好好點心飲茶專門店•椰子雞煲專賣店

营业中

休息中

同朋友行花園街，中午朋友帶我去間火鍋店但日中原來係食點心，仲要用功夫茶具套裝飲茶，對比平時點心店更有心思，每枱都有個電熱水煲同兩樽大水，自己煲水沖茶🫖點心即叫即蒸，腸粉、馬拉糕、燒賣、棉花雞味道都不錯，有機會下次試試其他

燒賣酸嘅 豉油都酸嘅口水雞凍嘅 仲要生到透明啲牛肉球同排骨都勁膠 腸粉皮超級厚 叉燒都係有少少酸人人口味唔同但係我相信依餐食都會有同感原來我唔係第一個受害者依餐嘢食咗二百幾蚊

千祈唔好去！一入門口嗌極都冇人應，明明唔係繁忙時間好唔情願咁比張枱你坐問佢攞兩隻杯扮聽唔到，睇住個員工藐嘴藐舌攞完之後見住佢行走反白眼都算，貼錢買難受啲嘢仲要唔好食嗌個油菜啲蠔油係酸嘅嗌咗個牛肉球啲喼汁溝稀咗完全唔係嗰回事個煲仔飯一出嚟已經黐晒底，成個底都係黑色唔知擺咗幾耐先攞出嚟明明唔係繁忙時間，啲員工都係當你透明態度極之差咁唔想做唔好做啦同咗收銀過唔知係咪負責人嘅講上網睇返評論先知原來咁多差評同埋咁多都係話態度差🤬永久Blacklist 本身就唔歧視嘅，不過既然服務態度咁差不如返返大陸啦全部講嘢都唔正

第一次忍唔住喺度寫食評 一共叫咗六個點心鳳爪-打開蓋 嘩 酸餿味重到 隻色仲要特別到一咬落去差d想嘔燒賣 - d肉已經酸酸地 可能放左好耐菜肉包 - 個餡一咬落去爆曬啲酸餿味出嚟鮮蝦腐皮卷 - 呢個算正常少少叉燒腸 - 個皮厚到 一淋豉油 唔係甜豉油？ 竟然係酸餿既豉油 唔係比錯喼汁嗰啲酸臘腸蒸雞飯 - 臘腸全部係肥膏 蒸雞已經酸餿唔知放咗幾耐吞左個鳳爪 食左唔夠10分鐘 去左廁所大爆發想清腸胃可以去試下未試過食野食到打去間餐廳講 仲要叫我拎返落去比成再蒸過比我 想我屙多幾多次？！

經過見到呢度啲嘢食幾吸引 有椰子雞煲，同豉油點心啱晒我同男朋友今日嘅口味二百幾蚊嘅椰子雞套餐包煲仔飯同埋少少打邊爐用嘅菜半隻雞份量充足，不過唔係話啲咩靚雞 不過不失 成隻倒落去 會有雞油，所以啲湯會有油，唔鍾意嘅朋友要搣咗先掉落去 男朋友就好鍾意雞皮同埋雞油 所以到咗落去 我就怕怕 唔記得咗碌咗啲油麥菜先先有少少紅杞子同埋椰子肉 幾好味，雞好快熟，呢度嘅服務都好友善，都有啲口音，而且裝修同埋設計都好似大陸嘅餐廳 原來仲唔收+1，所以真係非常似煲仔飯製作需時熱辣辣！好大煲 我本身唔鍾意食煲仔飯，陪男朋友食咗少少 男朋友就食得好開心嗌咗金錢肚點心，金錢肚好明顯大量食素，不過好厚，好腍唔係新鮮，但係好味就算啦 底下嘅芋頭就真係唔新鮮到入唔到口挑剔嘅男朋友都係咁講 見到隔籬枱嘅點心都好靚好大份，下次可以試吓點心，不過都係海港抵食呢度勝在環境寬闊服務

