影片
在外饮食，尤其是人少少，或者是得一个人，整份烧味饭绝对是又快，又唔会唔好食。所以，在我的饮食志中，广东式的烧腊，是占有一定地位的。这一天一下班，决定同太太出去铜锣湾行下街，以行街为主的我们，决定找地方快快食。于是，大家都看中了希慎的 food court，而我看中的，是一间闻名已久，在中环、金钟主打的烧味外卖店，《好烧味》(Good BBQ)。年前在朋友的 blog 看见 《女子烧味》，奇怪的名字同美妙的叉烧饭照片已经吸引住我。看多了一眼，问多了一问，才知道，正确的名字叫《好烧味》，店方只是故意把 "好" 字拆开玩文字艺术而已。本想帮太太点一份素食叉烧饭，可是当日一早已经卖晒。而我就看中了一个久违了的烧腊味道，那就是羊肉叉烧。回想当年，在深水埗某街坊酒楼试过之后，就一直未见过了。该日看见这羊肩叉烧饭，便决定一试。羊肩叉烧饭，我可以说，吃起来同一般的叉烧分别不大。只是用上了羊肩，瘦肉比较多。入口虽然够香软，但肉质是比较爽，吃入口更是一丝丝的。好多人都会怕羊肉膻，但此羊肉的味道系的确比猪肉的叉烧肉味重，但又未至于膻的程度。肉味好，饭味也好，只是此羊肉叉烧，肉质始终较为硬少少，而且欠了半肥瘦的口感，下次来，食返盒真正的叉烧饭，再评。
继续阅读
以质素来言，价钱略为高，饮品需要另加收费，加购的汤价钱太贵了，只有一杯仔，份量很少。外卖同堂食都用纸饭盒，好像不太环保。今日很忙很赶时间，食烧味饭就会最快捷方便，我点咗贵妃鸡加烧腩仔，平时都系食开呢个，但系今日竟然俾咗个豉油鸡我，同佢讲话畀错咗，个男人店员居然话系因为加咗豉油先系咁嘅样。其实畀错咗我唔介意，但系你居然指鹿为马，实在不能接受，可否管理一下店员的服务品质及态度？不老实嘅店舖，一间都嫌多。
继续阅读
路过见到有黯然销魂面。应该系黯然销魂饭嘅变奏版，亦都可以讲系核蛋叉烧伴面。黯然销魂饭配搭嘅系煎蛋，而好烧味版本系改为核蛋---亦都即系温泉蛋。餐厅会另外提供1包味粉去捞面，香浓蛋黄加上惹味味粉，为面底增添滋味。面底本身质感都好好，唔会煮到黏住一团，口感唔错。叉烧偏瘦但肉味搭救，叉烧外围旁边带少少肥膏，不会过肥，但无咗半肥瘦嘅油脂香。不过相信系这间餐厅特色，提供相对健康菜式。见到餐牌有素叉烧，而家系beyond meat, omnipork嘅年代，下次试下假叉烧又可以有几真先。
继续阅读
夏天啱啱过左，天气开始冻，系时候减肥!不嬲食LUNCH都钟意大鱼大肉~叫我食斋食菜去减肥真系惨过叫我行路去印度...其实减肥就唔系得一种方法既~食住肉减肥都得!食鸡胸就系其中一个好方法啦好烧味就有个为减肥或者健身人仕而设既鸡胸饭入面除左鸡胸之外，仲有减肥餐单经常出现既西兰花有肉有菜，营养均衡，鸡胸仲要系已经帮你走埋皮鸡胸用左白切鸡既煮法，唔系就咁滚水烚熟鸡胸咁DRY，都叫做易入口既西兰花就煮得够熟，我最怕食到劲生既西兰花!当然，鸡胸呢D部位就唔会期望会好鲜嫩多汁架啦....但呢啲系做到有少少软熟既口感，比起白烚鸡胸高一班啦
继续阅读
唔记得左影张相先食因为都系普通烧味饭啫，无谂过我要影系因为太差我叫左油鸡烧鸭饭加埋我谂有10块「肉」但我食食下发现有几旧都系骨+皮其实我唔系第一次食烧味饭遇到呢个情况系咪见我细粒女仔所以比啲咁既野我食？见到人地大只佬碟野啖啖肉真系好嬲个烧鸭我只系食左1.5旧肉离哂谱呀！！！专做烧味饭既都比啲咁既野出黎！我唔会再帮衬👋🏻
继续阅读