影片
家中老人家之前因为贪佢方便，又近街市，而且成条屋邨又得佢一间酒楼(独市)，所以都会经常性来这间酒楼饮茶，食晚饭，火锅。首先讲下佢啲点心，我只能说佢啲点心唔够热，有次食到一笼酸菜饺（已经臭左既饺，佢地都有换番笼比我地，不过已经唔想再食）点心款式又唔多，都好基本既点心，佢地既咸水角系先炸好再放起度等人要，所以一食落去，啲油咪咇晒出嚟，又唔脆。反而叫佢啲炒饭炒面仲够新鲜过佢啲点心。到佢地既晚市就唔同啦，因为即炒，所以唔会好差，只不过你叫极都冇人理你，特别系果啲姐姐级侍应，佢地返工好似系行catwalk咁，你叫佢既时候咩都睇唔到听唔到，全间酒楼净系得个男经理一脚踢，所以之后我都极力反对再来这间酒楼饮茶同食饭，另愿比多几蚊车钱出去饮好过留起泥间度睇姐姐行catwalk啦。
继续阅读
小弟不是本区人, 只是放假过来此处上工联会课程。因为太早到离上堂还有很多时间, 就决定周围找找有什么吃和打发时间, 最终还是决定来一盅两件。说实话, 我入去此酒楼前我都犹疑了一下, 因为睇门面就已知系D比较OPEN, 开放式同自助形式的酒楼, 打比喻似得如, 信兴此等旧式酒家。因为柜位正系正门口中间开放式, 即是说你自己行去埋单, 也同样说你什么都自己做的暗预。唔理, 反正好似价钱商宜, 入去自己找位坐下, 选好点心就行去侍应面前给入单, 身为香港人的我, 懂得转膊, 不会蠢到叫佢埋离, 真是天都黑 .... 哈哈 ! 我一个人点了牛肉球,棉花鸡,波菜饺及鸡丝粉卷, 单写明卖点是即叫即蒸, 不知是真是假, 基本上最少也要等上十五多分钟。食物味道评分如下:波菜饺 - 8分 (入口好新鲜, 同蒸得刚好, 虾爽)牛肉球 - 7分 (无特别)棉花鸡 - 9分 (出奇地多棉花, 反而鸡不多, 是我有史以来, 见到最贴题的棉花鸡 - 棉花先系主角)鸡丝粉卷 - 9分 (一个字好味, 粉皮是厚, 我觉得OK , 入面D肉够入面, 整体配合得OK, 正)因为本来不打算写食评, 所以无拍照 .... 食晒先后悔 ! 由于我自己一个人, 所以一壶茶就够, 不用要人加水, 所以呢方面又无服务要求, 食完时间差不多, 自己行出去埋单, 非常方便, 不用左等右等, 结账什么$58左右, 除开一个点心不用$15, 本人觉得超值 !!!
继续阅读
一入到去以为自己番咗大陆，地方好臭。有个阿姐放抬布放咗一半，就走咗去叫我地自己放埋张抬布。d餐具油淰淰，好似冇洗过甘。地下好多碗碟嘅碎片，冇人清洁过。本来得三个人，黎咗四份餐具。因为惊会收多份茶费，所以不断揾待应拎走，佢地广野超粗鲁。每个待应嘅态度超差，个个人嘅语气好似5关佢地事甘。举极手都冇人黎，d待应仲好5耐烦甘嘅样。d点心肠粉灰灰黑黑嘅颜色。当时想立即放低茶费就走,但最后只叫咗碟椒豉肉片炒河。里面d豆豉硬到咬5开，好似石仔甘。其他配料（洋葱、青/红/黄椒），得d头同尾，好硬同爽口，跟本就未熟。呢间酒楼不知所谓，以后5会再去。
继续阅读
本人第一次写食评，原本对呢间酒楼都无乜野，但系今日呢个下午茶，真系食到一肚气…………一入门口有个姐姐开门，我觉得系呢个姐姐最好，佢系著黑衫的，应该系部长，之后我同太太bb，三个人坐左一张卡位，之后佢地问我要咩茶，我叫左香片，都呢一刻都好好咖，但系放低左壶香片，个好姐姐走开之后…………我同太太写完点心纸交左俾佢之后就黎料了………………我叫左一个叫孖宝既餐，系两双烧乳鸽加一个烚茶加一窝米线的，故事就呢个黎料喇，首先我拣左米粉，佢打单𠮶阵话无米粉，问我转咩，咁我就话改濑粉，之后黎𠮶阵俾左米线，我问点解，佢话无濑粉（咁我讲𠮶阵点解唔讲？？）好，算数，反正米线都岩食，无出声，其他野食都慢慢咁到齐，但系差牛肉肠粉同鸡扎，等等等，我三点多小小落单，差唔多四点先追单，因为我见到蒸点心差唔多收档，所以我就叫人埋黎问啦！！等等等，等左好耐都无人过黎，终于见返好好人𠮶个姐姐，问佢我叫左牛肠同鸡扎未到，点之喺呢个时候有一个四眼仔大声话肠粉卖晒，请记住系好大声，几枱客都望住𠮶只，之后我就话系追单，已经左好耐，佢先收声，态度极之差，之后个好姐姐帮我check单，发觉原来无落到肠粉，（点解我落单你呢个又讲呢！！）但系个鸡扎喺有落单既，咁我又算，睇住个好姐姐帮我去点心部追个鸡扎，点之个点心师父又大大话：收哂档喇，乜都无咖喇，虽然唔系同我讲，但系听到都火起，好！我又算多次，好姐姐帮我取消，食完喇，想要牙签，啫，我张枱无，咁咪睇下第二张枱有无啦，几张都无一支牙签，咁剩系见到岩岩好大声讲野𠮶个四眼仔啰，佢啰完之后唔系放喺枱面，系掉喺度，好似我得罪佢咁，我觉得，我都已经系附近揾过无先叫你啫，洗唔洗，我食完执埋枱唔洗你做好无呀！！！埋单168，我觉得去大家乐都好过佢，起码啲人有礼貌啲我我以后都唔会去呢间酒楼，大家会话屋村酒楼系咁咖喇，所以我都无要求过啲乜，食物普通，服务普通，但系呢啲普通真系衰过好多大排档
继续阅读
一次同朋友敍旧,贪马鞍山方便大家,于事系恒安村一家酒楼饮茶。上午11点几黎,唔使等位,我同朋友2个人去左卡位座，唔使同人叠枱,几舒服。侍应都好快手,唔使叫佢都主动黎问你饮咩茶,服务不错。野食都算多款,不过都系大路野,我地点左牛肉球,烧卖,鸡扎,波菜饺......大部份野食都不过不失,只系食叉烧肠既肠粉皮厚左D个度主要都系街坊客~所以价钱都大众化我地两个男人都系食左100蚊不过要弹既系厕所,周地纸巾咁污糟都无人理,仲有臭味!
继续阅读