威記美食 (保和大廈) (已結業)

口痕，又想食嘢，就會諗起呢度......佢都算乜都有，同埋質素幾高👍🏻👍🏻👍🏻💛💛💛而我久唔久想食下既街頭小食：<煎釀三寶>😋呢度都有，非常難得，亦都令我真的很興奮~~~呢間係難得係灣仔區既小食黃店，附近都有幾間同類型既小店，記住行多兩步去支持下，呢間係一間質素唔錯既小食店😙😙😙食緊既時候，聽到人哋問港島區邊度仲有臭豆腐買我真係諗唔到，知既朋友請留言話我知🥰🥰🥰 🙏🏻🙏🏻🙏🏻…查看更多

Lunch唔太肚餓，買小食算，經過威記美食，正合我意，仲要係黃店，必支持下。14:00多去到﹐冇乜人，小小的外賣店，但食物有好多選擇果下勁！街頭小食、飯餐、車仔麵、炸物...好多野食呢。見好耐冇食煎釀三寶，即揀，仲要埋炸燒賣。可即場立食，不過都係外賣返去食舒服點。煎釀三寶$＄15/6件，要了茄子、紅腸、青椒、魚蛋、豆腐及炸雲吞，熱騰騰，賣相較皺皮應該係有翻炸同炸太耐唔夠金黃，食落太油膩，鯪魚肉少薄薄一層，少少彈牙而魚味唔突出，炸雲吞尚算脆口，味道一般。炸燒賣，＄12/7，口感脆，少許惹味。食物水準普通，但幾抵食，支持小店。…查看更多

窮遊掃街關注組-灣仔黃店小食 威記小食⭐️炸燒賣 $12 7蚊味道：4.2/5 外脆薄脆 內軟 外有椒鹽 已經好好食口感：4.2/5醬汁：3.5/5 （普通豉油 椒鹽）抵食：4/5⭐️煎釀三寶 $17 4件加碗仔翅味道：3.5/5 （正常 有炸多次番熱）口感：3/5 （正常）醬汁：3/5 （豉油汁）抵食：3.5/5 .⭐️碗仔翅 味道：4/5 （多料 好味）口感：4/5 （唔會好漿口 但粉絲過軟）醬汁：3/5 （落左麻油 胡椒粉已經好好食）抵食：4/5 .係灣仔vtc出面 都有d文宣燒賣高質 如果有埋泰式辣醬更佳（個人喜好）系列岩岩出 保守地比個4.2分先啦希望遲d會再試到天花板.#威記美食 (灣仔)地址：灣仔交加里51號保和大廈地下K號舖…查看更多

呢間小店，我由中學食到而家，都仲係咁平同埋咁好食！通常我會叫炸燒賣撈麵同埋碗仔翅炸燒賣會有啲椒鹽風味，碗仔翅非常足料！喺灣仔真係好少有咁樣嘅良心小食店，一直以來都咁抵食！希望你地長做長有！…查看更多

剛剛品嚐到區內最好味的黃色面店，意猶未盡，還想再吃個下午茶餐填滿肚子，走著走著就看到這家小小店，賣的都是平常小店的魚蛋燒賣炸物腸粉，看到價錢相當便宜，就忍不住停下腳步。炸雞脾即炸，等待十分鐘左右，沒想到非常出色，金黃色的外觀，咬下去每一口都脆卜卜，多肉有肉汁，是我在日月星晨之外，香港食過性價比最高的雞脾，我給4.5分。細碗的碗仔翅，我喜歡原汁原味，依舊美味，入味濃郁，非常好，有4分。竟然還有紙包飲品，總數25元，是否太可怕的抗通脹產品！？原來還是黃店，手足你快點去懲罰吧！好味！…查看更多

灣仔街坊真係有食神, 去到邊都搵倒美食, 摩利臣山嘅VTC附近更加係美食小店雲集! 今次我推介嘅係灣仔必吃掃街小食--登登登登! 炸雲吞! 🥟🍢其實即係煎釀三寶! 價錢分別係 $12/4件, $15/6件, $20/8件, 超抵食! 而我每次必點炸雲吞,因為炸得夠脆, 魚肉餡又大大舊, 其他選擇仲有豆腐,茄子, 紅腸,魚蛋,尖椒同青椒。款款都好味😋😋🍗第二樣推介鹽酥雞粒$15 , 粒粒雞肉加埋 啱啱好嘅炸粉仲有好香嘅椒鹽味, 呢個價錢係咪讚讚讚! 其實仲有好多美食, 碗仔翅啦,腸粉啦,炸雞髀啦 ,學生哥至like嘅撈公仔麵啦, 一次食唔倒咁多,下次再介紹, 仲有呢度只得外賣㗎咋! …查看更多

