姓膠煮麵 (已結業)

係IG搵下屯門有咩好食，見到E間都好多人推介，所以我同豬先生又黎試下😌餐廳鋪仔細細，枱與枱之間係有少少迫，不過可接受既，用小巴牌黎顯示餐牌幾吸晴我地叫左2樣野食🔸姓膠豉油雞飯（$52）豬先生話d雞係凍既，以為豉油汁會出色啲，點知都係平平無奇，比茶記既碟頭飯更唔吸引🔸芫荽蜆肉湯豬頸肉娃娃菜米線（$55）因為本身我係芫荽控，所以芫荽湯係我不二選，上到枱見到滿滿既芫荽仲心諗我冇中伏，點知d芫荽係棵棵都有沙😅但公平d講，豬頸肉係ok既，不過唔足以抵銷有沙既問題😟唔知係咪我地對佢有少少期望，所以我地係失望而回架🥲仲要即刻去搵其他野滿足番個小心靈😩…查看更多

長假期同朋友到屯門膠遊遊，發掘小店。.☀︎︎ 皇牌豬頸肉蕃茄湯米線 $55☀︎︎ 手切肥牛招牌蕃茄湯紅薯寬粉 $55這裡的招牌蕃茄湯很不錯，自家熬製幾小時而成，味道濃郁偏甜，帶蕃茄自身的微酸。豬頸肉厚切軟淋，的確不錯。但米線超索湯注意！米線和紅薯寬粉都較煙靭。☀︎︎ 椒鹽豆腐 $26好多避風塘椒鹽脆脆，豆腐選用了硬豆腐，跟想像中的有點不一樣，因為皮相對較厚，較影響了入味程度。☀︎︎ 炸燒賣五粒 $12炸得很香口，不錯的小食選擇。…查看更多

好耐都未試過食飯食到咁躁底。員工態度麻麻，呢個唔係重點。呢間店運作超級有問題。我同隔離枱一齊叫野食，佢地杯野飲早到我地好多。等到八分鐘，後面兩枱食客起哄話啲野食等左好耐仲未到。然後職員就話今日比較多人要排單要等耐啲。最頂癮係為左做嗰3位小姐生意，喺四人枱（已經坐左兩個人）同四人枱之間嗰個位再加一張圓櫈，個客即刻詐哂形。我等野食都有耐性，但去到10分鐘先同我講話紅薯粉賣哂，同我地講揀第二啲。我就係見到人地介紹佢地嘅紅薯粉先黎食，望住個menu，選擇好有限，我揀唔到，加上肚餓個人更躁底，我即刻冇哂mood起身走人。依家難請人，好明呀。唔夠人做麻煩老闆自己衡量囉，唔好接咁多張枱，不停叫人入去，成間舖六成人都係喺度等。廚房同樓面冇溝通？啲野就賣完或者冇哂就好出聲同客講，等左10分鐘先講，真係好離譜。真心冇下次，好伏。…查看更多

肥牛太多筋，咬到牙鉸都軟。 諗唔明點解咁樣嘅肉都可以拎出嚟俾人食，完全對唔住佢個價，你賣得唔貴，都唔好俾啲咁嘅嘢人。椒鹽豬頸肉飯，豬頸肉好少 完整得三四塊，其他都係肉碎同洋蔥。下次唔會再幫襯。食完好似冇食過嘢咁，空氣咁仲勁過疏乎厘。…查看更多

📍姓膠煮麵 (屯門)嚟屯門覓食 初嘗呢間名字吸睛嘅街坊小店小店坐得少少逼 食物選擇都唔少除咗飯、麵之外仲有煲仔同火鍋～.🌿#魚皮餃芫荽皮蛋蜆肉湯飯 $49芫荽一大堆 芫荽控表示滿意🤤除咗皮蛋同蜆肉之外 仲有啲豆腐同肉碎整體來講好足料 而且清清地又暖胃.🍅#豬頸肉蟹柳蕃茄湯紅薯寬粉 $57蕃茄湯底唔算濃郁 不過就係天然嘅蕃茄湯冇落任何茄汁同茄膏 味道清清地🍅豬頸肉醃得好好食 紅薯寬粉非常煙靭😂.♥️回頭度：9/ 10食物無乜味精 價錢又良心 值得再去…查看更多

豬頸肉茄湯米線 $58重包一個$8 ge 餸今次加咗"招牌雞肉"等咗一陣米線嚟了！呢種磁碗令人感覺乾淨茄湯清甜！豬頸肉&雞肉都浸湯，無另上，有少少可惜！招牌雞肉好驚喜，竟然係雞扒切件，我以為係雞絲！都好入味椒鹽豆腐$25勁好食！新鮮炸好似避風塘個種炒法好想打包d 炸蒜走…查看更多

