如粵滬中菜廳 (已結業)

在漫長的投疫下，想去飲茶，又想乾淨啲，去酒店食，也可能係選擇之一。如粵本身的大堂不算太大，裝修雅緻。在疫情下，把旁邊的宴會廳改為飲茶食飯的地方，勝在地方大，可以放很多枱，又可以分隔得一個合適的社交距離。在疫情下，我們已經多次到訪。今次四個人叫了如心鮮蝦餃皇$52；豉汁蒸肉排$38；山竹牛肉球$42；金菇牛肉腸粉$48；九黃鮮蝦腸粉$48；鳯城蝦多士$78；芥未魷魚鬚$72；白灼唐生菜$60；魚湯野菌浸青瓜$60；干炒榖飼牛河粉$168。酒店的水準，四平八穩，勝在乾淨企理，味道穩定！揸車仲可以放在酒店門口添！😏🤗…查看更多

周末荃灣區街上車水馬龍，人頭湧湧，想和女朋友找一個比較寧靜的地方用餐，然後之前看到有關酒店中式點心的優惠報導，就決定到如心酒店的「如粵滬中菜廳」試試。內部裝潢主要走中式時尚風，牆上有不少工藝品，座位安排也有一定的距離，環境典雅舒適，服務人員態度友善殷勤。由於現在的「精選點心優惠」每款只須HK$38﹗食物方面整體符合酒店級的水準，還是十分划算的。這次我點了烏魚子熏蛋、蝦餃皇、芝心蝦春卷、山竹牛肉球、帶子海鮮餃、楊枝甘露和馬拉糕。特別推薦以溏心蛋、普洱茶熏製的烏魚子熏蛋，有興趣的朋友不妨去一嚐。…查看更多

本身8月尾訂了荃灣如心海景酒店 2日1夜，但疫情關係酒店主動提出取消booking，見如粵滬中菜廳新推出外賣餐飲服務，叫主餐單有7折，我就選左4人套餐$648➕片皮鴨2食，只要半小時前order就取得了。主菜+湯+白飯+湯+是日湯水+ 金銀花雪梨茶🥘片皮鴨又係屋企食片皮鴨，鴨每片有光澤，肉嫩，兩食係鴨肉碎配生菜。🍲天麻杞子魚頭窩（加$50升級）見到材料多，重藥材味。🍛至尊蜜味叉燒（加$50升級）肉質嫩唔靭，肥瘦分明，甜甜帶點焦香。🍤黑松露千島汁蝦球千島醬蝦球酸酸甜甜，越食越胃口，再加上黑松露醬，蝦球爽口彈牙。🧆鮮山葯咕嚕肉雖然唔係花巧野，但甜酸度適中，菠蘿轉用山藥健康又好味。…查看更多

疫情大家都留家，屋企玩左兩日煮飯仔，今日想懒下，見如心海景酒店粵滬中菜廳，新推出外 賣自取服務，若是點選主餐牌，還有7折優惠。不過今次點的是四人餐$648都好優惠，由我在網 上睇餐牌點了四人餐落單開始，半個鐘就可以自取，真是好快。不過住荃灣啲朋友仲正，酒店 有提供外賣直送到荃灣區多達10個屋苑，不過我外賣自取都好方便，真是安在家中都可以品嘗 酒店級的美食，今餐大家都食到好滿足呀!  爽口彈牙黑松露千島汁蝦球，吃時加埋黑松露真是寧舍鮮甜，好味。 黑椒汁煎牛仔骨，肉味香濃，又軟腍，好滋味。 皮脆肉嫩紅酒脆皮牛腩 加$50就可以升級選至尊蜜味叉燒 唔到在家都可以食到片皮鴨 片皮鴨二食炒鴨鬆配埋生菜 加$88就可以升級如心食神飯 陳皮紅豆沙湯丸 外賣自取四人套餐 $648 每位奉送四碗如心潤肺保健湯或羮、四款小菜、金銀花雪梨茶、絲苗白飯及是日糖水  四人套餐加港式片皮鴨五大袋喔！要訂？電話：2280 2923或https://www.lhotelgroup.com/tc/hotel/lhotel-nina/Offers/Take-Home-Gourmet…查看更多

