女皇麵店 (已結業)

這間小食店，一直都很受學生歡迎，原因好簡單，這些港式小食很受愛戴。當日傍晚時分，和愛人處理一些事情，只得十五分鐘醫肚，就走進女皇麵店。今次是第二次到來，上次也是和愛人速食車仔麵，忙得沒有任何紀錄就吃完了⋯⋯食店的點餐紙分兩張，一張是: 車仔麵，而另一張是: 港式小食。附上螢光筆，方便自助落單之用。每枱還有辣辣菜脯供應生菜魚肉$26~平時吃生菜魚肉，只會落胡椒粉和麻油，今次見枱面有樽辣菜脯，咪試少少放在魚肉湯，哈！殊不知少少辣又幾好吖！魚蛋、燒賣$12~喜歡這店用上陳皮魚蛋，甜豉油配魚肉燒賣，小朋友會相當喜歡。煎釀三寶$30~落單即叫即做，夠誠意，熱騰騰出來，由於我們趕時間的關係，一邊吃，一邊說著: 熱辣辣！熱辣辣！和愛人笑著吃得過癮。…查看更多

作為車仔麵控，想試呢間女皇好耐終於有機會試。見到枱面有甜醬，所以點了粗麵，由細到大食車仔麵好中意落甜醬搞混。魚蛋入味、墨魚卷夠彈牙內裡亦有墨魚粒、豬腸夠瘦啱我口味、水魷正常。湯㡳揀了辣汁吾算咸食完亦吾囗渴啱哂怕味精重人仕。總括而言，47元4餸在尖沙咀算好合理，會翻啅。…查看更多

叫左外賣 攞到翻公司打開發覺比錯野食 打翻過去態度超差超串仲罵翻我轉頭 仲吾肯退錢 本身都吾系好食 只不過附近無野食先叫佢外賣 以後吾會再幫襯 好驚會加料 加上鋪內抽風好吾掂 鋪逗好大油煙味 吾會再食…查看更多

有時食個安樂茶飯並不是必然，今日路經呢間麵店，環境整潔，與鄰座的一間酒吧對比，價錢上簡直是超值啊~至於装修，比較特别，有數張高椅可供食客安坐及觀望店外的景色，十分怡人。多款餸菜任君選擇，店長推薦有雞翼，豬紅，豬頸肉，韮菜餃，魚腐，冬菇，雞翼尖等等。麵底都是一般米粉，油麵，幼麵，但意外地竟然只用菜類作湯底。飲品方面，選擇就比較少了。為求有飽肚感，小食當然是不可缺少的。生菜魚肉，煎釀三寶，雞翼，日式芝士年糕都有供應。兩碗車仔麵，其中一碗，當中配料有豬潤(夠爽)，豬腸(夠入味)，雞翼(夠嫩滑)及魚皮餃(夠鮮味)。另一碗，當中配料有豆卜(夠新鲜)，豬皮(夠淋)，雞翼尖(夠多肉，唔係瘦猛猛)及牛腩(夠大件，肉質肥美)。至於豆漿，似是真正用黃豆磨成，味道剛剛好。…查看更多

一行四人去食lunch，日日都頭痛食咩，最好梗係有人話事啦！好似今日咁，一落到街，同事就話不如去食車仔麵囉，我哋梗係一呼百應啦，因為唔使諗呀嘛🙊離Office唔使10分鐘嘅路程，就已經嚟到呢間都幾有裝修嘅車仔麵店。我同同事花左幾分鐘時間，揀左自己想食嘅車仔麵餸，呢度都幾好ga喎，除咗一般ge面種之外，仲可以揀菜底嘅！我呢排做咗食肉獸。今日揀個菜底，食返多啲纖維先！明明已經揀咗四餸加菜底，點知碗車仔餸上枱係意料之外ge細碗，如果已經$46，就真係貴咗啲。好似我叫冬菇，明明係$9嘅餸，就淨係得1隻咁大把⋯⋯魚腐同埋白菜餃都係得兩粒，豬頸肉都係得三四片，可幸嘅係佢嘅味道都算唔錯，好似我點ge辣汁都幾惹味。但始終CP值真係麻麻，我諗除非有人請我食😈，如果唔係我都未必會再試了…查看更多

