妹記大排檔

营业中

休息中

大排檔通常都是一大班朋友聚在一起食飯，人數不少。妹記定價不高，每款餸大概100，可惜份量偏小。每碟餸一上枱都令人感覺，細碟到嘩嘩聲，性價比低。不過，當日店內已經滿座，有不少顧客捧場。炸物非常出色，送啤酒一流椒鹽豆腐椒鹽鮮魷蠔仔煎餅西蘭花炒帶子，普通貨色。沙拉骨，排骨包裹著沙律醬，酸酸甜甜，頗開胃。啫啫雞煲，熱辣辣上枱，味道不錯。如果妹記在份量及定價作出適當的調整，一定有更多回頭客。而其實深水埗有很多大排檔，供大家選擇。

嘆住冷氣🌬️食大排檔，格局同普通大排檔一樣都係一張張圓枱🟤🔸原隻脆皮豬手 💲208 🔸黑椒薯仔牛柳粒 💲158🔸黃金蝦球 💲128🔸西蘭花炒帶子 💲108🔸大肚婆炒飯 💲98🔸沙嗲粉絲雞球煲 💲92🔸椒鹽九肚魚 💲92🔸鬼馬油炸鬼 💲88🔸咸魚茸飛天通菜煲 💲88🔸脆皮炸大腸 💲82🔸蠔仔煎餅 💲78🔸金沙卜卜脆(魚皮) 💲68👍🏻必叫 「招牌菜原隻炸豬手」豬皮炸到好脆，肉部份一啲都唔乾；「鬼馬油炸鬼」外香脆但完全唔油膩，入面係墨魚滑非常彈牙😋，配埋甜酸醬更加好食；「咸魚茸飛天通菜煲」味道香濃惹味好有鑊氣，通菜爽口新鮮😚；「脆皮炸大腸」外脆內嫩，保持到過往水準；「黃金蝦球」入面充滿蛋黃，而且蝦球非常彈牙；「沙嗲粉絲雞球煲」粉絲非常入味，雞球亦好嫩滑，送飯一流😍👎🏻「大肚婆炒飯」入面有蛋白、乾瑤柱、翠玉瓜，但飯唔夠乾太濕，而且薑味太重服務質素: 🌕🌕🌕🌑🌑回頭率: 🌕🌕🌕🌕🌑

又到放工同同事聚會時間，今次終於唔係去食泰國嘢啦。今次呢就去旺角嗰邊啦近油麻地嘅大排檔食，但係呢就唔係喺街邊食喎，而係上樓食有冷氣涼住嘅。講返個環境啦，同大排檔嘅形式就真係一樣嘅圓枱嚟嘅，都係啲正常大排檔格局咁，所以都係複製返成個大排檔嘅樣貌喺度啦，只不過呢就係變咗上樓舖，有冷氣咁樣。今次呢就食返平時大排檔食嘅嘢，有乾炒牛河、炸墨魚咀、啫啫通菜、牛柳粒和炸豬手。乾炒牛河呢就普普通通，碟底算小油，牛肉都係冇乜味個炸墨魚嘴就大大粒，不過炸漿唔厚，而且咬落有咀嚼口感。 牛柳粒就麻麻地，肉好韌，薯仔就都唔錯通菜就正正常常水準。反而個炸豬手就ok，我幾欣賞，佢面皮就鬆脆，但切開裡面肉質依然juicy今次餐飯就冇乜特別驚喜，只是不用熱住食排檔咁解。

大排檔係香港嘅一個獨特飲食文化，而呢間大排檔絕對係一個令人回味無窮嘅好去處。佢哋嘅菜式豐富多樣，有燒味、海鮮、炒飯、炒麵等等，每一款都有佢獨特嘅風味。而且，餐廳嘅菜式份量十足，價錢又實惠，非常適合一班朋友一齊去食。如果你鍾意燒味，餐廳嘅叉燒、燒鵝、燒鴨等等都係非常出色，肉質鮮嫩、味道豐富。如果你鍾意海鮮，餐廳嘅煮蝦同煮蟹都係非常新鮮美味，令你嘅味蕾大開。餐廳嘅環境非常熱鬧，氣氛好舒適，讓你可以盡情享受香港大排檔嘅風情。最後，餐廳嘅服務快捷好貼心，令你用餐嘅過程更加順暢。總之，呢間大排檔係一個非常值得一試嘅好去處，如果你想體驗香港嘅美食文化，一定要嚟試下佢哋嘅菜式！