話說局長見到荃灣嗰間如心酒店出咗食住玩套票係非常之抵咁唔使$1000有一間海景房連埋兩人中菜館晚餐為食嘅局長就決定去幫襯去唔到旅行就着下酒店扮自己去咗啦咁佢呢一個晚餐就包左六七道菜首先第一份係一個中湯味道都幾好幾清甜佢個湯係用茶壺裝住入面都有好多湯料用茶壺裝住你就到啲湯出嚟可以淨係飲湯唔使食到湯渣因為未必個個都鍾意食煲完湯嘅材料但局長就照食晒 佢個湯嘅材料係瘦肉雞腳花螺味道都幾清甜同埋個湯好熱非常之啱飲之後就上咗鮑魚 都唔期望有幾大隻但嚟到睇落又覺得還好唔算細鮑魚扣得好腍好入味 而且個汁都唔錯如果有個飯我會拎埋啲汁撈飯另外嗰個小棠菜其實都幾爽甜食完鮑魚就上咗海參海參嘅size就不過不失啦都幾爽口嘅亦都比我想像中入味得多 質素都唔差食完海參就上咗佢哋嘅一個蒜香骨但係一樣只係得兩舊定三舊味道係好但份量太少感覺唔太夠喉其實豬肉都唔係啲咩好名貴嘅食材我覺得比多兩三舊都唔會話成本差太遠食完蒜香骨就上咗一個蝦醬炒通菜炒得幾香口 通才唔會太老亦都翠綠 中上之作然後就會係一個蛋白炒飯用砂鍋嚟裝住 就唔知係咪用砂鍋炒啦但都炒得粒粒分明 味道係唔錯嘅然後就想甜品啦就係佢哋招牌嘅蝴蝶酥同埋一份馬豆糕食完個蝴蝶酥都明白點解係佢嘅招牌 真係唔錯馬豆糕就正常酒店中菜廳嘅水準啦跟住仲有個合桃糊 都幾好味總結來講成個用餐體驗唔錯啲侍應都好好禮貌好好服務以咁嘅價錢食到咁嘅質素我覺得係幾好嘅值得推介大家…查看更多

西班牙黑毛豬叉燒 + 日本雞蛋 + 日本珍珠米 + 秘製甜醬油 = 美味 • 食神叉燒飯 🍚 超推介大家來吃這裏酒店中菜廳吃食神叉燒飯，大大碗$98，有四塊超厚切叉燒，日本荷包蛋可以request燶邊，師傅仲同我哋透露，秘製甜醬用了多種蔬菜煮成的上湯做膽，再加頭抽及冰糖，味道才會這般濃厚。食神叉燒飯午市及晚市都有供應，恆生匯豐中銀信用卡都有9折！另外也超級推介大家吃這裏的片皮鴨，皮脆肉嫩，也非常有水準，絕對係冠絕荃灣區。…查看更多

因為要叫2個$168套餐, 所以我哋要揀4個點心: 蝦餃皇、蒸排骨、腐皮卷(非常油浸, 剪開了有大量油漏出)叉燒包, 點心比較一般湯羮就揀咗老火湯(西洋菜鹹腎)夠火侯; 酸辣羮足料不過辣不過酸小菜: 竹笙扒如意淡而無味; 燒汁銀鱈魚處理得味道剛剛好最後2個炒飯其實已經食唔落要打包回家, 不過見到炒得幾乾身…查看更多

餸菜份量少得可憐， 味道只算剛剛合格！生菜包只俾6塊生菜，我們一行六人， 如每人再包2塊， 要另外買多兩碟生菜(每碟6塊葉) 菜式選擇不多，價錢偏貴。但品質絕對唔值個別員工態度好差， 絕不會再嚟…查看更多

讚1. 以母親節黎計，服務叫幾好，雖然埋單超耐，但整體黎講，都係一叫就有人理彈1. 野食全軍覆沒，沙薑雞幾乎得雞胸，好鞋口，份量都都無可能係半隻，無沙薑味，係咬到沙薑但無味；銀鱈魚既汁係甜身偏黏口果種，同多油既銀鱈魚唔夾…查看更多

