11
7
1
港铁太子站 E 出口, 步行约7分钟 继续阅读
电话号码
27767088
营业时间
今日营业
07:00 - 23:00
星期一至日
07:00 - 23:00
付款方式
现金
座位数目
60
其他资料
酒精饮料
电话订座
加一服务费
电视播放
招牌菜
四川水煮鱼 白胡椒猪肚鸡煲 好味皇三杯鸡 奇味生啫鸡煲 瑶柱上汤菜胆鸡
食记 (21)
等级4 2019-03-07
434 浏览
睇开我食评都知我住喺深水埗 呢间根本就系我嘅饭堂 本身今日冇谂住嚟帮衬 不过去到另一间茶记 我老婆觉得啲快餐唔啱食所以又嚟咗呢度食小菜 我老婆锺意食生炒排骨 小菜就68,但见佢今日快餐都有,就37 咁就梗系叫快餐啦 快餐有汤有饭有嘢饮 我老婆饮冻奶茶加咗两蚊 但讲真76蚊我都真系煮唔到呢一餐饭今日个肉饼个名好搞笑叫鸡蛋咸蛋蒸肉饼, 我唔知佢系写错定系乜个肉饼啲肉摆明用松玉粉淹个,肉也捞咗水 ,再加咸蛋, 应该仲有少少鸡蛋白所以成个肉饼松化到不得了 系完全唔使咬,感觉只系一个硬少少嘅肉酱,但系我个人超锺意,咸咸香香超好餸饭我老婆个生炒骨 份量足,不过明显啲肉较硬 ,个粉浆亦都有少少硬而生炒骨个汁,并唔系一般食开嗰种酸甜味, 唔系唔好食,但系有啲唔惯 而亦都冇青椒,洋葱亦较少 我个人麻麻地,所以老婆系咁夹我碟肉饼例汤唔系好够热,畀我一瞬间饮晒,都唔知自己饮咗个咩汤我见上之前有食评话嗰个阿姐黑口黑面我完全认同但我极度怀疑嗰个系老板娘 因为男嗰位老板非常好人殷勤 但都系冇乜笑容 见佢又冇闹呢个女人 所以我估计佢系老板娘不过我黎完全为咗食物 我都冇乜点理佢 其实佢个人冇乜点 佢系自己黑口黑面佢唔系黑人哋口面 所以我ok嘅 继续阅读
(以上食记乃用户个人意见 , 并不代表OpenRice之观点。)
等级1 2019-01-02
261 浏览
买一个外买羊腩煲,配料比主菜多得非常,最怪的是!羊腩煲内有白罗白!问题系菜式应该包括什麽!下一次有其他人买,会否加入豆付?加入粟米?什至其他?此店不只是一次有就问提!希望大家见字後,可以好好考虑,亦希望此店生意兴隆! 继续阅读
(以上食记乃用户个人意见 , 并不代表OpenRice之观点。)
等级1 2018-10-14
498 浏览
茶记位处添好运隔离,快餐平,$40以下有汤有冻饮,食物不过不失,平民饭堂。之但系入面个阿姐,黑口黑面,无水洗面,由入门到出门都黑面赶客,落单态度衰到一个顶点,个餐到左,放到我屋企咁远,你不如索性放落隔离枱啦笨!如果佢系老板娘要同生意斗气就无话可说,若果佢只系一个伙记,真系对唔住,我绝对会因为佢既态度而唔会再次帮衬。当然食得茶记唔好要求五星级服务,作为食客,其实要求好简单,入门笑一笑,落单有礼貌,走时加句多谢就已经合格有余,你要记着,我黎食晏,唔系英雄饭! 继续阅读
(以上食记乃用户个人意见 , 并不代表OpenRice之观点。)
等级3 2017-07-22
1166 浏览
今日去深水埗洗车,因为要等成粒钟,於是去咗附近嘅茶餐厅食住下午茶等。B餐菠萝油跟茶走 $20 菠萝包太过热,应该系用冻咗嘅面包翻叮,所以令到牛油上枱时,已差唔多溶晒。食唔到外脆牛油冰冻嘅感觉,而面包叮太耐变得好腍。茶走内嘅炼奶落得刚刚好,唔会太 甜,茶味浓唔涩。D餐法兰西多士跟茶走 $22 西多士明显系即叫即炸,炸得金黄,上枱热辣辣,外脆内软。搽埋牛油同蜜糖,唔错~ 茶走内嘅炼奶落得刚刚好,唔会太甜,茶味浓唔涩。 继续阅读
(以上食记乃用户个人意见 , 并不代表OpenRice之观点。)
等级4 2017-03-25
1111 浏览
其实几年前同友人K来过这店晚饭, 但印象已经很模糊, 是夜再来内部陈设感觉是没太大改变, 土炮茶餐厅一间, 还好这晚有卡座可以坐, 叫咗一个豉汁白鳝饭$73有点贵但现在价位就是这样, 因为黄鳝一般是新鲜货所以稍稍腌味已经足够这店做到了, 之前一个星期左右在庙街某间茶记食过的白鳝煲仔饭的白鳝被过份加味腌过之後基本上再吃不到鳝原来的味, 今次呢间的厨师就真的知道鳝肉应该怎样处理才能保留原味这课题, 米饭份量也不少, 豉油则随个人喜好我们没有全部落晒都足够, 有适量饭焦全部食晒, 但现在好多时煲仔饭都唔见有两条青菜搭下, 成本真的那麽紧拙吗? 少了一个绿色好多时都感觉是欠缺了什麽似的? 我相信作为厨师唔会感觉唔到!只系好多时出多两条菜可能被老板话两句就无人想咁解, 另一个餸则叫咗菜牌上的NO. 9 枝竹豆腐斑腩煲 $55呢个反而觉得佢几平下, 因为唔超过$60算平架啦! 味道系重口味多油版本啦! 斑腩个炸衣较厚都是一般通病啫, 除咗呢样唔算太差嘅! 60蚊以内系咁上下啩, 有机会再来试其他野! 继续阅读
(以上食记乃用户个人意见 , 并不代表OpenRice之观点。)