影片
招牌菜
收50食一细碟乌冬 3啖食完 4粒鱼蛋 加杯好伏嘅绿茶牛奶 真心不了 另外有个收46蚊 预计系大份薯条加野饮 杯野就细细杯 m记奶茶咁 薯条就份量少到喊 仲要黐住条毛仔 严重觉得俾人坤钱 单都唔想埋 个职员又黑口黑面 得罪佢咁 真心伏到喊 强烈建议大家唔好中伏 不过讲句公道说话 个香蕉奶昔都几好饮嘅 不过就真系唔值𠮶个价钱啰 一定唔会再去 本人甚少写食评 但系想花啲时间费事大家中伏
继续阅读
店内大大只字推介黑糖姜汁撞奶，叫左2碗外卖，叫老公攞完车顺便攞外卖，由落order开始计等左差唔多一粒钟，点知竟然话整唔到！！搞错！重点系一句对唔住/唔好意思都无攞左一碗上黎，根本都系失败作！是旦比碗失败作人地然后只退返一碗钱！有图有真相！以后都唔会再帮衬！
继续阅读
夜晚十一点半，附近已经冇乜铺头开，想食宵夜又唔知去边好，就黎到呢间小店食甜品。其实黎过呢度都不下20次，不过我觉得近来啲食物质素每况愈下。虽然乜乜冰个啲确实一般，但中式甜品如马蹄露，腐竹糖水其实唔错，不过今次马蹄露咁岩卖晒，冇冻既，咁我唯有嗌其他甜品啦。今日嗌左个绿野仙踪，入面有齐沙冰，红豆，小丸子，椰汁糕同雪糕。因为外卖，拎到返去都变左一摊野，就唔影相啦。味道好一般，我谂堂食会好食啲既。仲有嗌左火龙果牛奶，男朋友话味道好奇怪，但我觉得都ok，牛奶味几浓，火龙果原先都无乜味，所以火龙果味道薄弱都系一件几正常既事🤣我自己就觉得味道正常，唔会太甜。不过店员全程黑面，十问九唔应，又好恶咁话自己员工，感觉唔太友善啊。
继续阅读
员工服务态度极差 谂住帮屋企人叫外卖 影咗几张menu嘅相 send畀屋企人睇 等佢哋睇下有乜糖水食 等咗三分钟左右 佢收咗我本menu 话menu唔比影相 唔通expect我逐个逐个读畀屋企人听 当个外卖甜品整好 佢好冇礼貌咁放低喺张枱度 唔系期望你有好好嘅礼貌 基本嘅都做唔到 今次系第一次食亦都会系最后一次 绝对唔会推介畀朋友 对住啲咁嘅服务态度 好食嘅嘢食都会变得唔好食 仲要系食甜品 都只不过系想有个快乐嘅回忆 依家只会有个不快嘅回忆
继续阅读
夜晚食完晚饭想食下糖水，慈云山附近糖水舖不多，open rice揾到一间系附近就试下啦。环境以橙色为主，刚好个段时间有一大班学生，佢地大声说笑所以都好嘈，唔可以静静咁倾计。食物我地点左当日推介，黑芝麻西米露拼汤丸，以小木盘上菜，如果餐具都用木制感觉会更配合。汤丸都软硬适中，糖水唔会过甜。另外被一款糖水名字吸引，就系龙王。顾名思义系有龙眼肉既龙眼冰，味道清淡，整体卖相又唔算吸引，唔配合龙王个名咁霸气。如果可以加少少彩色生果会更好。
继续阅读