影片
香浓枸杞猪杂汤（八刀汤），猪杂切得偏薄，可能易煮得淋或者易煮得出味，猪膶，猪心，猪腰，瘦肉全部都煮得岩岩好，食落去感觉系新鲜肉食，唔似雪藏，好食，啖汤好浓，枸杞煮得岩岩好，再加上重胡椒及姜既味道，几样食材加埋未嚟食果阵以为又系扮乜哥果d米线，入到嚟食有惊喜，原来系用心做既猪杂汤，连姜丝都切得好幼细，即叫即煮上枱热辣辣，美中不足就系冇辣椒丝，如果碟豉油加埋辣椒丝就一流喇！米线唔算好大份量，刚刚好。另外试左：辣-萝卜牛腩饭，都好好食，完全系家庭式味道，有别于屋苑内茶餐厅，但小店既敝处就系座位问题，始终座位不足，繁忙时间店员会礼貌咁同你讲调一调位等等，明白既-毕竟小店生意，都系做午市为主，张就张就啦。
继续阅读