好日子皇宴

营业中

休息中

我哋呢間餐廳食嘢就諗住嗌個米線然後全部餸都幾乎冇次次嚟親想嗌牛柏葉都冇然後想嗌豬皮又冇肥牛又成日都冇唔該呢間餐廳真係諗住開工嘅就買多啲嘢食啦次次嚟親呢度食嘢乜都冇

呢個星期日訂咗枱同家族食，有兩台，不過咁啱星期日所以會好多人茶樓勁忙！不過感受到佢哋唔忽視你架估唔到粉嶺會有間咁好嘅茶樓！我最怕就係啲餸菜好多油，整色整水煮菜又得少少呢間就完全唔會，睇返每道餸都好好味！燒肉都係肥瘦間隔，阿爸食得舔舔脷！平時扮晒嘢唔食熱氣嘢，今日都食好多舊🤣咕嚕肉都好靚仔！個調味酸酸甜甜又有足夠嘅配料，粉唔會太厚，雖然唔係話脆卜卜，但係都好好味本身酒樓煮嘅蔬菜類我未必會食好多，因為八成都係會落好多油去淥或者煮，呢間竟然唔會！食到好感動！呢個羅漢齋整得好好味！有竹笙菜心雪耳同埋菇類炸子雞正常發揮！ 以為上晒啲菜，原來仲有條大青斑！好經驗，好好味！勁多肉應該都有成一斤10両！啖啖肉啖！太好味轉一圈都已經比大家分晒🤣最後送上陳皮紅豆沙，阿嫂話陳皮味，但係我自己就完全唔覺如果嗰啲陳皮味就好！不過煮得好好！又有沙嘅感覺，而且又會有一粒一粒嘅口 有機會試吓嚟呢度飲茶

太耐無去茶樓飲茶，興致勃勃衝咗去攞位，估唔到星期日中午一點仲有房仔位，點心同小食有非常非常多選擇同埋幾抵食，可惜只得兩個人，下次再入粉嶺要再嚟食先得。🥢鯪魚球牛肉 (中) $26.8 ⭐️⭐️⭐️鯪魚球有鯪魚味仲有好多芫荽但腍咗啲，牛肉球有果皮香幾好味。🥢蝦餃王 (特) $35.8 ⭐️⭐️⭐️⭐️蝦餃王真係好大隻蝦，爽口又彈牙，皮薄餡靚，熱辣辣好好味。🥢鮑魚燒賣王 $38.80+3 ⭐️⭐️⭐️⭐️罐頭鮑汁鮑魚煙煙韌韌唔咸幾好味，燒賣食落幾爽口又唔會食到肥膏，同蝦餃一樣好好味。🥢鮑汁雞腳 $38.80+5 ⭐️鮑汁咸咗啲味道唔夠濃，雞腳唔太熱唔夠腍亦唔太入味。🥢脆皮燒腩仔 $58.8+5 ⭐️⭐️⭐️肉夠脆，燒腩肥瘦參半，如果上枱熱辣辣會更加吸引。🥢茶 $13x2二人共消費：$262

曾經有朋友話好日子好難食，試吓去打大佬🤣唔使等，即有位嗌咗小籠包、燒賣、流沙包、紅棗糕、牛腸以上幾樣都不過不失，普通茶樓水準係紅棗糕比較好食，燒賣入面隻蝦都大隻其間見到有架久違嘅點心車，推住椰皇燉素燕出嚟（圖3），點心姐姐又好落力sell 話好食，搭枱個婆婆話：你又咁易俾佢呃，以前賣39蚊嗰陣試過，好甜好難食㗎點知真係甜到想嘔🤮加上面頭嗰浸燕窩係假燕窩🥲婆婆，如果你早啲阻止我就好喇🥲最後都食唔曬，中咗大伏

-揀呢一間餐廳純粹近屋企人，整體食物水準都正常，食得入口。上湯焗西澳洲龍蝦送伊麵底- 伊麵太過腍，略嫌上湯味道淡咗少少，龍蝦🦞多肉正常。清蒸海斑仔- 蒸得岩岩好，夠鮮味。炸子雞- 表皮夠薄，炸得夠脆，肉嫩好食。燒乳鴿 - 夠惹味，雖然油咗少少，但好juicy ，肉就少少鞋口。鮮魷味脆豆腐- 夠香脆，豆腐夠滑但酸酸地，食咗兩粒就放棄。燒腩仔- 皮夠脆，份量都多。服務ok -可能係熟客仔~員工都會傾偈~ 食到尾會幫我哋換碟仲送甜品同現金卷～下次食有優惠-