最近發現屯門有一家餐廳個名好特別，好好笑，香港人先唸得出既名——姓膠煮麵.呢間咁趣緻的餐廳，由門口吸引到我入裡面，有隻超級愛睡的貓貓座陣，我開頭以為係cushion , 差點坐左落去🤪🐱，佢真係好鬼得意，成間餐廳生招牌咁，大家可以來探下佢😚呢間麵店真係好多款式野食選擇，粉麵飯之餘又有小食，連任食雞煲火鍋都有，任君選擇。今次就來試佢個任食雞煲火鍋，都係$168/一位，包飲品小食，真係好抵食。我們食完小食後，先試個雞煲，大大個雞煲上面放滿芫茜真係我大愛，雞煲小辣又香噴噴，超級惹味。食完雞煲就打邊爐啦，點了豬牛雞肉加菜同丸子樣樣有D, 而且全部都好新鮮，真係愈食愈開胃。最後發覺餐廳愈食愈多人，真係好受歡迎，大家下次來記得訂位啦。…查看更多

有個屯門友既皇上， 當日又係佢帶我去搵食啦😂， 今次帶我去間小店食雞煲🐓， 正呀😋。 雖然選擇唔算多， 但勝左好味道。（5⭐️最高）無骨雞煲-微辣（5⭐️）其實好正， 約一隻雞既份量， 但勝左無骨， 啖啖肉😋， 微辣我接受到😍。 打邊爐材料（5⭐️）有鴨血、墨魚丸、芝士丸、午餐肉、日本蟹柳、響鈴、魚皮餃同埋魚片頭。 每款食物咬口， 一D 都唔梅， 爽口、彈牙😙。 正呀❤️湯底、小食、飲品（5⭐️）我地選擇招牌蕃茄湯底， 仲有接近20款打邊爐選擇任叫😉；小食及飲品都係任叫。 飲品係即沖/即做， 不是紙包飲品， 可以叫小甜，小冰都ok☺️❤️小食我地叫炸司華力腸， 好味到停唔到口😙😙原來後尼發現， 仲可以外賣返屋企， 亦有即棄爐具， 好掂呀⋯⋯👍🏻…查看更多

平時都見間野吾多人架喇，一向食開隔離嗰間排晒隊既，今次決定試一試佢啦，點知就中晒伏，激動到要第一次寫食評。叫左一個手切肥牛煎蛋蕃茄湯飯，隻煎蛋連埋啲獲撈，好油咁放埋響湯入面。牛肉鞋口，但礙於係外賣尚可接受。另外有王牌肉燥豬頸肉飯，椒鹽豬頸肉飯同雙豬扒飯，啲豬全部乾爭爭，啲飯完全吾熱（蕃茄湯飯個飯分開上但係仲暖既）。仲有鍋仔壽喜燒烏冬，個壽喜燒湯冇甜味，吾知咩湯黎。好失望，冇下次。呢個價錢，咁既質素，我食隔離嗰間好好多。…查看更多

今日放假入左大西北搵朋友，有地膽帶路搵食無難度啦，原來屯門呢個華都商場入面有好多隱世高質餐廳，呢間叫「姓膠煮麵」既餐廳玩味感十足，除左推介湯粉麵之外，最吸引既係佢地既任食雞煲，可以自選辣度，有大辣、中辣同小辣，我同朋友唔太食得辣純粹過下口癮就揀左小辣，上到枱熱辣辣聞到好香，份量都唔少，雞件好入味而且嫩滑多汁，兩個人share一個雞煲都好足夠，最後加埋個烏冬，吸收哂湯底既精華，不得了甜品: 桃膠雪耳糖水見到隔離枱叫糖水好似幾正咁，同朋友一人一碗唔洗爭，超足料既糖水，大大粒桃膠，加埋雪耳同紅棗夠哂養顏，而且甜度適中，推介…查看更多

華都都一向都係屯門嘅美食集中地，入邊有唔少小店，今日比呢一間店名同裝修吸引咗，決定一試，味道都唔錯，我哋叫咗：日式壽喜燒+ 紅薯粉肥牛嫩滑，仲有大大塊豆腐、娃娃菜、洋蔥同獅子狗，營養均衡。配左紅薯粉，個質地幾特別，麵條比較闊和厚身，Q彈Q彈。姓膠雞煲+烏冬有分大、中、小辣，叫左小辣，但都好夠香辣味。雞件頗多且有肉地，把烏冬倒落去乾撈，非常惹味。炭燒皇牌豬頸肉豬頸肉外層燒得特別香口，做到外脆內軟。咬落爽口彈牙，好有驚喜，明白點解係王牌，超級讚！椒鹽豆腐豆腐脆皮佈滿椒鹽，令人越食越想食，$25嚟講，性價比好高！桃膠雪耳紅棗糖水清楚見到有幾舊好大塊嘅桃膠，仲有雪耳、紅棗，非常足料。味道清甜，感覺好滋潤，我喜歡！…查看更多