同好耐無見既妹妹們食飯 ，話食大排檔，選左係佢地既旺角妹仔記。🥬飛天通菜煲夠鑊氣，d通菜口感爽口，有蒜香加少少辣香吊下味，但唔會好濃同咸～好食🐙椒鹽八爪魚咀八爪魚咀炸得外面脆得來入面有咬口，好有椒鹽味，熱辣辣好好食🐔雞肉粉絲金菇煲D雞肉都好滑喎，d汁既味道調得啱啱好，轉頭同辣味好香好口又唔會鹹~~🐮黑椒薯仔牛柳粒先炸過既薯仔再同牛柳粒一齊炒，食落有咬口又唔會太淋。牛柳粒份量都好多，一d都唔韌，啖啖肉黑椒味好入味~有d伙記唔識聽廣東話，同個環境真係幾嘈，想傾下計會難d，好難聽到對面嘅朋友講咩。不過d野食就真係幾好食～😊

講到香港大排檔又點可以唔食妹記。其實今次已經係我唔知第幾次食妹記啦，經常朋友聚會，一大堆人都會選擇妹記大件夾抵食。真係合埋眼都知道要order咩野食。1.黃金炸豆腐：呢個送真係超級驚喜，外脆內嫩，而且被椒鹽包圍，一大兜一粒一粒好快食完，加上啤酒，真係好享受。2.薯仔牛柳粒：薯仔係預先炸過然後再炒，所以食落去特別香口，唔會太淋。不過就因為咁有小小太油，可以留意番。牛柳粒份量好多，啖啖肉，而且唔韌，好juicy3.黃金鮮魷：呢個黃金鮮魷一上桌就好大陣鹹蛋黃味，超級超級香！鹹蛋黃起沙，炸到好脆，好滿足！見到好多人都有叫呢道送，真係必食4.另外仲叫左通菜煲，鬼馬油炸鬼。不過不失，鬼馬油炸鬼可能唔係即炸，上桌已經有d凍，影響左口感。小小失望整體來說呢間大排檔個菜式多，味道有驚喜，而且價錢唔貴，份量足。而且氣氛很好，值得推介和朋友一起聚會食！

服務差態度差到冇朋友，重點係每一個都差，嘢食好唔好食已經唔係重點⋯⋯我個人就食唔出咩味，好迫、好噪，差！仲要亂收費放咗蛋糕唔切都要收錢😫咁嘅食市完全影響香港🇭🇰

朋友話好耐冇見，要食大排檔，揀了妹記，佢話可以飲下啤酒吹下水，第一次食呢間，環境真係好嘈，大家傾計都要大聲啲！不過坐得唔迫，還可以啦！蠔仔粥 | $128蠔仔味道唔會好鹹，配埋胡椒粉一齊食辣辣地，都幾好味，可惜蠔仔份量少滑蛋蝦仁 | $75蛋滑，蝦算大隻和新鮮，而且爽口，唔錯生菜包 |  $88 肉碎味道帶點辣，超重花生味，連埋生菜一起食，好有口感椒鹽八爪魚咀 | $85八爪魚咀幾大粒，熱辣辣炸得剛好，配埋椒鹽調味，這個好快就KO了椒鹽豆腐 | $68豆腐炸到金黃色，外皮夠脆，豆腐嫩滑，食完這2個椒鹽菜，即刻叫了藍妹啤酒清熱😆

嗱！老實講一句啦。黎到煙火旺盛嘅妹記大排檔，果真人山人海。熱鬧，旺場，有feel！- 飛天通菜煲。口感爽口，香氣撲鼻，辣味十足，必試項目。蠔餅口感香脆，外層酥脆，内裡軟嫩，蠔仔鮮美，真心抗拒唔到。點埋辣椒醬一個字：正。炸大腸幾好味，外酥裏嫩，脆香可口。- 啫啫雞煲，濃郁嘅香辣味道，入口有種熱辣刺激嘅感覺，佢嘅湯汁亦都好濃稠，雞肉肉質鮮嫩，搭配個通菜，一啖肉一啖菜，口感超級丰富。

