，嚟到仲系冻冰冰，都唔知有冇烘过，个包俾炼奶浸到“淋”晒，咬落去一pat pat……超失望
继续阅读
超好食，住附近，已经食过5.6次。以后也会再去。风沙猪手，椒盐一字骨，煎肉饼，蒸鱼等都十分好吃。价格合理，有汤又有饮料，很满足。晚餐没有加一，很实惠。下次有机会试试它的早餐。
继续阅读
孖宝小厨喺东大街已经有唔少历史，呢一年佢顶咗好景楼个间茶餐厅，重新装修。街头街尾都有分店，我特别钟意好景楼嘅分店，楼下光猛、楼上阔落，系近日食午餐嘅好去处。对我呢啲咁传统钟意饮茶嘅人嚟讲，午餐能够食到一个蒸嘅饭菜好紧要。我曾经钟情于新钊记嘅「咸蛋蒸肉饼」，亦都难以忘怀鱼锅小甜甜嘅「蒸肉饼」，佢地各有优劣，嚟紧希望做一个筲箕湾嘅蒸肉饼巡礼，同大家一齐试食。希望大家喺筲箕湾，食到好味嘅蒸肉饼都可以一齐分享下！先讲下之前食开𠮶两间蒸肉饼佢哋嘅特质：新钊记出名上菜快，咸蛋比较干争争，肉饼厚实，有少少执，唔算偏咸，份量亦都够食。民声冰室醒起仲有一间搬咗去大坑嘅，佢个「肉饼山」当年都曾经叱咤一时。佢个肉饼山既脂肪同肉嘅比例非常平均 ，而且呢个山非常松软，又有好好味嘅甜豉油，仲有个咸蛋喺上面，简直惹味。但不幸嘅系，随住佢即将要搬走，佢个肉饼山由富士山，变咗做柏架山，连长洲太平清醮既包山都尖过佢。鱼锅小甜甜至于佢地嘅马蹄蒸肉饼，新鲜即蒸所以肉质味道温度都非常够，但系每次去食都要等成15分钟，真系等得嚟都唔够时间慢慢享受，但系佢哋嘅马蹄切咗粒非常之大，所以非常爽口，而且肉质亦都非常弹牙。唯一唔满意嘅，系佢哋𠮶杯仲淡个君子之交嘅奶茶，真系饮佢碗鸡脚汤，仲好味过饮佢杯奶茶。孖宝小厨所以最近肉饼嘅新欢，落咗喺孖宝小厨(好景楼)新舖， 佢哋都系整定，所以上菜非常之快，十分钟食得。我贪个肉饼脂肪同埋肉嘅比例沟得非常好，系正宗嘅好弹牙嘅肉饼。佢哋嘅咸蛋算系比较平均，唔算死咸，亦都有相对嘅厚度。同时佢嘅豉油亦都有少少嘅甜味，价钱都唔贵，亦都可以喺佢哋嘅例牌午餐揾得到。不过佢哋成日都转餐牌，所以未必成日遇到，但对我嚟讲呢个合乎温度、弹牙、嫩滑 、味道都啱啱好㗎「咸蛋蒸肉饼」，系我嘅心头好。我都是有试佢嘅 咸鱼、银鱼干同梅菜蒸肉饼， 暂时我觉得呢间蒸野，特别系佢哋嘅蒸肉饼我都觉得唔错，值得推介。
继续阅读
上星期同朋友收工揾野食。见之前食果间孖宝开了分店。够胆系依个时势开分店。咁就去试下。1.风沙猪手-超好味，最怕食猪手唔够入味，但佢味道好好。外脆内软。饮酒必食。2.蜜淑鳝球-无得输。我本身唔太食鱼，只吃炸鱼。但佢依个鳝球食香脆。有少少甜味。我都食咗几旧。晚饭必食。3.琵琶豆腐-我最爱。细细个食大排档成日食，但大咗，依家好少人做依个菜。依度竟然有得食。重要好好食。晚饭必食。4.梅膏一字骨-第一次的味道。未食过试下，好开胃。肉嫩，野味，因为佢我食多一个饭。5. 普通清炒菜心-味普通。野饮大路野。但酒就未有得卖，好似话申请紧。今次晚饭价钱竟然ok平。 $35x. 包饭包饮品味道一流，地方都宽敞。下次一定来。
继续阅读
入去食个美味的早餐，但美中不足就系佢地的多士同蒜蓉多士，因一早整定d多士，变相冻左不好吃由其系蒜蓉多士，应该即叫即做就最好，其实有好多人都系为了每天上班前食个可满足的早餐
继续阅读