奶茶咖啡室 (已結業)

朋友說這店其貌不揚，但食物不錯，而且價錢非常親民，值得一試。這天來吃下午茶，點了兩個下午茶餐。鹹牛肉雞蛋三文治烘底：三文治烘得脆脆的，鹹牛肉很多，雞蛋炒得很嫩，好吃。芝士豬扒包配薯條：亮點不在豬扒包而在薯條。一般茶餐廳用的是幼身的薯條，這家的是薯角。薯角一般只出現在較高級的餐廳，口感比幼身的薯條好得多。至於豬扒包，味道也不錯。這店就是一般茶餐廳的格局和裝潢，環境只屬一般，服務也不特別突出，就是食物不錯，而且價錢便宜，這兩個下午茶餐，每個也不用30 元，轉動飲也只是加2元。…查看更多

住咗大角咀好多年。諗住幫襯下小店 支持下但我以後唔會再幫襯呢間野我幫襯左好多次每次都俾機會佢但係我今日發誓以後唔會再去態度差 差到一個點嗰個女人淨係識得喺度大聲鬧客我堂食叫咗個早餐30分鐘都仲未到 吹咗佢好多次佢做晒外賣先先做堂食我話我走啦唔等啦 女人都費事睬我都費事睬我淨係喺度鬧呢間餐廳態度差已經係好耐嘅事仲要啲嘢好污糟抹枱嘅而家肺炎疫情都係咁污糟我發誓唔會再去呢間野 …查看更多

三十幾蚊個豐富牛扒餐，有牛扒、煎雙蛋、薯角、餐包仲有沙律菜，反而白麵包（多士）要加錢🧐而且假日早餐仲做到12點⋯⋯如果想食粉面，佢有個肥牛湯意粉，加雙蛋，營養d好過食嗰啲化學肉丫。…查看更多

奶茶咖啡室今朝去食早餐，有位四眼男侍應態度非常惡劣，我地唔明三併麵餐加幾錢，佢好不耐煩地大大聲解釋，仲呼喝我地，話「所有人都明加幾錢啦！係你地唔明🤬！」嚇親埋隔離枱😰，搞到我地全程食野都非常之唔開心，無晒心情！我地埋單時同另一位姐姐投訴，佢掛住聽電話唔理我地😡😡咁小事駛唔駛咁惡鬧客人？！係未生意好就可以唔理會客人呢？我和老公都成日去食，但今次真係好失望！希望餐廳會改善服務質素！…查看更多

麻麻0地, 冇乜0野唔會再食 講到食，咩都係假，最緊要d0野好食 以5為最好。 食物質數:  我俾唔到囉....其實叫個早餐可以有幾差呢~  但真係估佢唔到, 1. 份量: 西式早餐份量好少..... 2. 個湯通粉份量好少, 但味道OK3. 漢堡手八, 得一塊咁多, 我記得以前都有2塊.... 味道就係正常煎返熱咁味囉....4. 個窩夫過0左火, 煉奶好多, 塊窩夫游緊水咁...  環境:乾淨企理，冇乜特別，但可以接受。 服務:  阿姐服務 一般, 坐落冇耐就0黎落單。價錢:  $38個咁0既早餐.... 大角咀區有好多比佢好0既....  食後感: 咁0既價錢咁0既食物，唯有講失望, 冇乜0野都唔會再幫襯囉!…查看更多

茶餐廳快同平，好唔好食見仁見智，但今日試呢個「燒鰻魚配海鮮炒飯」實在係「值」！成條鰻魚咁長，鰻魚汁又多，撈飯食真係好好味！只係$58其實算抵食！餐廳仲有好多選擇，價錢有平有貴，下次會試埋其他…查看更多

呢間奶茶咖啡室成為我近排嘅早餐飯堂，因為佢要早餐實在太精美，每日食佢都覺得好嘆。佢一份早餐大概30幾蚊，我極推介呢個薄牛扒餐，加$5可以有個奶油窩夫，跟餐仲有少少沙律菜，小小薯角，一兜茄汁豆同兩隻煎蛋或者炒蛋，跟餐有個牛油包，跟一杯熱飲，真係非常之豐富，見到個賣相已經覺得好開心啦！…查看更多

食下午茶當 lunch，價錢幾抵，都幾多人幫襯。厚西多，幾好食有驚喜，係用4塊薄方包炸起，唔知係咪因為咁特別鬆軟，而且沾蛋都多啲。星洲炒米唔好味，唔知點解落急凍雜錦海鮮炒，但啲海鮮粒無醃過一啲味都無。…查看更多