本身都知道母親節難定位需預早一日落咗訂叫咗個餐 諗住酒店搞開大型宴會都應該會有準備應該唔會太過差去到發現係大宴會廳咁都諗住係食套餐嘅本身期望都唔會太高不過最緊要快同埋有得食開始上咗個頭盤都好快諗住都穩陣結果一個鐘頭後忽然間第二樣嘢係個豉油雞見到身邊嘅嘅客人都係啲嘢亂咁上反而我另外散叫嘅嘢就好快到咗我諗個酒店嘅管理廚房都有啲亂都好有耐性咁繼續等落去 期間有禮貌地問咗幾次結果係兩個鐘頭後其他嘢都係未到之後嘅嘢食質素就好明顯係求其炒埋一碟真係一個母親節其實見到都未坐滿都已經咁如果你去婚宴其他酒席更加不堪設想啦真心失望…查看更多

母親節同家人飲茶揀左如心酒店中菜廳諗住食好啲 點知食到一肚火.首先入座餐具少一份 叫左兩次先拎齊餐具清潔一般 要自己再洗先乾淨貼心紙又冇 要叫人先拎黎.12:45 入座1:00 落單 1:30 半小時後 終於上第一碟食物2:00 仲有一半食物未到 同經理反映 佢仲話落得單嘅一定唔會漏單 叫我哋耐心等待下 2:30 一個半鐘前叫嘅馬拉糕仲未到 我哋決定唔再等 賣單簽卡2:45 等左15分鐘先拎到張單嚟 點知比我發現碌錯咗隔離張枱 佢再走去void單3:00 再等15分鐘 佢話搵唔到我哋張單 又要再等3:15 終於可以走人.冇諗過一間大酒店服務態度同專業程度可以差到咁 速度慢樣樣野都冇 要三催四請漏單唔認錯 然後碌錯檯低級錯誤食到兩老都唔耐煩😡.隔離檯仲激動到搵經理拍晒檯咁鬧我心諗：「老兄 你說出我心底話」..食物方面 大致都只算還好 只有幾款算中上水評.箭豬炸奶皇包 基本上係炸饅頭加奶皇包 幾有心思外 食落口感微脆 加埋入面甜甜嘅奶黃 有種幸福嘅味道.西班牙黑毛豬叉燒調味剛剛好 肉質軟熟 的確好食但以$268黎講 驚喜程度一般.砂鍋海鮮炒飯感覺似係炒完再放入個鍋度但算係炒得乾身 份量都幾多.蝦餃算係皮薄餡靚總結服務態度不知所謂 唔會有下次…查看更多

乘著院長的生日臨近皆因未能大事慶祝唯有人少少4個吃頓豐富午餐，有超優惠半價片皮鴨關係選到L'hotel Nina et Convention Centre內的如粵滬中菜廳。 甫坐下服務員送來潤肺雪梨飲，好濃郁兼味道香甜夠滋潤正喔！ 先來一客前菜三拼有烏魚子燻蛋、蝦多士、紅菜頭餃，一客有齊香、脆、爽三種口感好令人滿足！ 紅菜頭餃皮爽內脆味道還很清新，而蝦多士則香脆不油還有爽甜的蝦肉好香口惹味。 最後還有弄得盪漾誘人的烏魚子燻蛋，煙燻味挺濃加上好質感不失為隻好蛋，如能重口味點相信更合我口胃！ 只需以＄198的勁優惠半價便可享原價＄488的港式片皮烤鴨一食，想豐富點兩食只須加多＄100便可，而不想吃烤鴨的其實也有特價清蒸海星斑＄398(原價＄608)，另外還有小菜自選組合均以低至5折優惠價顧客真心抵吃。 港式片皮烤鴨原隻配上青瓜、京蔥絲及烤鴨醬和麼麼皮上檯，就算半價亦絕沒半點欺場！ 服務員三兩下手勢便將烤鴨片好一大碟件件也工整靚仔，以軟熟的麼麼皮包裹著青瓜、京蔥絲再沾烤鴨醬，那油香豐腴那味道總是教人歡喜莫明！ 嘆過美味的片皮鴨來一盅南杏金銀菜煲唐排白肺湯潤澤一番，再繼續努力吃餘下之美食！！ 這刻傳來一陣惹味的香氣！原來是熱騰騰的啫啫蝦乾蝦膏唐生菜煲＄138，全用上生菜膽來炮製還有不少金鈎在內吃下嫩口又惹味。 主食我們一人一碗如心食神飯＄98，用西班牙黑豚來烤製的叉燒吃下口感軟富彈性，而荷包蛋和米粒亦用上日本貨，配合師傅特製的醬油吃真的十分黯然消魂喔！ 我們還有椰皇蘆薈鮮奶燉蛋白＄78作飯後甜品，燉蛋白蒸至滑溜勝雪香甜不膩，加上蘆薈的爽滑口感更有層次好味又滋潤。 最後當然少不了壽桃出場為壽星女慶生，祝院長身體健康、心想事成、永遠都咁青春美麗！！  …查看更多

