姚姚酸菜魚 (港威商場)

营业中

休息中

同事帶路食辣辣午餐🤣🤣🤣呢度既裝修以湖水天藍色為主，感覺舒適闊落～午市仲有套餐，包埋前菜、白飯、飲品甜品，價錢合理！！除咗麻辣香鍋，仲有酸菜魚同其他小菜配搭可以揀🤗🤗我哋每人要左一款套餐，另外仲要左一款涼拌同甜品share~我要咗一份牛舌為主既麻辣香鍋，當中除左牛舌之外，仲有花菜同蓮藕等食材，非常足料！！味道既香又麻，麻中帶辣，十分足料💕今日套餐既前菜小食係涼拌藕丁，酸酸辣辣好醒胃～套餐中既青瓜特飲同三色冰粉好清爽，仲好解辣添😚😚如果唔食辣既食蕃茄魚都好唔錯，酸甜酸甜夠開胃👍👍店員介紹有辣度升級版既酸菜魚，下次試下先得😋😋

最近突然間想食啲酸辣嘢，就諗起呢間姚姚酸菜魚，位於中港城一樓，嗰頭唔算多嘢食，每次經過都見到呢間餐廳滿座，食物質素應該有返咁上下，今次總共叫咗四款食物:等我分別介紹一下：麻辣香鍋麻辣鍋底 （3-4人份），配料最少叫五個餸，我order咗香酥豬扒，土豆，秀珍菇，四季豆同寬闊薯粉，一上到枱已經聞到佢既麻辣味，對於唔係好食得辣嘅人嚟講，小辣已經足夠。望住一大盆辣椒，對於食辣愛好者來講係好愉悅。香酥豬扒特別厚，咬落軟熟多汁，唔會好似柴皮咁，佢嘅秀珍菇，四季豆同土豆都係有炸過，所以係特別香口。另外，佢哋做嘅宮保蝦球都幾出色，酸酸辣辣，好開胃，蝦既質感好彈牙，唔係死蝦做的，另外配上臘味炒飯，有一番風味，臘味唔會太濃味，而且炒得乾身，粒粒分明成個炒飯嘅份量亦都啱啱好。最想講嘅係佢既凍檸茶係非一般茶餐廳嘅檸茶，可能佢加入咗青檸，飲落唔會特別酸，係帶點泰式嘅風味，而且我發現呢度嘅飲品每一台都有人order，我諗佢嘅特色飲品係幾好飲！

約咗朋友食姚姚酸菜魚，餐廳環境寬敞舒適，用Tiffany blue顏色布置，浪漫又有格調，在海港城內就腳方便。餐廳以食辣為主，不過都有好多菜式可以走辣，選擇都算多，即使唔食酸菜魚都大把野食。我哋揀咗佢最經典特色菜之一，麻辣香鍋。香味撲鼻的感覺非常療癒！配最少揀五款，我哋揀咗寬粉、嫩牛肉、炸豆皮、蓮藕片和萵筍。鍋底可以免麻，但辣度最小只係少辣，佢個份量超級滿足，見到咁大一盆，個心情真係會好的。面頭鋪有非常多的紅辣椒，我哋尤其喜飲嫩牛肉同蓮藕片，嫩牛肉份量勁多，口越嫩滑，蓮藕片和萵筍又麻辣中帶著爽甜，跟埋白飯食，勁開胃。椒麻皮蛋非常高質嘅橙色皮蛋，好似食喱咁，外皮彈牙軟Q，內裡溏心噴發，好味到好想食到幾碟。幹煸四季豆非常夠鑊氣嘅四季豆，外皮稍微焦脆，內裡仲保留咗一定的嚼勁，四季豆質素都很新鮮，在上面加一些肉末，賣相好吸引，又充滿風味。 彩虹烏龍冰粉根據喜好可以減免配料，擺盤如彩虹咁，用多種配料搭配，烏龍茶冰粉底再加上紅豆、黑芝麻、花生碎、葡萄乾、酒釀糯米、口感冰冰涼涼，非常解辣！茉莉香橙清新爽口，香橙味突出，好適合用黎解辣，

