影片
以上资料只供参考，请与餐厅确认详情
荃丰连环几个小商场，一个接一个，小店多罗罗，久唔久又发现新嘢，最近路过才知旧店转左手，这个舖位，记忆中已转左手几次，几次都是泰国小店外卖，每次都是不同的泰味，今次店名”妈妈泰” ，相信是泰国妈妈的味道吧！这里有个小妹比较地道，说得一口流利广东话，吃过一次中午，今次决定试试晚餐。店舖门前有一个大牌，写著外卖热线，由于想拎海鲜过来加工，所以如果预早安排，可以预先致电通知。今次笔者就安排了花甲和虾，任由泰妈妈主理。泰式炒花甲~九层㙮、香茅、洋葱，配搭相当惹味，和啤酒简直是最佳拍挡，酱汁香而不辣，就啱晒好似笔者不嗜辣之人士，最后笔者将所有配菜吃掉得一干二净。泰妈妈虾虾笑~依个是笔者加工海鲜，任由泰妈妈处置，所以这道菜色，就是笔者替这菜式命名，因为任由㕑子作主，加入南姜、香茅，柠檬叶，简单的焯法，伴上泰式辣酱汁，就是吃得原本的鲜味 ，简单又好吃。柚子沙律~吃泰菜，笔者喜欢点柚子沙律多过炒什菜，笔者觉得更柚子更能去除油腻感。另外还有木瓜沙律，好辣之人会喜欢。泰式烧马友~烧鱼系列，当晚有几个选择:乌头、仓鱼、马友，最后笔者选了马友。食店有一个烧炉，所以每每烧鱼需时，要比多少少时间等候，但也值得，因为喜欢那一份蕉香味道。唯独是如果有烧鲗鱼就更好了。整体来说以外卖小店来说，泰妈妈一脚踢值得支持。
继续阅读
支持本地小店&正宗泰国人主理食店🤫见午餐几抵食，所以叫咗个香叶肉碎煎蛋饭外卖，点知做嘢忙迟咗要等到晚餐先食得，点知叮返热都仲系超好食！好香香叶味配埋辣肉碎加饭食真系一流，另外之前都试过食海南鸡饭同青咖喱鸡肉饭都系超级好味！因为我怕辣🫣所以专登叫泰妈妈帮我整少辣，食得好惹味又好味，喺香港食到咁正宗嘅泰菜超开心🥰超级推荐，大家要去试吓，可能夏天坐出边就会比较热，可以问吓泰妈妈叫佢开啲枱喺入边就会食得舒服啲啦～十卜十卜
继续阅读
我好钟意食泰国菜，成日都揾唔到啱心水嘅餐厅，要知道而家啲泰国餐厅周街都系，好多成碟嘢要成百蚊咁贵！仲要啲嘢食又唔得！😤最近终于揾到一间隐世小店，间嘢价钱好合理！啲𩠌全部都几抵食，仲要啲味道超正宗！🤤最抵赞系我叫外卖𠮶阵真系好快有得攞，啲𩠌仲要好好包装，就算嗌咗好多嘢都冇漏汁！个老细仲要好nice！🙌真心觉得呢间嘢值得大家试下，间嘢真系好正！我谂住揾日约埋班fd一齐去食，等佢哋都知道呢间平靓正嘅餐厅！！feel到老板好有heart！希望餐厅坚持做到落去！
继续阅读
泰菜小店，打风揾野食无意中见到，见佢餐牌有一样「事头婆帮我谂食咩饭」咁得意，就试一试。叫左3样野食：1. 「事头婆帮我谂食咩饭」我估系次次唔同，今次嚟嘅系泰式猪颈肉饭，颈颈肉数量多，肉质新鲜，厚薄适中，味道几好，咸甜适中，仲有d豆角一齐炒，送饭一流，盲盒期待值同味道成正比。2. 「泰式炒饭」拣左鸡肉，冇雪味，又唔会完全冇味，肉质软嫩，饭炒得干身，调味适中，好食。3. 「船面」拣左牛肉，有牛丸、肥牛、牛腩、炸猪皮，牛丸肉味浓，好好味，有惊喜。汤底够晒浓，略嫌就咁饮汤咸啲咁dur dur，但配面食系冇咩问题，唔会觉得过咸，而且味度好，我都仲系忍唔住饮多几啖汤。三样野食都对办，相信其他野食都唔差。除左事头婆饭有噱头外，menu仲有其他得意野，呢d小店买少见少，值得继续支持。
继续阅读