好滾得火鍋專門店 (已結業)

夏天出街食飯好辛苦,所以都係OFFFICE食比較多男友咁好死黎接我LUNCH，就去左近公司既呢間好滾得試下雞翼放題！你試過未？🐔🐔有8款雞翼任食！！一入去就聞到好香既雞翼味～連睇都未睇餐牌就揀左了～個人最鍾意B仔雞翼，黃金雞翼同蜜糖雞翼,勁香雞翼味呀，令我地一路聞住流口水～快點約埋班friend黎挑戰下！超抵！！！$48 任食！加$10仲有白飯，菜同汽水🥤！味道幾高質，雖然唔係貴，但係脂肪分佈唔差，完全冇其他雞翼果種半條脂肪半條肉既樣口感唔會韌，肉香唔錯，完全對得住個價錢～抵到爛！份量都好足，原本以為要叫好多次，點知已經飽左下次會再黎試下…查看更多

見到呢到9點半後有優惠98任食雞煲打邊爐仲有海鮮，所以難得9點收工約埋三五知己黎試下係克街行過入去時見到一個人都無，心諗大獲，會唔會中伏嫁,之後店員帶我地上二樓入坐，哦原來d人係晒2樓，個心即刻定晒，個位好闊每張凳下面都有個籃比大家放袋好貼心呢度d 響鈴係即炸出黎好新鮮，好鐘意佢地呢d碟 好有特色 呢個雞煲好多配料有蘿白，雞髀菇， 豆角，芫荽，所有配料都好好食，雞既數量小左d一人2舊到，所以我地放左d打邊爐既料落去就叫佢加雞，點知佢拎左個新既雞煲同我地換，估唔到，由於廢事麻煩佢要洗煲我地都係叫鮮雞件打邊爐算，但佢個煲太淺，放得唔多野牛肉好靚，好食聖子勁大隻 唔錯 但唔可以話好新鮮，同埋佢起左我地過左成個鐘先食 唔多唔小有d影響d餃子上枱果係冰既，但我地成枱都食到變左 唔知係咪處理出現左問題，但撇除呢樣野整體都幾好佢呢到98蚊加20茶介 星期五六日加18蚊再加1大約160一個人 平日1-4就140，值得一試 …查看更多

1. 招牌麻辣雞煲不知所謂，份量少，中辣都係不麻不辣，味道完全唔對辦，你不如話係單餸飯豉椒雞仲似啲2. 餐廳侍應嚴重不足，限時兩個鐘，但遲遲無人換走雞煲，加湯換gas都要無了期等待，浪費食客寶貴時間。不過侍應係高壓環境下，做到滿頭大汗，仍然能夠保持良好態度，的確值得一讚3. 一行9人每人叫左$298海鮮拼盤餐包括每人半隻蟹，我地發現拼盤中無蟹，懷疑上錯$198拼盤。職員承認上錯，但當時我地已經食左蝦及蟶子，不想浪費其餘食物，於是我地要求更改為每人$198拼盤。職員堅持為我地換回$298拼盤，ok fine但最好笑既係$298海鮮拼盤每樣海鮮都係8人份，錯完再錯，又要我地花時間力氣去追餘下既一人份海鮮4. 等待湯底滾起期間，兩個電磁爐均告失靈，竟然搬出gas爐，但火力唔夠，鴛鴦鍋清湯底一個鐘都未滾起，我地望住一大盤海鮮真係無奈到極點。食神滔滔講得啱，打邊爐最緊要係乜？係個爐呀！5. 任食既食物例如餃子、魚皮餃味道有異，令我地唔敢再食。另外海鮮拼盤中部份卜卜蜆疑似變壞，入口非常腥臭，更污染湯底，我地最終放棄餘下既蜆及湯底。6. 有幾位朋友食完翌日表示唔舒服，所以絕對唔會有下次作為一間海鮮火鍋專門店，電磁爐出事，gas爐出事，海鮮出事，真係非常離譜。餐廳名為「好滾得」，原來並非形容食物，而係食客，食完好火滾🔥…查看更多

我同朋友2個人，book左12点半食雞翅放題。入到去1樓冇人招待，自己行上2樓先有人。餐廳入座率大約20%。樓面員工至少有4個以上，但係我地坐底後冇人招待我地。d員工大部份都係行黎行去，冇嘢做，係到按電視，睇電視，都要我地叫先過黎。食物方面，全部都勁難食，炸粉勁厚，肉勁老，食到真係想死。原本食到1:30，我地大約1:05就走。因為真係食到無能為力，d錢俾佢算。我地仲有加1個餐，碗飯係細到一個女仔都食吾飽。…查看更多