隔涉車仔麵黃店！從來未嚟過華都商場，想搵呢間黃店都花咗唔少時間，平日下午時間比較冷清。姓膠煮麵$45- 加$3要一杯平時凍飲size嘅熱檸水，都幾抵。我揀招牌番茄湯配生菜、雞翼。一上菜見到有好多菜同烏冬，雞翼就有兩隻，有啲雪藏味道。個人覺得番茄湯偏淡味，再多啲新鮮番茄提鮮會更加好，宜家冇酸酸甜甜開胃嘅感覺。朋友食米線配豆腐、雞肉都係超級大碗，差啲食唔晒，性價比其實都唔錯！:)…查看更多

[姓膠煮麵 屯門] 📍屯門屯利街1號華都商場1樓59-60號舖-作為屯門人，我平時間中都會喺屯門行吓睇吓有冇啲新開又未試過嘅鋪😂😂今次就嚟咗屯門市中心附近試吓～～-日式壽喜燒 $60有肥牛、獅子狗、雞蛋、娃娃菜、豆腐、洋蔥作為配料，大大碗多到食唔晒😂😂-椒鹽豆腐$25即叫即炸，超級香口！有超級多炸蒜，邪惡又滿足🔥🔥-炭燒皇牌豬頸肉$50份量多，兩個人食都冇問題，幾香口-黯然銷魂飯(叉燒煎雙蛋) $50 兩隻太陽蛋煎得好靚，有好多叉燒，撈埋飯一齊食真係一流-桃膠雪耳紅棗糖水 $28冰冰涼涼咁，滋潤又養顏～甜度適中，有好多桃膠同埋雪耳，夠曬足料…查看更多

喜歡吃湯粉麵，被這間小店的名字吸引了，而且食物價錢經濟，就來吃個晚餐吧！晚上8時來到，差不多滿座了，看來很受歡迎呢！這裡特別之處是有煲仔系列，不是飯，是小鍋的部隊鍋、壽喜燒，再自選粉麵，一鍋的吃夠過癮；也有碟頭飯，滿足無飯不歡的人；更有麻辣水煮牛肉，混合四川風味在餐廳；小食款式多，有麻辣涼拌的、炸的；飲品、糖水是大眾化口味，總有一款合心意。見到有推介麻辣水煮牛肉$60，我又垂涎三尺了，可自選粉麵，我配了米線。估不到是這麼的大碗哦！豆卜有四大粒，很有豆腐香，不是中空的更有咬口，吸收了麻辣湯味更香。肥牛多得鋪滿碗，米線份量也是吃過的店舖中最多的！還有很多芽菜墊底，吃得超滿足！辣度比其他店舖辣，覺得小辣已經是中辣程度，自信很能吃辣的人，才挑戰中辣吧。皇牌台式肉燥豬頸肉飯$52，肉燥非常多，味道特別濃和偏鹹的，肉碎是多得能完全拌勻白飯，用料十足。豬頸肉燒得乾身爽口，每片都長長的，愛吃肉的話，這碗飯絕對能滿足。小食價錢也不貴，原條司華力腸$17，最好是碎上，可以跟朋友一起分享，啖啖肉，炸過更香又爽口。炸饅頭三粒配煉奶$17，當飯後甜品也不錯，十分喜歡吃炸饅頭，不用到上海菜館也能吃到，而且價錢更便宜，炸得外脆內軟，水準正常。桃膠雪耳紅棗糖水，跟餐加$18，用料多，桃膠煮得夠透，口感滑滑的，糖水也清潤，覺得喝了很多骨膠原落肚，正！跟餐加$5飲凍檸茶，吃完濃味的和麻辣的，有糖水和凍檸茶去清新口腔，去除油膩，夠爽。其實吃自選粉麵，選擇湯底，配一款餸，都非常超值，$36元起，下次再來試試。…查看更多

食完返尋味！數月前光顧過「姓膠煮麵」後，愛上他們的出品，今晚再和好友來吃晚飯。「姓膠煮麵」位於華都商場1樓，下電梯之後向左轉直行就可以找到。這個是筆者的最愛組合，所以忍不住把它推薦給朋友。蕃茄湯底香甜，有淡淡的蕃茄洋蔥味，店主更強調湯底是新鮮熬煮，沒有加茄膏。皇牌豬頸肉固然美味，雞肉更是驚喜，厚切香口。無論米線抑或配餸份量都很多，相當抵食。第一次試他們的煲仔系列，部隊鍋分別有芝士、餐肉、魚腐和腸仔，配上自選麵底——烏冬。泡菜湯底入口有著韓式的酸辣，開胃惹味，私心想店主可以把這個設為米線湯底之一。雞翼炸香，外皮脆身，入口有微微的香茅味。蘸上泰式辣醬更加滋味。手拍青瓜份量好多，青瓜爽口夠入味。整體蒜味頗為濃郁，醬汁味道帶點酸辣感。超足料的自家煲糖水，有紅棗和大量桃膠、雪耳。桃膠處理得很乾淨，口感帶爽。再配上雪耳、紅棗，整碗糖水十分清甜。…查看更多