影片
食家推介
与同事各点花枝饼及炸鸡扒便当，炸物面铺了2-3层盐，其他部分也甚咸，每台食客都叫「口渴」，要饮品。向店员反映，她听后扮听不懂广东话，然后才问「系咪落单」，我再重覆食物太咸，叫厨房改善，她竟表示「以为你落单」然后离开，再叫都不理。埋单再向收银反映，她只说「厨房系咁」。肉燥带甜有药材味。唯有black list, 再见，无法回头。
继续阅读
咁岩要出北角整野同时解决午餐问题，行过见到呢间都几多人等，应该唔会中伏既😋因为得一个人，所以唔洗等位就入得，入面装修都有d台湾风味，但座位放得比较迫，櫈系冇靠背，lunch时间好多人，有袋既要抱住个袋食饭，坐就唔系几好坐叫左个台式香肠香菇卤肉便当🍱跟一包纸包饮品🧃，配料都几多，黄萝卜、豆角、生菜、芋丝、溏心蛋等等，卤肉味都够，味道冇话特别惊艳，但咁耐冇得去台湾旅行，都系怀念一下台湾既味道😺
继续阅读
好好便当地址：鲗鱼涌英皇道937号地舖真系好挂住台湾呀~ 无得去台湾为带去揾台湾风土小店啦😕！呢间好好便当由门面设计到店内啲布置都好似倒咗模嘅台湾小食摊一样🤩。主菜以台式夜市炸物为主，当然我今次就试咗最多人拣嘅好好大鸡扒香菇卤肉便当 🍚🍱🐔 $58，热辣辣鸡扒超大旧又够脆够滑，调味都算突出椒盐香味😁，加上配菜都几多有高丽菜、腌萝卜、卤萝卜、青瓜、半熟卤蛋同埋芋丝。芋丝超入味又腍似足粉丝，而且卤肉又唔会太盐，抵食😎。#nicefoodie鲗鱼涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious #lunch #hk #香港 #香港美食 #美食 #鲗鱼涌美食 #打卡 #鲗鱼涌 #香港口味 #隐世美食 #隐世小店 #半价优惠 #人气餐厅 #人气美食 #台湾 #台湾野
继续阅读
因为要开会所以嗌外卖，留意到呢间台式便当，于是就试下。😀我就试咗台湾香肠香菇肉燥伴乌冬，佢仲有米线拣。佢用嘅乌冬系平时打边炉好普通𠮶只，唔太好食，不过胜在佢嘅肉燥够浓味，盖咗个面唔好食嘅部份。而且佢啲肉燥真系有冬菇粒，都有诚意。而个台湾香肠都偏咸，不过烤得几香，有台湾香肠嘅风味。可能因为太浓味，所以食完会好口渴。🥵朋友就嗌咗大大块鸡扒便当，都真系几大块，不过可能因为外卖所以淋哂，有啲可惜。佢嘅鸡扒正正常常，唔算有惊喜。仲有墨鱼春卷都一样系淋哂。反而卤水鸡腿🍗就无事，几好食😋。如果食呢间都系建议堂食，咁啲炸嘢应该会酥脆同新鲜啲。
继续阅读
又系一间长期好多人排队嘅餐厅，不过我可以好肯定咁讲，一定系优越的地理位置，我食过两次，两次都系好差。首先份量太小，就算系正常女生都未必够食！其次系味道太浓，除非你本人真系好钟意食一啲好重口味嘅嘢，否则你一定觉得好口干，第三系作为一间台式餐厅，一般你谂得到嘅台式饮品都唔会有全部都系道地罐装饮品嘅台式饮品，仲要加$8，一啲都唔值！佢连上菜都系比个纸盒你，完全系符合佢个名，好有台湾便当嘅感觉，但真系唔太好食。
继续阅读