好易食 (已結業)

午餐外賣到店落單好快有，叫咗個冬陰功湯粉，覺得個湯底係幾惹味，小小辣，湯粉分開兩盒，支持小店經營，泰國人主理，堂食都唔少人，唔明食評點解咁差，下次試下海南雞飯。

屋企人用apps叫外賣冇睇到評論中哂伏，叫左3個湯粉，湯面盒送到來已經變形，粉同湯冇分隔，送到來冇哂湯，3碗之中有一個叫三鮮湯粉，三鮮得一樣肉丸另外粉腸同豬肚完全冇，真系嬲到震！完全求其不會再有下一次！！

從未嘗試去一間餐廳服務態度如此惡劣。老闆娘只招呼「常客」，而我原本坐個位都要叫我轉位讓呢位「大客」（因為呢個客人叫好多野食）。餐廳內很污糟，好多烏蠅飛來飛去。海南雞好似隔夜丁番熱超難食。食完臨走前同老闆反應，佢叫我以後都唔好黎食仲鬧鬼我！第一次寫食評，因為呢間餐廳無論食物、環境乾淨度、及服務態度都超惡劣。講真，咁嘅餐廳，洗唔洗為左招呼「大客」而趕走其他客人。希望唔會有第二個人同樣經歷到咁嘅事！

帶狗狗散步到石門站散步後想找一間餐廳吃晚飯。看見這間餐廳可以坐外面，所以大膽問一問，看看可不可以和寵物坐外面吃。太好了，服務員還讓我們坐在冷氣吹到的地方，太貼心了。食物質數不錯, 由其是那碟炒河粉！！估唔到禁出色，加上天氣炎熱，真的以為自己坐在泰國街頭。

前晚行過石門見到呢間新店，所以抱住試新野既心態試這間小店......第一次寫食評係因為佢嘅芒果糯米飯真係好難食......唔想再有人中招......$58 價錢唔算貴但亦唔平，椰漿好稀又唔香濃，芒果太熟又唔甜仲有絲，最慘係個糯米飯超級硬又唔香連膠叉到叉唔入，非常失望，係食過最難食既芒果糯米飯......另外點左黃咖喱雞同埋三送飯（海南雞/豬頸肉/小炒）就不過不失...唔難食但無咩特別，所以都唔打算再去試其他了......

見有新野試下，而家生意難做小左好多人出街食，去到門口望一個人都冇😅晚上9點，但最後入左去吃，佢地做外賣多，坐左食冇耐有對情侶入左黎食既，講真D野唔差架，我叫幾樣餸得茄子唔掂😅個河粉最滑最好味又特別，因為我沒吃過這樣的河粉！😂下次同D親友會再去！

叫外賣，一開始落左單，十幾分鐘之後又cut單，電話又無個打黎，連自己公司電話都冇就唔好開張啦！唔係準備好哂先做生意！垃圾！一係你地就唔會做外賣！run好先搞外賣啦