本來打算去食雞煲放題，但睇到啲火鍋配料好普通，所以臨時轉軚散叫湯底叫左兩款，雙拼以較高者計，所以叫左胡椒豬肚 同 四川麻辣兩款湯都配料十足，尤其豬肚湯底內既咸菜幾好食醬料一set 有8款，任添唔嬲，大混醬左一番，不過其實湯料十分夠味，配上醬料會太咸 （醬料每人$18）收茶芥，每人$8，但又唔會放底茶壺比我地任酙 食到中途太重口味 水又未添 會口渴叫左幾款特別既肉類，其中一樣係 ‘豬八戒’ 用類似甜品架來上枱，幾特別 但味道一般 不過份量係由頭食到落尾肥牛，好瘦 有懷疑自己係唔係叫錯左，不過當牛肉食都ok3秒響鈴，好欣賞即叫即炸，上枱熱辣辣，而且好鬆脆皇帝菜，一大兜，食落好清新手打丸 叫左黑松露丸拼象拔蚌丸 但老實講係幾好食 但就食唔出味道叫左碟海蝦，好新鮮，啲蝦腳仲識郁仲有好多選擇未試，如有機會都可以再來試6pm - 9:30pm 有75折，當然有啲野唔包在內，但都係吸引我地臨時轉軚既原因…查看更多

本來打算來食雞煲放題，但睇到間餐廳D火鍋配料好普通，所以臨時轉軚黎好滾得湯底叫左兩款，不過都係蜆煲好食D除左蜆肉好食,湯既配料都十足，尤其湯底內既菜幾好食醬料一set 有8款，任添唔嬲，大混醬左一番，不過其實湯料十分夠味，配上醬料會太咸 叫左幾款特別既肉類，其中一樣係 牛肉拼盤 ,味道幾特別 , 不過份量係由頭食到落尾,所以好大份,滾完上枱熱辣辣，而且好鬆脆另外食左米粉,食完夠曬飽.朋友唔夠喉, 叫左黑松露丸拼象拔蚌丸 但老實講係幾好食 但就食唔出味道…查看更多

灣仔越來越多食肆， 日式燒肉，越式河粉 ，火鍋，酒吧。。。 應有盡有今日我哋就去食火鍋，好滾得"！而家食量唔係多都係食啲正啲嘅嘢鍾意食乜叫乜好過啦先嚟混個醬先。。。龍蝦蟹肉煲， 有一個海鮮拼盤，仲包埋個鍋底,抵湯底鮮黃色， 滾起已經聞到好香呀海鮮拼盤有：奄仔蟹,蝦,桶蠔,花甲,大蜆呢個價錢真係。。。值呀！蝦同蟹呢度嘅時候仲識得郁㗎隻蝦成對筷子咁長呀蝦頭有膏， 蝦肉彈牙爽口鮑魚大隻，肉厚， 爽口唔靭桶蠔淥完都脹卜卜一口咬入去，肉汁鮮甜， 唔腥， 不過要小心熱親呀條脷花甲都好新鮮，冇沙，隻隻肥嘟嘟雪花肥牛， 全部都係舌芯， 雪花脂肪分佈均勻， 牛味濃郁好特別嘅山根新鮮自家製， 放入湯三分鐘， 即食萵筍嫩綠， 清甜爽口最後飲埋啖湯， 海鮮味濃， 叫個烏冬索埋啲湯， 一啲都冇浪費…查看更多

第一次食呢間火鍋時係响舊公司工作時期，而家已經轉左工，時間過得真係快但嗰陣時食已經覺得水準唔錯喎，感覺比起自己平時食開嗰啲高質，咁樣已經令我留下好好嘅印象。所以今日再約舊同事出黎食……自己揀湯揀醬，基本嘅都會有蜆肉煲麻辣好香，越滾越辣，好正，湯底清清地，感覺唔到有好多味精，都正呀之後食左個牛摩王拼盤，每款都有得試下，唔錯喎蝦柳新鮮 ，超水準架我覺得脆響鈴，呢個我朋友超like，食晒呢碟再叫多一碟添象拔蚌刺身，好新鮮，好鮮甜，仲可以叫例牌，超讚食火鍋我一定叫唐生菜，滾完特別好味架.要keep住水準呀，一定會繼續支持。…查看更多