星期六都仲要返工，唯有食個豐富嘅早餐獎勵下自己啦😋平日食開呢間奶茶咖啡室嘅雙拼出前一丁公仔麵餐 HK$28，好抵食， 仲可以揀黑蒜味或者原味。今日轉下新口味，試佢個蕃茄濃湯扭扭通粉配煎蛋、雞扒， 跟熱即磨齋啡 HK$28叫外賣嘅湯同通粉是分開裝的， 所以啲粉唔會浸到林曬。蕃茄湯裡面有蕃茄洋蔥甘筍，都幾足料😊 雞扒大大塊，煎得幾香， juicy👍 最緊要係讚佢杯熱齋啡， 超正😙 佢啲咖啡豆揀得好靚，唔會酸，但咖啡味好濃，入口甘香。嘆完個靚早餐，有心情開工了😄…查看更多

之前有一次食過呢間嘅黑椒牛柳粒炒意粉，好OK。今晚再去食，我要左黑松露軟殼蟹炒意粉，老公就要美式雜扒鐵板。兩款都好好味，價錢又好合理，以後，係大角咀就多一間飯堂，真係太好了！…查看更多

屋企附近有間港式茶餐廳，裝修都幾企理光猛，之前亦都有幫襯過佢嘅早餐，覺得都幾唔錯，所以今日就入去試下佢嘅下午茶。嗌左個芝士豬排包配粗薯條，配埋有「奶茶王」嘅美譽嘅熱奶茶。成個餐都幾大份薯條熱辣辣幾香脆，值得一讚個包幾有口感，生菜新鮮爽口，豬排都入味，但就冇芝士，唔知係唔記得落定點，所以有失望好彩杯奶茶拉番哂啲分，真係入口香滑，奶同茶嘅比例啱啱好，奶味濃，茶味香，唔怪得有奶茶王嘅稱譽成個餐都幾大份，食完好飽好滿足！…查看更多

之前自己一個食過, 覺得OK, 所以就叫晒成家去幫襯, 有老人家有後生, 餐廳可以話照顧晒唔同年齡口味的人, 望個餐牌中西日港式乜都有。港式特餐-芝士汁煙肉扭扭通配奄列牛角包唔同出面茶記普遍食到的特餐, 比較偏西, 好少地方有得食, 扭扭通配車打芝士汁一D都唔求其我哋去食晚餐但個牛角包仲好鬆軟, 唔似其他地方擺咗成日軟淋淋咁。老人家就揀小菜, 本來想叫兩條, 但侍應話淨返一條(明明晚飯時間剛剛開始)呢個OK啦, 同屋企自己蒸差唔多, 不過我唔會咁好心機落咁多豆豉再黎一個咕嚕肉, D汁同出面有D唔一樣, 甜甜酸酸, 個人覺得D汁較好味, 但肉就一樣差唔多我叫咗安格斯牛扒,  配有蕃茄同露筍係底, 黑椒汁好重味, 7成熟啱啱好正!!加埋碟意粉, 湯, 飲品好飽好飽最後一個超級有份量的雜扒個size差唔多跌出嚟咁濟, 又係加碟飯, 湯, 飲品, 兩個人食都得呀!! 而且只係$58, 真係"堅離地"咁底食!!餐廳坐滿了人, 但上菜都快, 我們後面一枱打緊細細鍋的邊爐, 下次都可以試下!!…查看更多

禽日去試新茶記 入到去人唔算多半滿 服務一般不過茶記預左 最緊要好食 叫左炸雞脾薯條 瑞士脾沙律 等左十五分鐘 黎左隻黑色脾 仲以為係瑞士雞脾點知切落去卜卜聲先知炸脾 一隻雞脾係雞最嫩部分 但俾你炸到好似雞胸咁肉都乾曬 點解咁黑色？碟瑞士脾黎到咪知囉 根本就係掉隻瑞士脾落油炸就做炸脾 豉油根本唔受得高温 咪黑到咁 雞脾炸得過火既同時 薯條油到癲 睇相就知油成點 啖啖油 明顯油温不足而逼唔出油奶茶瑞士脾沙律都非常普通重點係一間餐廳炸隻脾炸堆薯條都做唔到 懶到瑞士脾掉落去都夠膽 長遠盤炸油好快就炸到其他野黑曬仲未講d雜物食材放到週圍都有 …查看更多

環境舒適，音樂令人放輕鬆。點了奶茶和牛柳粒炒意做晚餐，才 $58。奶茶大杯香滑不濃，杯寫住金茶王，是得獎者嗎？牛柳粒炒意，牛有牛香，炒意有穫氣，沒有失望。我感受到經營者的誠意。…查看更多