影片
比完钱，女职员叫我：你行埋一边啦！（已经喺店外，无阻佢收钱！）外卖12:39落单，1:12先拎到！！！掉个饭出嚟！我见到个女职员系好忙，所以无催促过，不过都接受唔到咁差嘅服务！ 其他比钱要扫Payme, 佢都系：你扫咗code比咗钱我先同你落单！总结：真系好忙！厨房得一个男人！楼面一个女嘅做晒！做唔切咪截单啰！好少见到由头至尾都咁差嘅服务！！！！第一次忍唔住要写食评！！！！赶时间千祈唔好落单！！！！！！！！！
继续阅读
本身谂住叫碗药膳排骨汤面，以为正正常常。点知，闻落去系有香气，但食落啲汤系完全无味，耐一刻怀疑自己系即时中左Covid ，失去左味觉；好难想像如果最初选配白饭会几惨不忍睹。如果这叫特色，只能怪我唔识欣赏。
继续阅读
中午经过入去点左碗招牌药膳猪肚鸡汤面，碗面个汤底果然唔错，饮得出好够鸡肉味同埋药材味都好夹，饮落口几舒服，而且份量也可以，有5件鸡、猪肚云耳党参，，大大碗都几抵食
继续阅读
第一次喺OpenRice 写食评，真系唔写唔安乐超级难食！见到佢环境好好睇睇，望到有几款养生汤，咁啱经过就入去试下试咗个蒜香炒带子西兰花饭，谂住都实冇死啦挂，一嚟到就咁睇都正正常常一食嚿西兰花，痴线，劲硬！系要用虎牙咬先咬得入，同埋完全冇炒过！系因为，点会有炒嘅嘢系碟上有豉油？根本就系白灼加垃圾豉油，再系咁意加几滴油咁啲豉油系似茶楼白灼菜𠮶啲hea嘅甜豉油！仲有，菜名话有蒜蓉，我半粒蒜都见唔到！食半啖已经好嬲，到试下啖椰子乌鸡汤，…….我真系失望到冇嘢好讲，得味精味同少少椰子味，一嚿螺片都冇，就系茶记嘅例水咁（但佢单售要$60😑😑😑）带子，食落去又系腥食咗一两啖，本身都唔想浪费食物，打算外卖带返屋企自己再炒下佢，但再比自己试下第二嚿西兰花，真系顶唔顺草青味，呕返哂出嚟然后就成碟放弃起身走人世纪级厌恶！系令人食到心情好差，咁就$80学咩人开餐厅？
继续阅读
本身谂住去格离食野点知要等位，无意中见到主打健康既药膳猪肚鸡汤面特价$49配花茶，加$20仲有无味精汤水，所以就试下。因为都晏食饭，好多汤都卖晒，最后试左店员推荐既汤水。店内人手唔够，全部位置走晒都未执枱，店员都系见边度有客人坐先执。食物整体都满意，尤其系猪肚鸡面算系好抵食，个药膳汤底都算唔错，我最后饮晒。加$20既汤有个锅仔装住保温几好，但净汤无乜汤料（我果碗得几片姜😅）因为盖无隔热一打开果下好烫手，大家打开时都记得要小心。
继续阅读