價錢偏貴，地方狹窄，而且開了很多大枱，坐的空間有限的；而且在密封的大排檔，聲音非常嘈雜，完全聽不到同座的人在說什麼，不見得是一個享受食物的地方。唯一可取的是雞，雞肉鮮嫩，而且能保持肉質很滑。

兩年無黎，無諗過今次難食成咁。啲野無鑊起到算，仲要食材勁怪。特別係個蠔餅，粉餅….口感極怪。沙嗲牛肉粉絲煲，一般茶餐廳質素仲好過佢。豉油王炒麵，食得鹹嘅朋友都話鹹喊到不得了，無下次了…

啲人吹到誇張左本身聽人講話好好食，排左9個字先入座嗌左4碟餸，張枱細到就擺唔落嚟到見到啲餸已經唔係好食既樣第一碟上左個蝶餅第一啖咬完即刻知道伏左蠔餅勁鹹勁硬落到勁重椒鹽⋯⋯飲左2杯水都唔掂第二碟上豉椒炒蜆豉椒炒蜆全部都係殼，一碟得9粒肉不過冇食到沙，同埋係大隻既蜆但係3個人每人得3粒，飯都未嚟就得番啲殼第三碟黃金蝦球睇落好靚好大隻但一咬落去個蝦球勁厚粉，勁膩食完一舊已經唔想再食最後黑椒牛柳粒啲牛好硬，個芡好杰，薯仔勁乾，唔似炒出嚟，似係就咁淋啲汁上去重點係連啲白飯勁硬勁乾！！！真係好X難食！！！！！！

好耐冇去過妹記食嘢，同埋以前食開尖沙咀嗰間～～昨晚去完朋友屋企傾咗幾個鐘之後，佢哋睇電影之前大家再食個快飯～店內十分熱鬧，但係店員招呼都OK叫咗安格斯牛柳粒，牛柳粒同薯仔都好食牛肉熟度剛剛好。另外就係南乳骨👍🏻👍🏻 好好味，但係骨多肉比較少。希望呢一方面可以改善一下🙏🏻醬汁就冇乜特別，都冇乜配醬汁食。另外嗌咗個海鮮雜菜煲，多菜，海鮮份量一般。三個人，三個菜式嗌埋白飯分量剛剛好。不過如果同以前諾士佛台嗰邊嗰間比較，食物質素都真係遜色左不少。不過服務都唔錯，都有細心舉動。同埋我哋剛剛喺樓下另一間遇到好惡嘅叔叔😹希望過多一排會有好的新景象💪🏻

💥有冷氣既大排檔📍妹記大排檔｜旺角📍人均消費 $ 1 X X#CL旺角 #CL四圍食 #CL中餐⚪️⚪️⚪️⚪️⚪️⚪️⚪️⚪️⚪️⚪️好熱鬧呀！直頭係坐無虛席，好多人黎食團年飯🔅終於黎到見識戰鬥碗既風采😗除左影相有型📸️原來隻碗係雪到凍冰冰，飲啤酒一流🍻💟 薑蔥魚腩煲 $ 9 8舊舊都好大舊😆外脆內軟，屋企好難整到咁，值得一試🤗💟 豉椒炒蟶子 $ 1 3 8呢個就比較細碟～可能蟶子比較貴啦🤔蟶子無沙煮得岩岩好唔會過銀🫶🏻💟 飛天通菜煲 $ 8 8大大煲通菜，齒間會食到咸魚既香味，有少少辣，跟著就會一啖接一啖係咁食😂🤟🏻不負責任點評好味道🌕🌕🌕🌕🌕🌕🌕🌑🌑🌑性價比🌕🌕🌕🌕🌕🌕🌕🌘🌑🌑回頭率🌕🌕🌕🌕🌕🌕🌖🌑🌑🌑（十粒為滿分）

今日係旺角妹記度食薯仔安格斯牛柳粒同埋煎蠔餅，足料既大排檔既風味，薯仔炸完表皮，外脆內熱，加上牛柳粒既黑椒汁，又香又脆十分合襯；而蠔餅大大塊，表皮脆脆地，唔會成口麵粉，蠔仔又唔大陣腥味，值得推介。