好主意餐廳 (已結業)

個日約左朋友係附近行過，所以黎醫醫肚的，諗住試下野我地係有少少選擇困難症，都揀左好耐先揀呢間，全靠點指兵兵唔知食咩所以叫左個2人餐，有一籠蒸蝦飯同半隻雞，再加多碟蒜炒時蔬蒸蝦飯係香既，但略嫌蝦唔係好夠食，蝦肉有少少林得濟，飯比例比較多，蒜蓉都唔係好夠多，好多都係白飯黎霸皇雞肉質一半，未至於好鞋口，有少少肥，不過都夠味個日時蔬都係白菜仔咁，冇咩可圈可點之處，不過都新鮮兩個人178二人餐，如果個籠蒜蓉蝦飯水準好D都算OK既

放假與男朋友出街食晚飯，今晚近近地，食樓下間茶餐廳。一坐低，樓面會先比個例湯你飲，正常味道。揀左二人餐，$178，有半隻薑葱霸王雞，一份籠仔蒜茸蒸蝦飯，一碟蒜茸炒時蔬，我地揀左西蘭花。$178包左咁多嘢食，一開頭覺得幾抵食。但當啲餸菜黎到，就頓時覺得唔算抵，份量其實唔多。食食下，覺得唔夠餸有飯剩，叫多個什果咕嚕肉，心諗$65既咕嚕肉，應該都正常份量掛，點知都係好細份。味道就不過不失啦。但霸王雞煮得太耐，啲肉好老好鞋。蒜茸蝦飯，啲飯明顯太乾身，蝦唔新鮮，但蒜茸味好夠，已蓋過一切，好多飯，應該有四碗。全晚最好味既竟然係蒜茸炒西蘭花，新鮮爽口，好香蒜茸我諗下次會去試其他餐廳

今次專程來試這個冰鎮咸猪手，做法有點特別，賣相都OK，不過吃起來似燒腊店的燻蹄，比較淡口，肉質爽脆，點蒜蓉醋或者日本芥辣豉油各有特色，原隻都算大碟， 總括嚟講三二知己，佐酒品嚐道ok

幫襯過好幾次的好主意餐廳，今晚又再來吃飯， 餐牌上見到原隻黑椒脆皮咸豬手$108,叫咗一隻，鉄板上，黑椒汁分開上老闆說客人可應自己喜歡放上去，豬手炸得很脆斬件上，淋上美味黑椒汁，非常惹味，餸酒一流，另外叫咗清蒸紅鮋，白菜仔炒牛肉，西檸雞，茄子班腩㷛，各樣都有水準

街坊舖仔，寫篇食評，希望進步。下午茶時段，叫個西多士餐＋凍飲，滿足晒肥仔口腹。熱辣辣，牛油啱啱溶，無得頂。夾心老細話係用花生醬，肥就肥D，但真係惹味。價錢算合理，但坐位唔太好坐 （卡位例外啦），張張櫈太大張太重，好左訂。估唔到小店都有八達通嘟卡機，方便，Like!

有驚喜！小店送菜有水準，一定再黎！我本人對呢種炸豬手,情有獨鍾!因為佢係用酥炸形式煮成，香脆內軟更覺甘香惹味,加上此店配上之酸甜汁,簡直絕配!店員推介雞煲下次試試去!

同太太同埋小朋友喺竹園附近探完人，夜晚經開就諗住食埋先返屋企。入到去，地方都好光猛四正。叫咗：蒸肉餅，咖哩牛腩煲同炒菜，仲有蒜蓉包。蒸肉餅：可以，純粹叫俾小朋友食咖哩腩：幾香，炆得幾淋，好味！估唔到蒜蓉包好好味，點咖哩汁，一流！呢餐可以呀，咁嘅價錢算幾值。服務算幾好，有機會會再幫襯。

舊同學飯局，有人話去黃大仙新開的小菜館，一早留了枱。舊同學係街坊，之前食咗幾餐，覺得有D水準，由她安排。第一道菜是鹽水浸蜆，上湯用大頭菜切絲，再加粉絲，簡單的配答，好match。跟住上預訂的咖哩炒蟹，記得叫豬仔包或蒜茸飽，點下D咖哩汁，正!清炒白菜仔，係我覺得幾好食的一味，炒得剛好，可見廚師幾有功底。最後，同學安排雞煲，大家可以慢慢烚下烚烚玩足一晚。雞肉幾鮮，汁好濃，待應話食完D雞先再打邊爐，反而雞煲的味比起有些專門店更好一點，係今晚最抵贊的一味菜。今晚幾滿意!美中不足係待應好似新入行，發緊夢咁，希望佢地會改進，唔係廚師再努力都比佢地扣晒D分。