尋晚講完香格里拉嘅酒店優惠，今日又講下啲遠少少嘅酒店。荃灣如心海景酒店的如粵滬中菜廳都食過一次，知道佢推出點心優惠，當中40款手工點心，每款均一價$36，同逸東軒，唐人館，龍逸軒爭一日之長短。當然有人會話唔同level酒店餐廳但係同價錢，咁唔著數？但係呢度嘅優惠係星期一至星期日，對於我們這些朝九晚五嘅人，應該最啱。酒店中菜廳，質素好難好差，剩係食過晚飯，但係未飲過茶，星期六日的下午去就最好。即叫即蒸永遠係點心嘅最大賣點，呢度當然係即叫即整，而且40款手工點心範圍非常廣闊，普通必點嘅又有，特別嘅又有，覆蓋範圍非常廣，包所有人都會啱食。呢個點心優惠推廣期由即日直至4月30日，只限午市，另外加一及茶芥當然也有，但呢度嘅好處係人冇咁多，而且泊車方便，最重要係假期都提供。蝦餃、燒賣呢啲咁嘅家常便飯當然一定有，感覺紮實，雖然冇乜花巧驚喜，但沒有令人失望。最誠意推介的是烏魚子燻蛋，溏心熏蛋用上泰國蛋，加上了濃郁嘅普洱茶薰過後，入口蛋黃已經爆發，仲夾雜着煙薰的香氣，而烏魚子的鹹鮮，令整個蛋的味道更加突出，是必點的餐前小食。空心煎堆仔夠香口，一啖一口，就是叫人少食多滋味的感覺。朋友點的蘿蔔絲酥餅，不嬲都唔係我杯茶，不過太太說非常好食，愛好此道者可以一叫。上素粉果和炸芋角也不太是我愛的，但我都有食，又不錯啊，粉果加上呢度嘅辣醬，表現更好。唔知點解呢度嘅春卷同喺逸東軒食到嘅差唔多一樣，味道也差不多，足見呢度嘅點心師傅功力也不錯。帶子羊肚菌紅菜頭餃，又係另一個特別要點嘅點心，用上帶子和羊肚菌又有紅菜頭，無論外表內涵都更勝一籌，最重要係好食，呢個放入口立刻滿口菌嘅香氣，加上蟹子點睛，更出色。牛肉腸粉尚算中上，以這價錢來講可以接受，但不是吃完會有特別感覺的一個點心。最後必推的是箭豬奶皇包，大概看到這個你就會想起澳門葡京嘅8餐廳，而家去唔到澳門就係最好嘅安慰。淨係睇點心師傅將呢個包整成箭豬般就已經好考功夫，外表炸得脆，又不會過甜。最後點了一個甜品，栗子蓉西米焗布甸出奇地精彩，好食到最後一人會吃到一個，你就知幾受歡迎。另外有一位就唔叫布甸 ，反而話楊枝甘露，無他，百貨百客。又係食到捧住個肚走都係百鬆啲，點心抗疫呢個風潮會幾耐？如粵滬中菜廳 地址：荃灣楊屋道8號 如心海景酒店暨會議中心7樓如粵滬中菜廳 地址：荃灣楊屋道8號 如心海景酒店暨會議中心7樓…查看更多