見天氣凍諗住食個椰子雞煲，坐到埋位，見呢間舖頭都鍾意玩花臣嘢，又功夫茶，又漏斗計時器煮雞。舖頭衛生情況有待改善，座位對腳長人士嚟講就會坐得唔舒服。講番食物質素，一試個湯，就知，唉中伏啦⋯⋯ 個湯一開頭都係椰子水味，但唔知點解食左咁耐都係一啲雞味都冇🫥 ，好明顯隻雞本身都冇乜雞味。啲雞好多骨碎，食得太急好易俾啲骨拮到。叫左個四百幾蚊，手切肥牛餐，牛嘅質素都麻麻地。埋單成五百幾蚊，又收茶位錢又收醬料錢。真係不了，咁嘅價錢可以有更好嘅選擇！

星期日晚上朋友介紹到旺角西洋菜街的好好點心椰子雞煲專門店，朋友覺得相比起國內的椰子雞煲，這家店椰水湯底味道不錯，趁星期日晚上試一試。店舖上茶水比較特別，桌子旁邊自備一個煲水壺及一顆陳皮茶葉，在香港其他地方比較少見，可以減少人手之餘，亦可以顧客感受一下自己泡茶的樂趣，等候雞煲的時間亦不會覺得無聊。我們叫了一個$268套餐，包括椰子雞煲一個，煲仔飯一個，配菜，另外叫了一客小的安格斯牛肉，一個紅米蘿蔔絲腸粉。本來有一個$468套餐會包一個中碼安格斯牛肉，喜歡多吃牛的朋友可以一試。等了大約15分鐘，先來一下椰水湯底，入面有椰皇肉，店員表示每天收工之後師傅就開始新鮮開椰皇，湯底簡單得嚟正宗鮮甜。至於落雞的時間，店員會給予一個沙漏度數器，給予一個大概時間，以免雞肉過熟。今次晚飯整體材料新鮮，特別一題紅米蘿蔔絲腸粉，蘿蔔絲口感細滑，另外有少少薄脆在中間，口感香口不錯，是在外面比較少見的精緻點心。整體上今次晚飯經驗不錯，地點於太子港鐵站外亦很方便。

一路都有食開呢間店的，前幾天涼涼地和朋友去食椰子雞煲，湯底本身是好的，但送食物出嚟的大tray就睇落非常唔衛生，係濕淋淋好cam! 都算！但碟貢丸係變咗質，竹笙唔新鮮再加埋服務態度差！唔會再幫襯😡😡

之前成日經過見到間嘢幾特別，打算搵一餐試下，突然今晚有時間就諗住入去食一入到去見到有張吉枱冇人放擺好咗兩個位，就行咗過去，諗住問啲姐姐2個人可唔可以坐喱到，點解張枱喺佢哋隔離，都唔俾我哋坐，然後態度勁差咁係咁叫我哋去角落頭坐，嗰張枱咩都未擺，位置特別窄，咁啱我同男友都係有啲份量嘅人，坐出坐入唔係撞到隻腳就係頂住晒，諗住食完餐飯快啲走，都唔想計較呢樣。咁我哋落完單之後就等緊啲嘢食送黎初頭鳳尾餃食落都覺得還好，到後來黃金糕送到即刻食都係硬嘅，等咗好耐食到七七八八先上紅油抄手，成個味道都好奇怪，啲肉好似唔熟咁，同埋個餡好似冇經過任何調味，抄手入面淨係見到肉同埋韭菜，味道方面韭菜味超重，肉有騷味，韭菜味係勁到我男友食開韭菜都嫌太臭，但我最擔心都係怕煮唔熟，無論影出嚟定係實物望落都好似生生地咁。總結：員工態度唔算好食物以最基本嘅（燒賣、蝦餃）嚟講水平正常，但有部份食物係可以以難食嘅形容價錢方面偏貴，兩個人叫咗七樣點心埋單254蚊如果未食過嘅可以建議唔好去食，反正我唔會再食第二次。望落裝修幾特別，但冇諗過水準會令人失望