尖沙咀姚姚酸菜魚味道正宗的酸菜魚，雙拼一次過試試兩款，拼宮保田雞/水煮牛肉/番茄魚/避風塘大蝦，可選擇辣度，而且可選少油，油量真係唔多，飲咗好多湯😂鍋入面有酸菜蘿蔔。另一邊揀咗水煮牛肉少辣，入面有寬粉，煙韌彈牙，好鐘意食😋另外，仲可以加豆皮、粉絲、金針菇、萵筍等等的配菜。鍋底下放了蠟燭，能夠保持熱度。如果鐘意食麻辣，可以試下麻辣香鍋/小龍蝦，麻辣香鍋有三十多樣配菜選擇，肉類、蔬菜類。今次試咗小龍蝦，先拆殼再慢慢食龍蝦肉，個汁好惹味。

Book 左星期五夜晚7:00pm，去到已經座滿人，侍應通知用餐時間90分鐘，用APP自助點餐。食到距離交枱時間大約15分鐘，分別有2個唔同侍應過黎催我哋走，個態度都幾唔好，唔係friendly remind 用餐時間就到，係直接催我哋出去埋單🤥📌姚姚酸菜魚 (3-4人份) $398 🐟酸菜同魚嘅份量都好足，會有個小蠟燭暖住，揀咗小辣，酸辣適中，魚肉好滑，唔會有腥味👍🏻 酸菜魚本身無附有其他配菜，我哋另外加咗萵荀片($35)、寬闊粉條($40)、千葉豆腐($38)📌 麻辣香鍋 $48 (自選最少5款配料或以上)🌶️配料揀咗重慶酥肉($50)、魷魚鬚($50)、寬闊粉條($40)、蓮藕片($38)、炸豆皮($38)，酥肉本身炸得幾香口，魷魚鬚大大條夠爽口，同樣揀咗小辣，但係香鍋比酸菜魚辣好多，小辣已經幾辣🥵📌 酸辣藕丁 ($58)藕丁好爽口，唔太辣，酸酸地好開胃📌 酸辣土豆絲 ($58)唔知係咪唔記得落醋，無酸味，偏油

放工去海港城買衫，又睇吓有咩食！見到舖頭附近有間川菜，淺藍色好靚，少女心驅使去試下🤣姚姚酸菜魚拼宮保田雞 $308————————————單點酸菜魚得，雙拼又得。仲有酸菜魚拼水煮牛又得，拼避風塘大蝦又得，仲有勁多組合，仲有蕃茄魚，怕辣可以食川菜呀！樣樣都想食好難揀呀！有見店名都叫姚姚酸菜魚，又好耐冇食過田雞，所以叫咗呢個組合。份量好足夠！大大盤，氣勢冇得輸🤣酸菜魚叫咗大辣，好辣呀🙀川北涼粉 $48————————————係香港食好多間川菜，唔係間間都有依一味菜。口感冰涼，啱晒夏天食，味道酸酸、麻麻、辣辣，條狀嘅涼粉滑身，考驗我揸筷子嘅功夫，但愈食愈過癮！加上少許花生粒、蔥花等等，簡單但出色。紅糖糯米茲粑 $68————————————外層脆脆，裏面軟糯，配上紅糖漿同黃豆粉，食完濃味嘅川菜，食返個甜品就圓滿喇！

