好味煌海鮮火鍋專門店 (已結業)

服务员态度有礼，好笑容，有部份仲几后生，有活力如果拣鸡煲，鸭煲，仲可以系自助区加鸡同鸭对比同场其他楼层既边炉优胜，CP值高，新张期内仲有一人一只鲍鱼送，煮熟都唔会劲缩水果种，弹牙同鲜味。其他材料亦新鲜，特别要提下店内供应既两款牛(任食) 美国安格斯同手切肥牛，美国安格斯咬落有浓浓既牛香，口感滑，手切肥牛亦唔失礼，油花均匀，唔会太滞，确实唔错其他选择虽然唔算多，例如海虾，鳝片，鹅肠，花胶，象蛂蚌等等口感都算新鲜，呢个价钱黎讲几高质，绝对值得一试好食过同大厦最顶层好多人等，间间分店都爆既个间…查看更多

打边炉最紧要系个炉😂但对于阿佬来说，有无限啤酒同＂脆肉鲩鱼腩＂先系最紧要！今晚两个人，佢就带咗我嚟这间佐敦的海鲜火锅店。放工过嚟七点多，到火锅店后，人流未至爆棚，但真的是男士们一大枱一大枱的较多，老豆心得，多数系唔花巧，抵食之选。百零蚊任饮任食的火锅不代表无选择。呢度ge汤底已经有10款，啤酒鸭、椰子鸡丶酸菜鱼，但辣妹辣哥的我俩，梗系拣四川麻辣锅！开始之先，已点了任食的牛肉二款，安格斯牛同手切肥牛，脆肉脆鱼腩当同帆立贝。我哋无点丸同蔬菜，系因为除左可以系剔剔纸度拣，佢哋佢有自助火锅生料雪柜，丸呀菜呀面呀都整整齐齐排好，有得自己走去睇边样样靓新鲜就攞边样，而且呢度仲有4有排饮品柜，我饮完两罐啤酒再饮冬瓜茶(罐装），真系唔会热气。之后再encore 几轮肉，点埋水饺、水鱿，再去埋雪糕柜攞雪糕，捧住个肚腩走。总结：有时俾D佬带吓路都有意外收获…查看更多

约左火锅控朋友dinner,小资族拣任食是常识吧。订左8:15，由于太旺场，等左一阵先入得，不过门口有櫈，有得坐住等都OK...入座后拿拿林拣好汤底同野食就行去自助酱料吧拎酱料，同攞野饮，酱料同饮品都多选择尼到嘅蔬菜类面类丸类都系自己出去涷柜夹，食几多拎几多，唔洗下下落单我，等餐蒙，唔错。职员都会就不时帮我地加汤，肥牛以仼食黎讲质素唔错，软滑略带小小牛味，encore左几round都无漏单，抵赞。…查看更多

天气继续热辣辣，但都无阻我地去打边炉嘅心，开大个冷气，好似打猎咁，睇见食物浮上水面就即刻捞起，沾下酱，吹一吹再摆入口，爽呀！今日黎咗庄士伦敦广场嘅好味煌，上咗扶手电梯后要再搭lift先上到去，记住搭要行上楼梯𠮶部㖞，我就系因为搭错而搭咗两次……店面非常光鲜新净，应该开咗无几耐，有卡位同圆枱，近窗位置望到街景，视野唔错，佢地提供嘅汤底选择亦非常多，市面比较少见，但因为两人食只可择一款，所以我地就拣咗清少少嘅泰国椰子鸡锅，汤底几清香但味道唔算浓。呢到食物分为写单同自己出去攞嘅，肉品肥肉唔多，食落唔油腻，肉味亦几好，鱼肉片都几新鲜，比较特别少少嘅系，佢地价钱唔算贵，但居然有象拔蚌片，花胶同海虾任食，性价比算高。饮品方面同外面嘅比, 大同小异，雪柜够冻，呢样好重要，尤其系夏天打边炉时，食一啖热嘅食物，饮返啖冻野最正。…查看更多

难得与妈妈行街shopping，晩餐梗系要食我们母女都至爱嘅火锅，最近喺网上睇到弥敦道有间火锅店「好味煌海鲜火锅专门店」2个半小时HKD158/1位任饮任食咁价钱十分抵食。坐电梯上8楼一打开门已经见到大大个招牌,门外看都坐满了好多人，非常非常幸运唔使等可即时入座。入内装修好简单就如一般嘅火锅店，右边则是落地玻璃，地方好宽松和干净。一坐下服务员好亲切地讲解细节。食物分为落单纸和自取两部份，落单纸食物好多选择。汤底已有10多款，两个人只可以提供一款汤底，只要加多HKD18就可以选择两款汤底，最后选择了麻辣锅和酸菜锅。牛肉有手切肥牛同安格斯牛肉，两款牛手切肥牛较为好食轻轻一煮就食得牛味香浓，还有脆鲩鱼、蜂巢豆腐、虾、鳗鱼片、鹅肠、响铃、花胶...等等咁嘅价钱好多选择真的好值得食自取部分都有40几款食物包括有多款蔬菜类、牛丸，贡丸，鱼片头、鱼蛋、冬菇、蕃茄、黑木耳、芋头、萝卜、猪肉、鸡肉、猪肚等等…查看更多