影片
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
话说我今早想买一打素饺，佢话得返3只，未包得切，我话照要，佢啤一啤我，我话3只素饺，其余9只我要沙葛猪肉饺（心谂唔系唔得啩，系你自己唔够素饺）跟住我见到有芫荽饺子（以为入面净得芫荽）我话有芫荽我要芫荽啦（因为食素𠮶位朋友都可以食）跟住我先见到芫荽饺子入边原来有猪肉，跟住我话咁我唔要喇，要返沙葛猪肉饺，期间已经不断讲唔好意思，佢即刻好呼喝咁大声话我：「咪同你讲咗所有饺都有猪肉啰。」跟住我话咁我听唔到嘛，啲态度可唔可以唔好咁差？😡😡唔怪得佢哋啲生意越嚟越差，以前都见到好多人排队买，而家都系得零星几台
继续阅读
呢间野越黎越差，以前买碗醉鸡米线啲鸡都啖啖肉，近呢两次买既多数都系骨多，可能外卖既关于啦。呢样都算啦，之前堂食加10蚊有青瓜海蜇一碟，今日谂起食过都ok就叫屋企人买碗米线加个青瓜海蜇，用个大大个盒装个唔知加埋有无一条青瓜分量既青瓜，海蜇呢都有4条既。最大问题系38蚊+1蚊个盒，成40蚊买碟咁小份量既青瓜海蜇真系第一次见，唔讲以为青瓜好贵，又无乜味既，感觉系似无呢样小食见有人买想赚果几十蚊那那声整咁。😮💨😮💨😮💨真系好失望，咁样做街坊生意。
继续阅读
生饺包装盒请不要再用钉书机封口！！拆开包装极不方便，亦有机会整伤手指，另外想提一提，如果老人家帮衬，视力唔够好，煮埋粒钉入去，误吞卡住喉咙就出事啦，请考虑包装改用橡筋不过都赞一赞，饺子足料，味道ok，价钱公道👍
继续阅读
上星期五（10月13日）去咗沙田博康邨做嘢，午饭时间，随著人流，嚟咗沙角邨商场，兜兜转转，左拣右拣之下，嚟到呢间起街市旁边，舖仔细细（目测最大容纳人数少于卅人），唔多起眼但选择多多嘅舖头，叫咗个药膳醉鸡米粉，加碟炸鱼皮，转配热菠萝青柠蜜，合共$68。药膳米粉，汤有当归味，可能太多红枣缘故，味道偏甜，唔系我喜爱嘅药膳味，醉鸡无酒味（正常嚟计系要有花雕酒味），而且肉质唔滑，绝对系败笔之作，实在太怀念已折埋起联和墟𠮶间陈黄记嘅药膳鱼头同花雕醉鸡啦！炸鱼皮够脆，但我嫌太碎，可以大块啲就仲好。菠萝青柠蜜，蜜味过浓，盖过菠萝同青柠嘅味道，一试无妨，再试就咪搞。总括而言，呢餐味道不过尔尔，而价钱略贵。
继续阅读
呢间位于街市嘅小店之前都试过堂食，个药膳鸡都好好食！不过今次系想介绍佢哋嘅饺子☺️有好多唔同嘅款可以比你mix & match，愈买得多愈抵食，店员话如果放冰格仲可以放两个月～我自己比较偏好芹菜嘅香味，所以买咗呢个芹菜猪肉饺(生饺~$3/只)🥟☺️皮算几薄，不过有轻微爆皮状况，妈咪话系喺盒时痴住所以烂咗，试过有店员会帮我哋扑啲粉上去，效果会好少少～饺子嘅馅真系好饱满！啲芹菜有少少爽口，好香，仲加咗木耳，令到成个饺子唔会好漏～我仲可以食哂一打添😋如果唔钟意芹菜嘅都可以试吓其他味啊！
继续阅读