點心戰幔打開後，真係如雨後春筍，雖然新措施下4人一檯，未必可以柴娃娃一大班人食飯，但細細地3，4位朋友傾下計，未嘗不是優點。近日荃灣如心酒店就推出「精選點心優惠」，共40款點心，每款只不過$36，以酒店中菜廳質素，衛生條件當然較好，亦能切實執行1.5米空間。指定動作，每張餐桌都預先放上消毒酒精，亦有獨立消毒酒精紙巾，用餐前清潔一下是常識吧！望望點心紙，正面是特價點心，而背面是不同價錢的單點點心，正所謂豐儉由人。如心蝦餃皇包得比較特別，餃子比較長身，但粉皮搓得滿有彈性，亦能透出蝦肉色，味道清爽彈牙，押上了店名果然有水準。霸王蒸燒賣叫得霸王，可以的話應該再大粒些少，質地不會過於結實，還是可以的。鮮蝦菜苗餃帶菜蔬的清香，刴得亦夠細碎，不錯。帶子羊肚菌紅菜頭餃 是餐廳自家研發的點心，餃子皮下透出嫣紅的色澤，咬落有點QQ的感覺，內裡是幼嫩的帶子肉，帶點羊肚菌的幽香，好特別，值得一試。烏魚子燻蛋有燻蛋毫不出奇，但加上烏魚子即時變得矜貴了，整隻半開蛋帶煙燻香氣，流心蛋黃口感豐腴，正。至尊叉燒腸最怕腸粉皮又厚又死實，今次望見已知對辦，腸粉皮既薄且滑，叉燒是自家出品，有些少肥肉，味道更香甜，醬油經調較過，咸度稍降，吃得更健康。箭豬奶黃包賣相萌到爆，外層炸得卜卜脆，內裡餡料既流心又超熱，一不留神，就給燙痛了舌頭。空心煎堆仔基本工紮實，芝麻分佈平均，幾脆口。如心蝦春卷炸得色澤淡雅，並非用上千年油，非常討好，香脆可以，或者蘸點不用陳醋，改用沙律醬會更好。蜂巢炸芋角外層酥化香口，油溫的拿捏好。蘿蔔絲酥餅層層疊疊的外型，入口同樣的鬆化，蘿蔔絲切得幼細。楊枝甘露芒果出奇地多，真係好啱我，喜歡楊枝甘露的朋友絕對不會失望。紫薯蓉焗布甸另一款甜品令人勾起北角另一間老牌酒家的名物，表層用火槍炙至微焦，饀料軟稔可口，難得是甜度不太高，好味。整體而言是有質素，但在點心戰國時代下，難免有所比較，但以同區缺乏競爭對手而言，未嘗不能殺出血路。 …查看更多

逢星期日都會同屋企人飲茶，咁啱今日要去荃灣海之戀個商場行街，於是就要搵啲地方可以坐下又可以慢慢食嘢。呢排好多酒店都推出唔同嘅優惠套餐，同長輩們食飯始終都係飲茶食點心比較適合。之前喺一啲討論區見到如心酒店推出飲茶優惠，每一籠點心均一價都係30幾蚊，同佐敦逸東軒嗰個優惠差唔多，好抵食！不過呢個優惠比較好嘅原因，就係呢度嘅優惠竟然係星期一至星期日都有！最啱一家大細週末出巡嘅時候可以一家人喺酒店經濟飲茶！蝦餃、燒賣、叉燒腸、煙燻蛋、鳳尾餃...... 全部點心品質都非常之優秀，絕不欺場，唔會話因為價錢平左就畀啲質素冇咁好嘅食品客人。而且呢度招呼周到，每台都會送酒精搓手液一支，喺呢段非常時期，小小舉措已經顯得特別貼心。…查看更多