星期三1830第一枱入座我地點個餐可以喺多款海鮮中任選其中5款，當中點咗最想食嘅龍躉同象拔蚌，可惜生意太好，賣得太快啦，待應同我地講廚房幫我地執其他食材代替有無問題，我地邊識咁多野吖，即時話好，咁廚房咪好心以鮮鯇片同唔知咩野蚌幫我地一解想食魚同蚌之情，好感恩呀…不過我地真係想食龍躉同象拔蚌，唯有下次再早d入座啦!!到我點啤酒嘅時候，佢地做得好專，只有藍妹同Hoegaarden兩款，我點藍妹點知又無，我真係覺得自己唔夠幸運，最後問咗侍應哥哥有無熱茶，佢話幫我開一壺，免費嫁，我即時覺得自己嘅運返咗嚟!我地食咗2個幾鐘，前後都係見到2，3枱客，都戥佢地擔心嫁，不過好彩到咗2130特價時段再入多兩枱，我都覺得好激動，希望佢地做多幾枱，因為我都好希望遲d有機會再嚟試其他美食嫁嘛!!有一點特別值得一提，佢地嘅侍應無論對正價或特價時段嘅客人都一視同仁，態度如一 …查看更多

呢度時不時有優惠火鍋價做突襲，真係少陣都唔得。今次係灣仔店限定，晚市任食火鍋8折，有2個set正價係HKD298跟蟹加鮑魚做膽嘅海鮮拼盤；HKD398係波士頓龍蝦同鮑魚做膽。仲有次次嚟必叫嘅手切牛都送埋，再有其他任食火鍋料同雞煲。雖然2個鍾唔係好多，但d海鮮幾鮮甜！另外可以再揀一款湯底，終於唔使等雞煲友食完先到我食。而今次揀鴛鴦鍋都係計一款，選擇多到一個點，正。美咪指數：810抵食指數：7.5/10…查看更多

每逢踏入五月，心中總是想著要打邊爐。每每記得當晚約好打邊爐的話，即使個人有多累也好，一旦想起有得打邊爐，個人總會精神抖擻起來。這種吸引力，相信只有打邊爐能給予。也許有天，你會見到我在街上很興奮地說著：「Yeah！打邊邊！」，實屬平常事。打邊爐雖然不是甚麼新鮮事，質素莨莠不齊的，要找到質素好的，又貴。要到旺角打邊爐真的蠻傷腦筋的。近日在旺角附近上班的好友告訴我，這邊有一家不錯的邊爐小店「為食仔」，所有手打丸、餃子都是即點即製的，可是人手相對少，所以等候的時間會長一點。其實我明白等的時間長的道理，大家以為付款就是話事權最高的，可是錯了。食肆中沒有人是身份地位特別顯赫，因為所有人都平等，餐廳當中，每位客人都是付款的，只要店主是流水式的跟著做，先點先製這回事很公平呀。所以不要怨，只要走入這家餐廳，就要尊重這裡的文化。小店的門外跟小店內都貼滿很多推介菜式，還有很多小店的「規矩」。對我來說，甚麼規矩啦，都是互相尊重啦。一頓晚飯除了要好的食物、好的服務，還有的是食客跟店主的互相尊重，這是所有人都基本都要有的。小店的餐牌，對於這家小店來說，食物的款式是蠻多的啦。湯底有成廿個，小店是很有心啦，而且有的湯底不常見，感覺像是湯多於是湯底啦。我們最後選擇了平凡的湯底，只有愈平凡的，才可以品嚐到其心思。混醬的材料有6款，一般來說已經很足夠。龍蝦火鍋初初因為龍蝦太多而找不到其他海鮮，後來發現豆腐的蹤影啦，多就未算多的，但店主用上蠻甜的豆腐，整個湯都很幽香甜美的。萵筍大大份，煮熟後的青色相當好看，很喜歡吃萵筍時的口感，帶點咬口又得、淋身又得，但絕對不影響它的清甜味道。手打蝦丸 &芝士墨丸這兩款我一拼講吧。看上去沒特別吧，但手打丸的賣相就是看師傅的手藝。究竟廚師能否把手打丸整得大小均一，而且中間的餡料沒有漏出呢？似乎這家小店的廚師做得不錯喔。手打蝦丸外表平平無奇，中間的蝦肉也蠻多的，而且很鮮甜，入口彈牙，令人回味。墨丸本身是我的其中一款打邊爐必食食物之一，很喜歡那濃濃的墨丸鮮味，這裡更加入芝士，淡淡的芝士味令墨丸更為幽香，咬落溫度剛好，而且做到拉絲效果，有時忍不住會憶起這種味道、這種口感。賣相還不錯吧。三角形而中間漲卜卜，眼看跟平日吃的水餃一點都不相似，令我相當好奇。基於還未知道它是甚麼的緣故，我們煮了一段時間才敢夾上來。原來中間是墨魚滑來的，所以咬落的時候有墨魚肉的鮮味，而且十分彈牙，相當驚喜。好像沒有試過把墨魚滑包裹在餃子皮中進食，感覺也蠻有趣。餃餃皮的厚度剛好，煮的時間用多了也好，也沒有破爛，而湯底的味道亦沒有直接接觸到墨魚滑，令墨魚滑能完完全全的保留到其味道，相當鮮甜可口，令人愛不釋口喔。烏冬是不可缺少的邊爐麵食，即使肚仔撐得再厲害，也要把烏冬一口又一口的吃掉。當烏冬把湯的精華吸收掉，見到烏冬一條條充滿著光澤，而且滿佈著湯的顏色，那就可以食用了，這時候烏冬的確是又滑又彈牙的。…查看更多

