影片
营业时间
今日营业
07:00 - 22:30
星期一至日
07:00 - 22:30
以上资料只供参考，请与餐厅确认详情
我哋呢间餐厅食嘢就谂住嗌个米线然后全部𩠌都几乎冇次次嚟亲想嗌牛柏叶都冇然后想嗌猪皮又冇肥牛又成日都冇唔该呢间餐厅真系谂住开工嘅就买多啲嘢食啦次次嚟亲呢度食嘢乜都冇
继续阅读
呢个星期日订咗枱同家族食，有两台，不过咁啱星期日所以会好多人茶楼劲忙！不过感受到佢哋唔忽视你架估唔到粉岭会有间咁好嘅茶楼！我最怕就系啲𩠌菜好多油，整色整水煮菜又得少少呢间就完全唔会，睇返每道𩠌都好好味！烧肉都系肥瘦间隔，阿爸食得舔舔脷！平时扮晒嘢唔食热气嘢，今日都食好多旧🤣咕噜肉都好靓仔！个调味酸酸甜甜又有足够嘅配料，粉唔会太厚，虽然唔系话脆卜卜，但系都好好味本身酒楼煮嘅蔬菜类我未必会食好多，因为八成都系会落好多油去渌或者煮，呢间竟然唔会！食到好感动！呢个罗汉斋整得好好味！有竹笙菜心雪耳同埋菇类炸子鸡正常发挥！ 以为上晒啲菜，原来仲有条大青斑！好经验，好好味！劲多肉应该都有成一斤10両！啖啖肉啖！太好味转一圈都已经比大家分晒🤣最后送上陈皮红豆沙，阿嫂话陈皮味，但系我自己就完全唔觉如果𠮶啲陈皮味就好！不过煮得好好！又有沙嘅感觉，而且又会有一粒一粒嘅口 有机会试吓嚟呢度饮茶
继续阅读
太耐无去茶楼饮茶，兴致勃勃冲咗去攞位，估唔到星期日中午一点仲有房仔位，点心同小食有非常非常多选择同埋几抵食，可惜只得两个人，下次再入粉岭要再嚟食先得。🥢鲮鱼球牛肉 (中) $26.8 ⭐️⭐️⭐️鲮鱼球有鲮鱼味仲有好多芫荽但腍咗啲，牛肉球有果皮香几好味。🥢虾饺王 (特) $35.8 ⭐️⭐️⭐️⭐️虾饺王真系好大只虾，爽口又弹牙，皮薄馅靓，热辣辣好好味。🥢鲍鱼烧卖王 $38.80+3 ⭐️⭐️⭐️⭐️罐头鲍汁鲍鱼烟烟韧韧唔咸几好味，烧卖食落几爽口又唔会食到肥膏，同虾饺一样好好味。🥢鲍汁鸡脚 $38.80+5 ⭐️鲍汁咸咗啲味道唔够浓，鸡脚唔太热唔够腍亦唔太入味。🥢脆皮烧腩仔 $58.8+5 ⭐️⭐️⭐️肉够脆，烧腩肥瘦参半，如果上枱热辣辣会更加吸引。🥢茶 $13x2二人共消费：$262
继续阅读
曾经有朋友话好日子好难食，试吓去打大佬🤣唔使等，即有位嗌咗小笼包、烧卖、流沙包、红枣糕、牛肠以上几样都不过不失，普通茶楼水准系红枣糕比较好食，烧卖入面只虾都大只其间见到有架久违嘅点心车，推住椰皇炖素燕出嚟（图3），点心姐姐又好落力sell 话好食，搭枱个婆婆话：你又咁易俾佢呃，以前卖39蚊𠮶阵试过，好甜好难食㗎点知真系甜到想呕🤮加上面头𠮶浸燕窝系假燕窝🥲婆婆，如果你早啲阻止我就好喇🥲最后都食唔晒，中咗大伏
继续阅读
-拣呢一间餐厅纯粹近屋企人，整体食物水准都正常，食得入口。上汤焗西澳洲龙虾送伊面底- 伊面太过腍，略嫌上汤味道淡咗少少，龙虾🦞多肉正常。清蒸海斑仔- 蒸得岩岩好，够鲜味。炸子鸡- 表皮够薄，炸得够脆，肉嫩好食。烧乳鸽 - 够惹味，虽然油咗少少，但好juicy ，肉就少少鞋口。鲜鱿味脆豆腐- 够香脆，豆腐够滑但酸酸地，食咗两粒就放弃。烧腩仔- 皮够脆，份量都多。服务ok -可能系熟客仔~员工都会倾偈~ 食到尾会帮我哋换碟仲送甜品同现金卷～下次食有优惠-
继续阅读