🫖中式 🫖茶樓點心 🚹1-12人 🏠適合家庭 ——————之前好少喺粉嶺火車站附近飲茶，而呢間茶樓負評又多過正評都有影響，但機緣巧合之下，連續2個星期六都嚟左好日子飲早茶🫖兩次都係10點左右到，基本上唔需要等位，10:30am前有部分點心有特價，例如叉燒包、流沙包、叉燒腸等，只要侍應10:30am前入到單就有呢個優惠👍🏽試過嘅點心都係平均水準，同埋份量都適中正常發揮：✅蝦餃（皮唔厚👍🏽）✅燒賣✅叉燒包今日MVP -✅春卷（皮脆、夠大舊）慎點：⛔️鮮蝦腸粉（皮厚，但味道正常）⛔️鮮竹卷（同普遍食開嘅味道同餡料都唔同，呢個會有西芹呢類重口味嘅蔬菜做餡料，所以唔太like）兩次去侍應姐姐都好心提醒⏰10:30am前有優惠，呢樣要讚吓👍🏽不過…侍應姐姐好忙，因為全場得3-4個人負責落單同其他各項，所以加水、攞額外碗筷之類都要俾啲耐性…或者自己服侍自己🤣至於點心上茶就係另一啲姐姐負責，所以唔會話等好耐👌🏽呢度仲有推車仔(可惜唔係傳純嗰種車仔)，賣限定時段甜品：椰皇燉素燕第一次嚟食真係叫左，熱食，椰子🥥細細，但份量都幾大👍🏽奶凍都有微微椰香，唔算好甜，ok嘅👌🏽結論：第二次4個人食6個點心，大家都有6

負評咁多果然有道理…叫左一碟排骨，一碟燒賣，黎到都有酸縮味，侍應覆左話用既材料可能變壞左，最後取消左，但就算係正常嘅點心，味道都係好一般。員工數量可能偏少，感覺佢哋成日都好忙，照顧唔到每一枱客，試過叫侍應黎換水，每個侍應都搖頭話唔係佢跟，所以就連等壺熱水都等咗10分鐘先有人嚟斟比我哋，整體啲服務做得唔係幾好，員工態度亦一般。環境有啲迫，冷氣唔涼，所以坐得比較出面嘅人要熱住飲茶。唯一優點可能係價錢唔算貴。基本以後唔會再嚟，亦建議大家唔好嚟中伏。

酒樓忙都明白既，但我地坐係中間位，四面八方都可以俾啲服務員望到嘅位置，加上眼看每個區都有人負責，點知落單個個職員都扮睇唔到，最離譜係同其中2個對左眼，佢地竟然中途向後走開，咁我自已拎去收銀入紙，發現佢地係出點心個位既屏風後傾計-野食唔好食，比水面既差，點左10樣野，基本嘅潮州粉果、韭菜餅、啲皮都好硬，重點餡料好少！其他不值一影；連家中老佛爺平時咩都話無所謂既都話麻麻，老佛爺話樓下方便，如果腳方便寧願行遠少少飲好過啦～

因處理家事早一日電話訂三張 12 人枱要求要平封或房間，知客話無問題。當日早上知客再confirm 留枱。之後我哋準時到達竟然話無人講底上述要求，仲要三張枱分開，仲要三張都唔係最大的十二人枱，果下真係火都嚟。當時我立即要求換枱,但對方一句話無辨法，我 35 位家人到晒唯有迫住照坐，啲食物的質素真係差，完全唔達水準，三張枱有大量食物食剩並非因為份量大而係真係難食。錢我一定俾足，但如此的服務真心惡劣。放心呢間極品除咗我，我肯定我35位家人都會 blacklist 呢間好日子🤬

上個星期同屋企人過嚟食晚飯，一於試吓南澳龍蝦，叫左經理揀咗一隻大隻啲嘅，真係幫到手，揀咗一隻都好大隻😍，同埋好實肉😋味道都好鮮甜，今次叫咗用上湯去整😍😍整得好好味