好滾得一向出名湯底足料，任何一個湯底選擇都非常特別，出邊食唔到。今天選擇的火鍋底，是火焰卜卜蜆煲,職員遞過來的時候已經發出紅紅辣椒味。一邊最重要材料有靚冬菇、以及蜆肉。開火之後大概5到10分鐘之後，就可以食得，記得趁着蜆肉依然鮮嫩拎返上嚟。蜆肉鮮香滑、漂亮、有光澤，大火滾幾分鐘後，肉質依然細嫩，而且加上了辣椒鍋的狂野🌶！食咗辣野，當然要點酸梅湯下火之後開始打邊爐,我地食左手打鮮蝦丸，非常新鮮，爽口彈牙有膠質，而且散發出蝦的香味。西班牙黑豚肉質素都唔錯,可以一試本地手切牛頸脊更是一流,牛頸脊肉色鮮艷，每塊脂肪同肉都好均勻，絕對是新鮮本地牛肉，非急凍貨色。下鍋滾1分鐘，就可以放入口。新鮮牛肉味爽滑，辣辣地嘅湯汁，最好點花生醬蒜蓉食。食完之後，保證你返唔到轉頭再食出面d cheap cheap肥牛。…查看更多

環境3分：比普通茶記乾淨企理，有電視睇，預左人多要搭枱，可以畀三分。衛生3分：木枱木櫈都叫做乾淨，個個位都有齊筷子，碟同羮，正常三分。服務3分：態度正常，可以訂位，不過落單要等成差不多十分鐘先有得食，清潔又唔夠爽手，扣兩分。味道3分：每日會有八款雞翼提供選擇，而當中最惹味當然係炸過果幾款。今日提供有黃金雞翼，南乳雞翼，蜜糖雞翼，仲有柚子雞翼最為惹味，外皮炸到卜卜脆，而且Ｄ皮入曬味。而蠔油炆雞翼就最淋，冇牙都食得到果種。八種雞翼平均都有三分。加十蚊可以配埋餐，包左白飯，菜同汽水。抵食5分：四十八蚊一個鐘頭任食雞翼餐絕對絕對抵，第一round可以食曬八款，但每款只有一隻，第二round就可以兩隻上，八款要曬就有十六隻，食完兩打其實已經夠鐘，加埋十蚊套餐有飯有菜都好飽。…查看更多

剛食完佢嘅雞翼放題，入座後十五分鐘先嚟第一round，每人八隻，之後即嗌第二round，到第55分鐘了，都仲未嚟第二round，打住$48嘅任食放題做噱頭，但咁嘅效率想食飽都好有困難。樓面明顯唔夠人手，咁就應該大盤大盤擺出嚟比人自己攞，一係就唔好比咁多人入座。都明知嚟得食飯都係附近嘅上班族，食飯時間限時限刻，咁嘅效率真係好致命，係攞啲食客命呀！嘢食就ok嘅，但咁嘅效率，幾好食都無用，一定唔會再嚟。…查看更多

近來的火鍋開始有一些都著重以豬為主角，不過這家好滾得賣點依然是牛肉.這個龍蝦煲味道相當香濃，每淡都係充滿那油脂的成份，蟹肉都是以最好的狀態來給我們品嘗，嫩口得黎有絕對優勢牛魔王拼盤,雖然不是太濃味，但絕對是靚牛，配合龍蝦湯的湯頭，配合得很。而家好流行吃特別的丸，唔特別唔食，你見全部丸都唔再係簡單的牛丸魚蛋了，呢度嘅丸唔錯呀，又多選擇，當中選了手打牛肉丸,係幾多驚喜一口吃下去滿是香濃的滋味，你一定會愛上。雖然沒有叫很多不同的餃類，不過這裡的餃子都唔錯，如果你喜歡吃餃，叫一些餃都可以響鈴十分香脆,值得一試蝦柳味道也是不錯呢度嘅裝修絕對係火鍋界一個代表，VIP房坐得好舒服，可惜今日呢班朋友唔飲酒，如果唔係應仲hyper。今晚真係選對地方呀。…查看更多