好好粥麵 (已結業)

其實30幾蚊一個早餐都唔會祈望有乜要求,不過最低限度D食物熱食要夠熱,多士唔夠脆同熱,D腸仔個心微暖,麵又過淋,牛肉奄到梅晒,無牙都食到,凍飲又唔夠凍,總之成個餐唔合格

名為「好好粥麵」，以往嚐過非粥品也料足好吃美味。今次順道經過嚐嚐經典的艇仔粥。此店所處理的艇仔粥果然與別的有點不同。牛肉碎鮮嫰呈夥粒狀，不分散而不會掩蓋其他餸料。其他配料如花生、豬皮、魷魚都新鮮爽口或香脆，粥品十分軟綿，米飯味十足，配搭出色，能發揮艇仔粥的真正美味，很棒！

通常只會早餐或者下午茶先會考慮食呢間野。因為一個午餐都成四五十蚊淨係食個面加杯野飲，我寧願食旁邊大家樂。而早餐或者下午茶會食呢間野既原因係因為其他餐廳排晒隊等好耐，而呢一間係永遠唔洗等既餐廳，唯有食佢。當時，唔洗等當然有原因啦，就係每個人係屋企求其煮都好食過呢間餐廳。我覺得間餐廳最差既係個早餐粉面既湯，又話係豬骨濃湯，我一Ｄ味都試唔到出泥，完全唔好飲，同個粉又唔夾。叫個通粉食，每次Ｄ粉都係冧晒，漿晒係個口到，可能係來貨既問題。其他環境服務衛生當然係唔錯啦，無人食既餐廳環境一定清靜啦。其實由呢間餐廳開到依家，我都唔明點解可以咁耐都唔汁，簡直係世界十大奇蹟。唔知其他太和友記唔記得呢間野既前身（津津）。細個個時每次去食完個早餐都充滿力量，而呢間好好，就真係我每次唔想排隊，就餓死先會去食佢。

都好多年無黎食咯，突然有點掛住以前美味牛腩撈麵，今晚好想回味一下。見到晚飯時間非常冷清，好多座位隨便坐，但無諗過咩原因，食左先講。牛筋腩撈麵，勁難食 ﹗仲要咁貴。牛筋大路，還可以，無特別，味道同質感都合格。但牛腩又碎又韌又乾又少，劣得可憐，雖則我好鍾意食柱侯牛腩，但實在太差。我除左食到好重既果皮味外，完全食唔到其他味道。麵條煮到腍劈劈又啖口，層經被剪斷過，太短又碎，唔喜歡，個清湯又好鬼咸。辣椒油，味道沉實，唔香唔辣，只係油味，無咩辣味囉，恰似點油一般，差差差。專程走黎太和食麵，點知比起以前差百倍，以前算滿意，依家係要用難食同惡劣黎形容囉。菜芯油菜，食落好奇怪，未試過淡如水既菜芯，無味既，到底佢地點煮架呢？定係產地來源唔同？定係我今日味覺有問題？機乎係無菜味，唔知食緊咩，覺係趙緊啲葉既纖維，而且唔係鮮嫰，有渣既、粗糙，好差，好很難食。

$34下午茶 唔算平 總是有少少期望的依碗酸辣雞全翼菜肉雲呑米線 加奶茶值唔值呢 睇下我下面點寫炸雞翼冇分碟上係要扣分的不過雞翼即炸冇過生冇過熟味不太咸有香茅味 雞翼係好味的菜肉雲吞皮滑 涵唔豐富但一口一餤 合格有餘酸辣菜份量少也不太辣我唔嚐辣就岩食 所以這很見人見致米線滑漲 唔係咁岩我 我鐘意幼米線多d 而且份量少奶茶有茶味但欠缺滑 同厚的感覺 一般$34 不過不失丫

是日的目的地是曾得到本年度國際金茶王大賽港式奶茶總冠軍的「醒記美食餐廳茶座」，來到太和火車站，未去嘆奶茶前，先就近醫肚，結果選了這間「好好粥麵」吃頓簡單的午餐。這兒有多款「精選套餐」供應，粥粉麵飯都有，全部都可以配以小食，還有豆漿和熱飲奉送，價錢都算合理。老婆仔吃的是「皮蛋瘦肉粥」配「豉油皇炒麵」，兩者我都沒有試，不予置評。我吃的則是「牛筋腩河」配「脆香鯪魚球」。「牛筋腩河」的牛筋腩當然沒有大埔「群記」那麼出色，不過牛腩肉質軟腍，牛筋也富有膠質，都算及格。「脆香鯪魚球」即叫即炸，味道是稍鹹了些，不過沾上漿粉後的鯪魚球外層炸得頗為香口，裡面的鯪魚肉也頗為彈牙，吃來尚算滿意。兩人選擇的飲品都是豆漿。味道偏甜，豆味一般，水準普通而已。吃過這簡單的午餐，稍休一會後，我倆便繼續出發，前往這天的目的地「醒記美食餐廳茶座」了。

又係 $24兩併麵加多士有熱飲熱奶茶有茶味多士厚身味道一般豬扒厚身...係！豬扒都厚身厚切，肉質鬆軟，香茅味濃，「肉」罷不能雞肉腸起雙，唔係廚師牌，唔咸，「肉」罷不能 x2 

$24兩併麵加多士有熱飲，其實都算平啦麵就只係好普通嘅麵义燒大得好有睇頭圓圓嘅雞蛋一隻...無偷雞無走雞重有少少菜絲襯托一吓...健康一吓聲稱嘅豬骨湯底就咸咗少少

