影片
以上资料只供参考，请与餐厅确认详情
无意中发现的宝藏小店，才发现老板因为对美食的执著和喜欢而存在，可以话每样嘢都好正！猪脚姜只能话是我吃过性价比最高的！唔似其他一味得过甜字，仲要贵。个醋汁一绝，好有特色，原来老板用五种醋自己调，加上2种姜（最初仲以为呢间铺卖姜，摆d姜喺门口），所以之后我会多买一盒姜醋汁用嚟送饭食。佢嘅酸梅汁和樽仔奶茶饮得出用心之余有水准！真系好钟意！之前食过一次佢嘅猪油渣捞面，好正，可惜已经食唔番，因为老板忙不过来，期待有机会可以再食到。继续支持！
继续阅读
好耐无食过咁好味猪脚姜，仲有推广价38（原价68）3件猪脚、2只蛋、有姜同埋醋，实在平靓正，最重要系好好味、好好未、好好未（重要事要讲3次），猪脚淋度啱啱好又入味， 姜都系好入味。听老板讲晚晚最到深夜就系要煲定足够猪脚姜早上先有淋淋猪脚、入味蛋和姜，不过好像快取消推广价，要快啲去再食先得。上次十几人排队无时间排、今次唔放过。妈妈非常钟意食好味猪脚姜的话好底食，食完话下次要再去买。冬天最啱食， 美食进保最好 ：）
继续阅读
第一次食蒟蒻面🤣仲以为好腥 原来几好食嘎窝！加埋啲麻酱 好食啊🥹听日放工再买黎食～因为咁啱喺公司楼下 呢度$20其实都好多🤣超级抵食啊！青瓜丝鸡丝都比好多🥰大份都系先$40
继续阅读
偶然走过横街窄巷，传来阵阵猪脚姜香味，即刻停步要试吓呢间稳世美食。发现呢间小店除咗有猪脚姜，仲有自家每日新鲜炸猪油渣捞面；仲比我发现有减肥恩物「鸡丝蒟蒻捞面」下次一定要试吓！每样食物食得出店主好用心去做❤️传统猪脚姜✌🏻火喉十足，躯寒暖胃，猪脚入口即溶😋又抵食，真系好少有！自家制猪油渣捞面🍜每日新鲜制作，记得系限量供应呀！仲有自家制「鸳鸯酸梅汁」店主讲用咗唔同嘅鲜梅煲，入口清甜又解渴，清凉解腻！
继续阅读
已经行过几次呢条巷仔，今日终于买来试吓！因为发现系荃湾地标戴麟趾诊所隔离，𠮶条巷仔最近新开咗间怀旧风味的小食店，睇落去有啲似以前用绿色铁皮搭建𠮶种档口仔，虽然间舖头好细，但系小食嚟讲都算多，原本想食猪油渣捞面，唉！因为减肥我唯有买就咗一份麻辣鸡丝捞蒟蒻面试吓！有惊喜👍味道唔错👍麻辣似秘制够惹味😋哈哈😆配蒟蒻面冇咁邪恶减肥啱晒！（麻辣鸡丝蒟蒻面红萝卜丝青瓜丝）😌下次经过会再买其他嘢试吓！支持小店！
继续阅读