之前經過尖沙咀唔知食咩好，行到海港城就入咗呢間食😂想講佢真係開係商場末端，冇咩人行過嘅地方，搵咗勁耐😅🐮🐟姚姚酸菜魚拼水煮牛肉 $208啱哂鍾意多口味人士，一盆滿足哂兩個願望🤪酸菜魚本身係跟嫩滑嘅魚肉，魚味唔太重😗酸菜真係幾酸，成個湯都係個陣味🙂有成抽花椒落咗湯，但係只有香而不麻😛水煮牛肉就真係又香又麻，仲辣到噴火🥵牛肉應該醃過，係嫩滑牛，唔係薄切，所有幾有口感🤩底仲有啲寬粉索哂汁，吸收哂啲精華🤤順帶一提，話就話二人份，其實可能3-4人份，仲可以叫啲配料再飽肚啲✌🏻✨姚姚豐盛四重奏午餐$88問過星期一至日都有供應，多人食嘅話，另外叫呢個餐幾抵🤑開頭叫咗諗住當有多個小食，單叫小酥肉都$82份😮宜家套餐應該細份啲，仲包飯+嘢飲+甜品，兩個人食啱啱好😏🐷黃金脆炸小酥肉 ＋涼拌萵筍絲即叫即做，送上枱仲脆卜卜、熱辣辣🔥有啲似shake shake薯條咁，落咗好多味粉係面，要自己兜兩兜入哂味先正🤓萵筍食完有啲清爽嘅感覺，食完啲熱辣辣同油膩嘢，咬返啖就最fresh了😉🌈三色冰粉雖然只係細細碗，但係份量都好夠，因為落咗好多配料😍有提子乾+花生+紅豆，冰粉底好似話係烏龍茶底，口感同味道好豐富😆🥒爆打青瓜

突然想食酸菜魚。。。記得上次食過姚姚感覺都幾好。今次同老公番去再番食。我地去番尖沙咀果間姚姚。。坐底後有個姨姨提我地自己sacn個menu我地2個人梗係點左一盤酸菜魚啦。再點左2樣小食。酸菜魚今次食落好似比上次酸左d。但係味道都仲ok 既不過2個小食就-----差萵荀一d味都冇。白烚但加左少少調味。個味好奇怪。另外果個又係。就咁淋個汁落去。。d肉一味都冇。最後都食番個甜品，個甜品好解辣。食完個口一d辣都冇晒。間唔中想食酸菜魚都會再番黎食。但唔會再叫小食。。只會係盤酸菜魚到加多幾款配料。

/ 姚姚酸菜魚 拼蕃茄魚/ $308有鴛鴦鍋呢個選項真係好偉大一個食辣一個唔食辣 都可以食同一兜🤭又可以兩款口味都食 滿足埋貪心嘅人🤭✌🏿蕃茄嗰邊幾有驚喜 大量鮮甜蕃茄果肉酸酸甜甜好開胃幾清新 本身仲有埋粉絲宜家鱸魚肉份量都幾多 肉質軟滑酸菜亦可以自己揀辣度 ✌🏿______________________________ / 麻 辣 香 鍋 /麻辣香鍋係自選菜式 每個最少叫5款食落帶麻辣同花椒香 如果再重啲焦香就好🤟🏿另外落單仲可以揀少鹽少油 加分✌🏿

同同事被隻Tiffany blue吸引入去食晚餐，地方寬敞環境好正呀！先泥個前菜麻醬肉雞絲粉皮，好香麻醬味雞絲好嫩滑配合豐富嘅麻醬同青瓜絲一齊食好惹味又清新加好爽口添❤️酸菜魚食得多今日想試吓香鍋，叫咗麻辣香鍋小麻小辣😁又要食又怕辣🤣🤣麻辣香鍋可以叫餸幾特別🥰一大鍋上枱香噴噴，眼見真係勁多辣椒同花生，當然緊係有我order咗嘅大大隻鮮蝦好彈牙辣辣地好惹好、巴掌肥牛好嫩滑d油脂同麻辣係口內漫延“正”、嫩牛肉一樣嫩滑爽口、寛粉彈牙爽口、豬頸肉我最愛爽口弹口👍woo開始越食越麻越食越辣，小麻小辣都唔惹少架，但係又越食越停唔到口架💯💯💯茉莉香橙，清新香橙味仲勁大杯，裏面又有d水果好fresh呀！低糖紫米豆漿，唔甜有紫米咬吓好yummy👍👍😋姚姚酸菜魚尖沙咀廣東道3-27號 海港城港威商場二樓2307號鋪

本身對呢間酸菜魚都好期待賣相都ok點知原來好難食酸菜魚個湯底好油膩份量又少又無魚味其他食物都唔掂酸辣土豆絲勁油醬蘿蔔鹹到食唔到得叫左炸雞翼同炒萵筍係正常一定唔會再黎🙁🙁🙁