🍊 餐廳名稱：好好點心飲茶專門店•椰子雞煲專賣店🐝 味道：7.5/10環境：7.5/10整體分數：7.5/10/💰人均：$200———————————————————主打椰子雞鍋+點心既餐廳，岩晒心思思咩都想食又貪食既你。二人套餐包括半隻文昌雞，一個煲仔飯，同埋一份時菜。新鮮椰子加埋椰子水既湯底，連埋雞一齊煲熟之後建議先飲一碗湯，保證有驚喜！店員亦都會提供埋沙漏俾大家煮雞既時候計時，唔洗擔心隻雞會煮得太耐而變到啲肉好嚡。煲仔飯有幾款可以選擇，兩個人食岩岩好。佢地既星級招牌腸粉，當中以新鮮菠菜，攪拌做皮脆海蝦，加埋新鮮蘿蔔為餡所做成的腸粉。外軟內脆令到既口感非當豐富，值得一試。除此之外，仲有其他唔同既點心揀，有選擇困難症既就好似我地咁直接叫個「點心拼盤」啦。整過黎講雖然未到非常高質，但勝在性價比高，食物種類繁多。我地兩個人食晚市，人均消費大約係$180左右。尖沙咀，太子&葵涌都有分店，有興趣就快啲去試下啦！———————————————————🗺️ 旺角西洋菜南街242號地舖 🔍#FlavorforToday太子🚆 港鐵太子站 B2 出口, 步行約2分鐘

tasty dim sum esp congee ( my hubby had a toothache and didn't have appetite. but he said gingko is very yummy and steamed rice skin roll with beef too)

是日星期日到晚餐時段，行經過見到食點心飲茶專門店舖頭竟然有椰子雞打邊爐，🤤見好耐無食過，於是決定去試試食作晚餐。時間可能尚早，觀察到食客未見好多。選擇了一個新張期嘅熱情價套餐加一碟肥牛。🍲招牌椰子雞鍋套餐 $268文昌雞半隻：打邊爐煲水滾後先放雞件落去，雞件熟後，先試湯底，好飲好味，清甜！雞肉好嫩滑，點了青檸汁加豉油嘅醬汁令雞肉更昇華。四季明火煲仔飯：不過不失，飯粒粒分明。時令蔬菜一份：娃娃菜，份量偏少。肥牛：失望。🗯️🗯️🗯️一般嘅體驗，湯底挽回了好多分。

無刻意去依間餐廳食飯，衹是經過不用等位就即管試一試。一行兩個人點了一個 HK$438 的套餐，有文昌雞半隻；煲仔飯一煲(二人份量)；安格斯肥牛一碟；青菜一碟。都知道是冰鮮雞還好沒有冰櫃味，雞和肥牛味道一般沒有驚喜。煲仔飯飯焦剛剛好。但餐廳衛生程度有好大改善空間，例如自助熱水煲，水煲外殼很多污漬油漬。沖茶器皿"濕納納"好像沒有徹底清洗。卡位燈罩很多麈，洗手間、用餐區衛生情況絕對有很大改善空間。(請參閱附件)

嘩真係想像唔到，原來椰子雞煲係可以咁難食。雞 鞋 Un，湯底甜，不過似冇熬過應該係支裝椰子水再加幾片椰子，得第一煲係椰子水，之後加湯係要加豬骨湯底or自己煲怡寶水。叫咗個生蠔，送到尼，完全冇溶雪，到底發生了什麼事？姐姐話:「食食下就溶，你睇吓人地個個都係咁食」😱 最後食到尾都未溶，一9倒哂落去碌算。座位很窄，店內環境很污糟。忍唔住要寫食評，希望沒有更多人中伏。希望餐廳可以改善一下。食完都發惡夢。。。。

椰子雞煲火鍋餐行過見幾底入去食268包半隻雞，一個菜，一個煲仔飯原來茶錢要15蚊位，餐記咁仲要收加一，玩自己沖茶都無咩問題，但係點解要用大陸怡寶水樽去裝水喉水比人用，D樽油立立仲要比D蒸氣蒸到變左形。個煲一上呀姐姐都會介紹下點食煮幾耐，到食得飲啖湯先，一飲就出事，百份百係飲品既椰青水味甜到好假，完全唔係真椰青，個煲仔飯正常發揮。你話268唔好要求咁多，埋單實數係268+30(2茶位)+10%=328。睇到去唔去試就見人見至。