影片
营业时间
今日营业
11:30 - 22:00
星期一至五
12:00 - 22:00
星期六至日
11:30 - 22:00
*最后下单时间: 21:30
以上资料只供参考，请与餐厅确认详情
呢间好多人排队，可以用app攞定位，但如果过太多，就要重新排过。首先讲下环境先，我好钟意入面格局，大部分都系面壁一横过，一个人食不尴尬，而且十分舒适，用色都好日系野食方面，d嘢食个样都好靓，明显比起快餐店的一人火锅系靓d呢间有两个特别之处 第一，我就叫左茸美人锅，系啫喱状，煮完会变水状，另外，加左玉子杂炊饭，我觉得有得自己煮下，几好玩，味道几好味最后我加埋海鲜，味道都ok，不过加完都发现几贵，就黎食到平时𠮶啲任食既价整体上，我觉得系正嘅，食完都有新鲜感，开心，冇伏既，下次会再去，但应该唔加海鲜
继续阅读
话说同屋企人过生日，又未食过呢间，就去试吓。去时6点松啲，冇乜人，店员都算客气，咁就叫嘢食，食物好快就到，食物方面系好味的。食到中段，店员开始过嚟不停收嘢，我开头仲以为咁好服务，点知有个眼镜男店员对账单过嚟话你睇吓齐未，齐就可以埋单。屋企人仲未食完，谂住加食物，点知截左单。咁我问入嚟前问过有冇限时，话冇，坐低食到咁上下呢个4眼佬话限时。我仲有个饭未食，热辣辣咁叫我快啲食，咪阻住下台客，好多人排紧。我望向门口，都冇人排紧😡😡 最后唔想屋企人生日搅到唔开心，只好事旦食咗两啖就算，买埋时，又遇到呢个4眼佬，系我前面有鬼佬买单，佢就笑到狗头咁，我等左5分钟，睇住你哋吹水，我忍，到我比钱放低时，佢即黑面话等等，然后慢慢整理之前啲单，要我企几分钟，再收钱。等我忍，买单如果人多忙，可以理解，雕你门口冇人，得鬼佬同我埋单，我系咪食完，仲食紧，被你催买单，又同我黑面。🤬好食都唔会再去，咁嘅员工，！
继续阅读
虽然住东涌，但好少可行outlet, 都系难得同朋友行，佢提议食呢间 ，去到门口拎飞都要等成30张枱，而等紧期间已经闻到一大阵药膳味，所以就决定食药膳汤底$198包三款牛，和牛最好食，牛五花就麻麻地喇 ，可能有比较就有伤害啦，个汤底好浓几好饮，就算加左两次水都唔稀，服务态度非常之好，个位又干净，汁酱位亦都好干净，食得好开心，虽然限75分钟，但我觉得都够时间，又唔系任食，食个餐其实够哂。第二日我同男友再去食，今次我叫左茸美人汤底，包两款牛，个汤底又系好浓好好饮，而男友就叫左药膳汤底，佢都话正，侍应上牛果阵其中一块和牛跌左少少落张枱到，其实我地都冇所谓，点知转个头，个男侍应补返一块俾我地，真系非常之贴心，好钟意呢度嘅服务，我连续食左两日都非常满意，会继续帮衬😌
继续阅读
去完迪迪尼顺便落埋东涌食晚餐~这间一人一锅很好，满足唔同人需求食得辣嘅朋友叫左个「胃觉醒锅」锅汤底：黄金酸菜汤，包牛五花和豚梅肉（惊唔够饱，加大左份量）初初都真系有啲辣，但又好过瘾，真系几开胃～唔食得辣嘅我叫左最普通嘅「和式昆布汤」锅包牛五花，加钱叫玉子杂炊饭（后上）本人觉得豚肉好食过牛肉，不过整体都OK轻涮三秒倒即熟，口感柔嫩但又带点嚼劲打完边炉用剩汤玩煮饭仔玉子杂炊饭将生鸡蛋打入剩余汤底，与米饭慢煮至绵密浓稠加埋啲黑胡椒、葱花，又真系几惹味😋但我地玩野，食几啖又加埋本身枱面提供嘅调味料沟埋嚟食，好似试紧唔同款嘅口味😌其实本身我食完个锅都饱左，但整完个饭，都系冇停口咁继续食😆
继续阅读
今日午餐时间，去咗呢一间好日子打边炉做午餐。一坐低见到有午餐lunch set，价钱唔算贵，最平𠮶款$100内就有交易，而且套餐包括一份肉类，一盘蔬菜，同一碗饭，女仔嚟讲十分之够饱。不过同时，加$9可以加多一份关东煮。其实呢间餐厅性价比好高，都系朋友带我去先认识，再一睇，原来都唔系好多地方有分店，全香港暂时得两间，一间喺九龙城，另一间喺东涌。今次就系东涌分店试咗，午餐时间唔算太多人，应该系未有太多人认识呢间餐厅，同埋午膳时间可能大家都未有咁多时间可以打边炉。
继续阅读