舊年新開時，一直想試，但當時每次去到都有人潮喺度等位，自問無耐性等，所以放棄咗好耐，其實已經唔記得咗，直到今日人潮已經不見，當時只有4枱客，開業都唔知有冇1年，新鮮感無咗既殘酷，唔洗等支持吓當然試試涼拌萵筍絲蒜味比較重，如果少啲麻油會較清爽姚姚蕃茄魚拼避風塘大蝦Honestly 份量好勁，3個人食其實啱啱好，蝦唔多，但有大量薯條，唔覺唔覺就會好快飽，蕃茄魚清爽，魚夠fresh加蕃茄天然酸味，魚肉長條又厚切帶嚼感

平常公司樓下食銅鑼灣姚姚酸菜魚 ，田雞味到最难忘。今日同爸爸妈妈路過海港城姚姚酸菜魚 服務態度差 口水雞冰凍冇味 难食到一个点 酸菜魚滴魚 又硬又腥 水煮牛肉 牛肉又唔熟对比起其他海港城嘅舖頭出品同服務態度可以咁差 ，相对以前越做越差，今日去左海港城姚姚之後 真係對呢個品牌有滴失望 。其待太二酸菜鱼來港，應该会好佢體驗感 極差 味道 同其他品牌 宜家真係冇可比性環境 開起海港城 👌🏿嘅比我選擇多一次 我應該寧願去食六公館都唔會再來了

一向喜歡吃酸菜魚，去開尖沙咀做野，就黎呢間姚姚酸菜魚試下黎得呢度，當然要試下招牌酸菜魚，再拼埋蕃茄魚，上枱好足料，酸菜魚酸辣度適中，好開胃，而蕃茄魚就有點失色，個蕃茄味好似有點假，可惜椒麻皮蛋非常出色，金黃色既溏心皮蛋，晶瑩剔透，皮蛋味香濃，喜歡食皮蛋既一定要試下香港油條同擔擔麵就正常水準，麵質彈牙，只係份量有點細最有驚喜係呢個小龍蝦，喺香港食過幾間小龍蝦，質素都唔算高，呢間係食過最好既，小龍蝦肉質爽口彈牙，加埋麻辣汁，食完一份仲想encore

《📍姚姚酸菜魚食評分享 》@ihungry.hk酸菜魚人人都中意食，咁以下呢間你又食過未👇？今日同大家介紹一間超強人氣過江龍酸菜魚🐟🐟，就係位於尖沙咀海港城嘅姚姚酸菜魚！話明過江龍，一去到小編就見到長長人龍，睇嚟人氣真係超超超超強🔥，而姚姚酸菜魚主打多款川菜美食，包括人氣酸菜魚、水煮牛、麻辣香鍋、烏龍冰粉等，選擇夠晒豐富。但到底佢係咪真係咁值得去排隊？就等我哋為大家揭曉👀！🔸『姚姚酸菜魚 - $268(二人份) 』▶️額外再加$38寬薯粉條姚姚酸菜魚份量好大，直逼一個洗手盆咁大🤣！而酸菜魚湯底夠晒酸辣，酸菜魚嘅份量嘅都好足料，又夠滑，但係酸菜魚就係有骨，令2位小編都食得有啲辛苦。重點嘅係配菜種類係好少，只有酸菜同筍，小編就係瘋狂食魚同酸菜，成件事係超單調，最後唯有叫多碗份量超少嘅寬薯粉條去感覺豐富D，整體係有啲失望😫！🔸『茉荊香橙 - $38 』怕甜嘅小編叫左小甜，甜度剛剛好！成杯飲品充滿茉荊花花香🌸，再帶陣陣酸甜嘅香橙🍊，成件事係好Fresh，啱晒解膩！特別一讚成杯飲品充滿香橙果粒，每一啖都會吸到滿滿香橙，口感夠晒豐富👍！🤪iHungry開心指數：7/10分*環境相片由餐廳提供。