影片
去蒲台岛之前其实已经search定食边间，但系我哋三个女仔，一落船已经冇晒方向😂我哋喺门口望吓望吓，因为唔系我哋谂住食𠮶间，但婆婆好热情，我哋唔好意思推就入咗去喇，哗讲环境其实真系唔得，佢系一间烂咗嘅屋，摆几张枱同凳喺度😆不过就可以望海，我哋分别叫咗餐肉蛋同埋肠仔蛋，分别里面都有紫菜嘅，唔知系咪因为我哋好肚饿，又可以望住个海嘅关系，一碗非常简单嘅餐蛋面，我觉得好好味🤣面嘅软硬度适中，紫菜好好食，好似话系蒲台岛嘅特产
继续阅读
前排同朋友一齐黎蒲台岛行山系回程嘅时候见到「妹记士多」黎蒲台岛必食嘅紫菜一丁面于是同朋友黎食左呢间。 对比人多热闹嘅其他舖头我更倾向于呢间，人都相对少啲。虽然舖头得婆婆一个人打理，煮面原来都有讲究。佢同我地讲有啲客人话求其煮食饱就好啦，婆婆话：你话我知点样求其煮，系佢嘅话语中我就知道就算系一碗面佢都会用心去做好，整得好食，唔会随便。婆婆婆系一个好有人情味嘅人，系赚钱呢一方面佢同我一样有就做多啲冇就做少啲。确实，同婆婆倾完之后食佢煮嘅面更多的是充满人情味，面煮得好爽口汤底热辣辣连煎蛋同肠仔都系即整嘅。行完山坐低黎食系度只得我同朋友两人望住个海景日落🌄安静且治愈最后饮完支冰冰凉凉酸甜可口嘅酸梅汤吿一段落。
继续阅读
第一次嚟蒲台岛我谂系五六年前𠮶阵去之前做功课时发现婆婆受访嘅片段所以就去帮衬咗差唔多每年去玩都会返去帮衬虽然唔认得 每次婆婆都会好nice咁招呼我地同坐低同我地倾下计（佢好精灵好好吹）明明普通嘅餐蛋一丁，唔知点解都觉得特别好味可能就系食开有感情有紫菜（预设有，唔食同婆婆讲定），有仲条菜，午餐肉脆面嘅，其实都无得挑剔啦但系婆婆间铺唔系咁明显，出码头左转大约十米，得个细牌仔同埋无装修，会以为系普通烂屋，有时佢都会行开行埋唔系度，如果见到佢唔系度可以入去直接坐低等佢返嚟都ok等船前食少少嘢休息下再买埋手信一流，而手信呢就比隔篱十零米铺头平，应该都系同个货源
继续阅读
婆婆整嘅食物真系好有人情味，好温馨。无论系紫菜餐蛋面定系绿豆沙糖水，都载满暖暖嘅感情。尤其是酸梅汤，超水准，咁大个人，第一次饮到咁好味嘅酸梅汤婆婆系一个好健谈嘅人，同佢讲嘢真系好有话题性，你真系会用心微笑
继续阅读
行完全日行到好攰好辛苦。落到码头船又未到。见倒妹记就入去叫碗海带绿豆沙食啦。话晒海带系蒲台岛好似好出名咁。入左去间屋仔，其实入面都好大下。碗绿豆沙几好食，行完山食真系不得了。仲要婆婆好好倾，同我地讲下岛上面嘅野。大家去支持下婆婆啦
继续阅读