諗住下午茶食得簡單啲，咁咪叫碟炒麵同凍檸茶嚟食，碟麵係即叫即炒嘅，好似不錯呀！不過真係太多油、太油膩啦！麵質又差，用錯食材炒錯麵！走黎用彈牙麵（即雲吞麵嗰隻）黎炒，唉，錯晒呀！炒麵邊會用呢啲麵黎做架，錯晒！

都好多年無黎過喇，今晚想試一試。突然想起當年好好粥麵啲牛腩撈好正，好想返黎回味一吓。黎到見到晚飯時間非常冷清，但無點諗過咩原因就坐低左。食完後發覺比起以前差百倍，依家係要用難食、地獄級惡劣黎形容先得囉 ~ 向朋友查詢，佢地話轉晒一早轉晒啲員工喇，所以咪唔同晒囉 ~ 未食過咁難食既撈麵，多謝賜教，見識不少 ~菜芯油菜，食落好奇怪，未試過啲咁淡既菜芯，無味既，到底佢地點煮架呢？定係產地來原唔同？定係我今日味覺有問題？機乎係無菜味，唔知食緊啲咩，覺係趙緊啲葉既纖維，而且唔係鮮嫰，有渣既，好差，好很難食。牛筋腩撈麵，勁難食，仲要咁貴。牛筋大路，還可以，無咩突別。牛腩又碎又靭又少。我除左食到好重既果皮味外，食唔到其他味道。啲麵煮到腍劈劈又啖口，層經被剪斷過，太短，唔太喜歡，個清湯又好鬼咸。辣椒油，味道沉實，唔香唔辣，只係油感，無咩味道，恰似點油一般，差差差。

返到來太和又想食粥....因為選擇不多...就去了好好粥麵!冇辦法好多東西也不能食...這段時間要介口介口...盡量清淡一點吧!來一個豬膶粥加叉燒腸....豬膶粥 - 不夠新達那間好味~差點點!叉燒腸 - 叉燒不夠新鮮...腸粉不夠滑~差!!!!

話說日前感冒, 去呢間野買碗粥食啦。咁我好多時食都"走青"=即唔要生蔥。諗住唔舒服唔要蔥啦。去落單位同事講:"xx粥...外賣, 可唔可以走青呀~?"佢即刻同個廚房阿姐講走青啦。個阿姐居然話:"走青自己走啦.."嘩~ 咩事呀... 呢d都可以咁大聲夾惡講架..之後到我拎走都係無走青.....麥當當d包走醬都得啦...d粥又唔係一定要蔥~ 第2間都唔會咁...激死人喇~!!我都唔係無理要求無左被人服務既感覺。

想喺太和村食嘢,除咗大家樂,其實冇咩選擇,但呢間集團經營的粥麵店就唔係幾爭氣.前日一條友去食晏,見佢餐牌上有三款米線(雞翼,豬扒&好似雪菜肉絲之類),豬扒&好似雪菜肉絲側邊有個貼紙,註明呢兩款可以加幾蚊轉套餐,即係有油菜及飲品.好啦我想食豬扒,個阿姐至話:「唉吔! 貼錯咗添,豬扒冇套餐,係雞翼同雪菜肉絲至有咋.」語氣態度真係一啲歉意都冇. 冇呀! 咁我唯有從食雞翼與雪菜肉絲之間二揀一,邊俾錢邊諗,決定食雞翼,張一百蚊紙半懸在空中,個阿姐突然離開咗個位....佢要轉更....唔係放工,係佢夠鐘食晏啫. (我見佢走咗去後面坐低等食)哇,你做到天一半地一半,就粒聲唔出走咗去,係咪咁趕呀 雞翼米線要等,我等咗七八分鐘,唔耐煩走counter問,個阿姐話:「咦! 你個冧把咪出咗囉, 碗米線呢?」佢隔個阿姐就: 「吓! 碗米線乜唔係xxx號咩, 我俾咗佢啦.」xxx號的冧把係遲過我, 佢俾咗人「唉吔唔好意思呀,我即刻整個碗俾你,好快,你等等.」起碼佢都有道歉,除咗等,我可以點啫.咁佢又真係好快,兩分鐘就整好.我拎碗米線返位,已經好鬼肚餓,正想食....咦!點解碗米線白雪雪ge? 老實講,因為等咗太

今天下午我和爸媽三行人到好好吃下午茶。食物質素一如以往的okay。但是卻遇上很奇怪的收銀員。話說我爸爸正和收銀員落單之際，忽然有個男人走過來「打尖」落單，好不禮貌。而更奇怪的是收銀員竟然接受他的落單。我爸爸被逼走在一邊，媽媽自然就好「言」相向。好好是一間連鎖店，服務和食物質素一向ok。不知道是否因人力市場緊張緣故，對收銀員的training真的不太足夠，否則何以見人打尖也照樣收單呢?

今日頭痛到死, 所以請左日假無返工...睇完e生就要食野餸藥.今次係第二次幫襯, 印象中係幾好味, 叫左外賣: 金獎雲吞麵+熱檸水, $20, 力到番屋企一打開, 原來個外賣盒有Q蹊, 分左上下隔, 咁d麵就唔會吸晒湯吸到發漲, 再加埋熱辣辣鮮蝦雲吞同麵落個湯到, 好正ar...可惜我太餓喇, 無影到相..但真係幾好味架....