呢間小食店因為黃店而認識 已經食過無數次 是我每次去灣仔必吃的煎釀三寶  超級好味道 又香又熱又脆的三寶 配埋甜甜的鼓油 鯪魚餡有大大舊 黏得好實唔會甩出來 咁樣的配搭 三寶簡直係香洗小食的靈魂好多地方三寶唔翻炸（但真係好重要） 依間一定同你炸 必吃價錢選擇：＄12/4件；$15/6件；＄20/8件食物選擇（依我的喜好排列）：豆腐  青椒  尖椒 茄子 魚蛋 雲吞 紅腸佢地會keep住炸新的三寶 所以每次去款式都好足 豆腐同青椒真係超正！！ 其他我都好鐘意食！！ （個人唔食紅腸所以排到最後）黃金西多士＄25有四件包紙包飲品夫復何求雙層嘅西多士 一層牛油一層花生醬 被蛋漿包住炸得又香又脆 最後淋上煉奶 非常邪惡 沒有不吃的理由我個人最鍾意食花生醬餡嘅西多士 所以呢個真係好好味仲有清湯白蘿蔔 $8/5件 都係好味同抵食推介 鋪頭隔離 有啲枱枱凳凳 可以俾你拎住個碟坐喺度食 舒服得來又嘆 將香港小食文化發揮極致 又唔使下下用外賣包裝咁唔環保又是一間高質黃店 小小小吃用心製作 有幸經過灣仔可以幫襯下 每逢遊客或集會的時候都會派水派嘢飲 而且有免費餐贈送學生 食物又好食 我冇咩理由唔支持絕對係我灣仔黃店不二之選…查看更多

一講起香港街頭小食，一定會諗起燒賣魚蛋，不過炸燒賣又有幾多人食過呢？作為一個IVE仔，一定會知麼Hill附近其實好多好野食，以前一有天地堂，第一時間就係走過黎食炸燒賣香脆嘅外皮，再加上椒鹽，簡直係窮L恩物，今時今日再食返，都會回想起仲係學生嘅日子...…查看更多

本身係西多迷，行過口痕睇下有咩食，點知比我發現左有西多，真係一試難忘，即叫即整，仲已經切好晒唔駛麻煩，味道剛好唔太甜，本身見25蚊仲要包野飲，都冇咩好大期望，真係超出預期之內咁正！！！一定要再去食食食食食～～～果度有張枱比你食下野又幾好。…查看更多

幫襯左好多年 最近知道轉左手但見都係同一個鋪頭名同一menu 行開諗住幫襯下...點知伏味濃...仲記得以前有個好後生嘅姐姐成日落店幫手 仲好有禮貌...雖然只係買小食 但呢下多謝前多謝後都足以令我回頭再買但鋪路裝修完 新一年價錢貴左少少都理解嘅...但服務態度差呢下真係無得救 今年轉手之後幫襯過2次 2次都講錯價錢 明明叫左個魚肉撈麵（$22）但2次都講左（$24） 好彩有睇餐牌 佢叫錯我仲以為自己睇錯 心諗又加左價咩 原來店員都唔係好清楚鋪頭小食嘅價錢 仲互相問幾錢但都講貴左Sorry,機會比左2次 無下次…查看更多