買左個腸粉，落單時千叮萬囑要比豉油，點知都係比漏，牛肉球的喼汁竟然放在盒內，有些不衛生，第一次買已經質素有問題，全店都是大年紀的員工，質素欠缺，以後不會幫襯簡直末見過咁差酒樓，入去落單時都覺得員工只是打牙較，工作欠缺認真

星期日嘅夜晚去完玩之後就心血來潮，想食打邊爐。。。。。嚟到粉嶺中心嘅好日子酒樓見到打邊爐，好似幾平咁原來已經中曬伏！。。。首先，店員就冇即刻幫我我哋叫湯底，湯底同埋叫配料喺同一張紙。。。重點黎啦等湯底已經等咗15分，湯底味道，感覺係求其拎啲湯再加啲配料溝出嚟。。。配料完全漏單，等左成40分鐘先黎到。。。仲要服務差，啲啊姐唔理人。。。另外餃子淨係嚟咗一轉就冇黎，流晒單咁配料不齊全，又慢 。永遠唔會再來！。。

入了粉嶺飲茶，選了好日子皇宴。平日的午市要等位，等了二十分鐘有位。點心的種類也不少，還有燒味飯供應。點心價格適中，選了幾款品嚐。南乳蒸豬手，一碟四大件，醬汁豐厚惹味，還有花生底，十分吸引。豬手肉質爽，入味。蜜汁叉燒腸，腸皮包裹著嫩滑叉燒，食才滿滿，每條都很實在，分量足。鳳爪蒸排骨，滿滿一碟，鳳爪和排骨都蘸上了醬汁，排骨半肥瘦，不韌易咀嚼，質感軟綿綿的竽頭更是味道甚佳。薑汁雞包仔，包身軟熟，包內充滿薑汁雞肉。上海小籠包，這個點心比較一般，皮厚，肉雖然不嫩，不過保持有肉汁在包內，一啖咬下也能嚐到一些小籠包的風味。鹹蛋燒肉飯，這碗飯就真是好。鹹蛋油光滿滿，蛋黃黃澄澄，蛋白白雪雪，鹹度適中，用來下飯十分配。燒肉皮脆肉嫩，肉質可嚼，肥瘦均衡，飯量也多，如果不吃點心，只吃這碗飯也很飽肚的。

無無謂謂行過呢度，見到有好多人任食打邊爐，三個人就入咗去，啱啱入嚟出面嗰知客同我講好好禮貌話因為疫情關係，所以只可以食到10點，冇兩個半鐘頭。我話冇問題，根本食唔到咁耐。八點入座，8:02落單，到8:25乜嘢都冇嚟過。8:26嚟咗個湯底，去搵個阿姐催吓，點知辣着火水阿姐寸過碼頭咕喱，短頭髮個阿姐話你哋剔咗咁多嘢執緊㗎啦等吓啦，任食火鍋第一張單入九樣嘢，原來叫好多，到8:35全家起身準備走，個知客先埋你問吓：「我而家即刻執啲嘢食俾你」。其實呢啲服務態度完全係唔識講。

大時大節去食飯，咁一家人就搵間附近嘅屋村樓下酒樓食啦，等大家方便，因為疫情之下，我哋九個人要分兩台🥲坐低唔夠櫈，冇人幫我哋處理，要我哋自己搬☹️又冇人問我哋要咩茶🧐等咗10分鐘先有人問我哋要咩茶😞另外啲杯杯碟碟筷子勁污糟雖然而家疫情關係，我哋都會自己洗，但係都冇理由咁污糟㗎，啲匙羹仲有上一手嗰啲食物漬叫左6個餸呢碟上湯焗龍蝦伊麵，賣相同味道都可以，不過冇餐牌d相咁靚呢碟小炒王抄得好惹味好爽口，唔錯👍🏻呢個海皇豆腐鍋，上嘅時候都熱辣辣同起晒泡泡，送飯一流😋😋呢個鎮江骨份量比較少，啲骨比較梗，個味道都唔錯嘅呢碟牛仔骨味道比較鹹，配菜比較多，牛仔骨份量就比較少，比較唔抵食最後呢碟千島汁炒蝦球就比較過分，中間有個窿，好懷疑俾人食咗兩舊，成碟份量超小，價錢又貴，超級唔抵食😞但係無可否認個味道係好食嘅，因為千島汁比較開胃又啱我口味總括來說：服務態度表現唔好，但味道都還可以