自從畢業和不用再過海上班後，便很少到灣仔集城商場附近。今天與太太重回舊地，由於入夜近晚飯時間，見有一小食店在附近，便以小食當晚餐。此小食店在內街，車量和行人較少，它主要是做外買的，否則就站着吃。它面對職業訓練局、摩利臣山學院和公眾泳池，相信平時會有許多學生來買小食，現時眼見來幫襯的都是附近的街坊。負責店鋪的有兩位年青人，待人有禮，我和負責店鋪的年青人閒談，他說如有演唱會在伊館舉行，簡直是應接不暇。我和太太叫了煎釀三寶、腸粉、燒賣、咖喱魚蛋、牛百葉、水鱿，豬皮和蘿蔔，最後叫了一碗碗仔翅。煎醸三宝可自選，我選了釀豆腐、炸雲吞和釀青椒。雲吞皮炸得硊，豆腐件頭夠大，青椒新鲜，肉的份量適中，最重要是無油膱味，我是很討厭油膱味，所以第一個給我的印象已很好。腸粉的豉油是甜豉油，是他們自家配製的，加上了混醬，吃起來十分可口，腸粉可能來貨靚，吃落煙韌，口感很好。咖喱魚蛋的咖喱也是自家配製的，咖喱屬甜咖喱，不太辣。原來它們還有一種咖喱，比較辛辣。我兩樣也試了，辛辣的咖喱不太甜，但不能吃辣的人吃起來就會覺得太辣了。魚蛋的肉比較實，可改善。猪皮爽硊，牛柏葉和水鱿就一半一半，我吃的那份没問題，但太太的那份就覺韌了，可能是出在泡浸時間的長短上。 其實豬皮、牛百葉和水鱿，本身是没有味道的，全靠醬汁好味否。我是甜豉油加咖喱醬，味道調得正好，但這甜豉油若用來點燒買，則覺味道過甜，我個人口味覺還是覺用咸豉油配燒買較好。最令我驚喜的是那塊蘿蔔，很甜，冇渣，若不是怕太飽還會再叫多一份，應是老細入貨時識揀，選了一些靚的蘿蔔。最後是碗仔翅，湯味夠濃，湯不會太竭。内有木耳絲，冬菇絲，蛋絲，肉絲和粉絲。我是清吃的，沒有落醋和胡椒粉，但吃了也不覺得滯。只是蛋絲和肉絲少了一些。總括來說，我和太太對今餐都覺得滿意，下次再經過灣仔時，也會考慮來幫襯。…查看更多

本身幫襯左幾年, 早前知道會轉人，但係諗都冇諗過轉左之後, 加左價仲超難食, 完全唔係個回事, 真係好失望。用埋同一個名簡直係整衰哂前人種下既成果!! 煎釀三寶魚旦又細粒左，茄子舊薄左好多，幾乎係之前既一半，舊魚肉仲要唔知去左邊。家鄉銀針粉 粉，冬菇，瘦肉都少左，個湯係普通雞粉水，再唔係之前既濃湯。D阿姐明顯唔係熟手，樣樣野都慢，又好似不知所措咁，加上衛生都一般。本身諗住試下，依家仲後悔緊..........…查看更多

今日跑完unisef 5km，雖然碎料，始終係我嘅人生第一次参賽，順利完成好開心。跟住走去紅磡食邪惡嘅豬油渣麵，放縱一下自己！到黃昏，另一樣更邪惡的東西握响我手！佢！就係炸鷄肶！星期日交加里食檔只得兩三間有開，包括呢間威記。但係黎揾食嘅人又多，所以放縱都要排隊！我一路排一路陰陰咀笑，因為一路想像果塊香而脆嘅鷄皮，咸香嫩滑嘅肉，用手揸住佢舊骨，然後又驚熱又想貪心地大大口齒開d肉！喔！原來邪惡重可以令人興奮！阿姐將佢交到我手，收左我廿皮找番七蚊。返到公司第一時間打開袋,新熱辣香噴噴!個畫面就好似我頭先諗嘅一樣,只係阿姐將鷄肶炸得多左小小,皮依然香脆,灑上嘅華鹽帶來惹味,不過肉就乾左d未夠多肉汁,$13蚊,算係咁啦!點解用手機交食評d相會橫放左嘅？？…查看更多

豬腸粉，亦稱齋腸，名字起源是因其外貌似足豬腸。一般小食店的都是現成來貨番蒸，no good。豬腸粉是龍少爺超愛小食之一，這種簡單的平民美食要做得好也很不容易.。齋腸本身無味，所以調味醬就成為重點。甜醬、麻醬、辣醬、豉油、芝麻。。。雖然味道全靠醬料,，腸粉本身滑溜與否也是另一重點。要推介好吃的豬腸粉，在灣仔VTC對面的小食店就非常不錯，鋪面經常人頭湧湧。這裡一條條蒸起的白滑腸粉，絕對是如 Fancl 無添加。剪成一段段之後，再加點醬油、甜醬、麻醬、芝麻就可以吃即場堂吃。混好醬，急不及待放入口。一入口腸粉已溜了到喉嚨內，質感超滑。雖則大家吃腸粉都是想吃醬，但此店的腸粉入口除了麻醬甜醬的味道外，嚼久一點可感到腸粉的米香，真的抵讚。一碟剩惠 $6 元，吃畢已半飽了，滿足。若各位有其他好吃腸粉推介，不妨提供一下！…查看更多

小食天地無開，但又想吃炸燒賣，便在此一試，但炸得久了點，外面硬了點，再加淮鹽，但沒有味啊！另一串加咖哩汁，咖哩味不錯，味也很濃，相比小食更地好！兩間各有各好，下次可以公平ｄ，分開買！…查看更多