由於上次我去叫個自取單，有個不愉快的經歷，所以原本都冇打算再幫襯佢，但係因為喺附近返工，所以點都會有冇得揀嘅時候🤣上次既情況其實係我叫外賣自取，而當時係冇客人既，但我係舖度等左15分鐘有多都未整好我碗麵，的確有點耐，突然公司有事，我要仆返去，其實路程2mins就到我公司，但由於我等太耐又趕住返去。所以問佢可唔可以轉外賣一陣送過黎～佢話： 我地依家食飯時間，冇人送呀，一係你就等我地食完飯先，等下一轉外賣單先送到比你.......😑你奶奶👵🏻即刻收左我皮！我咪返到公司整好哂野先自己行返返去拎咯～乜都淋哂啦，所以我冇辦法係正常情況下評價佢既食物🤷🏻‍♀️但冬菇係好食既，好大一個菇🍄🍄🍄🍄…查看更多

個腦時常想起車仔麵的味道，就選擇咗試吓這間車仔麵。內裏環境好整齊，清潔，員工仲好有禮貌，叫咗四仲餸米粉，仲有得揀有辣，晤辣，沙嗲汁等，再加埋餐廳自家製嘅菜脯，即刻吊起我嘅味蕾，所以話呢，精華所在。…查看更多

真心難食 冇一樣食物係有心機 難怪weekend黃金時間都冇人千其唔好食南乳雞翼 d雞翼唔知醃完擺左幾耐 D肉實到又硬又膠 同咸到一個點 仲要攞去煎 玩完 車仔麵d送都冇樣出色 廉價芝士腸ge味道質素難食腩肉 雪味馳名墨魚卷 唉 冇墨魚滑ge味 又唔彈 又冇味 得兩舊都食淨一舊唯獨是豬頸肉過得去（安慰）腩汁湯底冇咩特別 成碗麵平凡都談不上 一路食一路灰 唔係冇位擺車都唔試 永年已經開埋 陣係諗住點慳食物成本 而唔係去做好食物質素 遲早bye bye…查看更多

一街之隔竟然要半個鐘先送到！ 打開外賣個菜比錯左 魷魚又得一條 雖然豬皮係最入味 但咁樣就收$46過得去咩？ 本身唔係永年粉絲 但永年同樣價錢仲抵食又好食過啲間好多 就算要排半個中先有得食都好過叫呢間！ …查看更多

家陣係香港地要食碗 碗仔翅堅難，要係尖沙咀搵 就真係難上加難。呢間小店以前係柯士甸道，之前被人逼遷 以為從此無得食，無幾耐之前 見佢地搬咗離金巴利道（以前小甜谷個位）重新開張。好嘢👏🏼好嘢👏🏼😋車仔面 4個餸$45蚊，料算多 大大碗 堅抵食，羅白ok無渣，冬菇夠厚，麻辣蓮藕（自家制），都好食。仲有之前食過韮菜餃同墨魚卷都好食。加紙包飲品$5蚊，罐裝飲品$6蚊，去邊度搵？（唔好話俾我聽元朗有，呢度係尖沙咀😅）最最緊要 係要落佢地自家制既辣菜脯😋* 豬腸，粉腸，雞翼就唔推介喇😛 3溝都係我差唔多每次必叫既。碗仔翅$24蚊，2溝$26蚊，3溝$28蚊，梗係叫三溝喇～ (三溝有時會杰咗d，有時又唔係好夠熱，有少少進步空間，但大多數時候都ok既）煎釀三寶好食，未搬之前大舊d 抵食d。而家d魚肉少咗，辣椒同矮瓜有時候細啲。但無計喇 香港地乜都貴。一係加價，一係整細d lor (真心講我情願細啲都唔想佢加價）雖然呢度唔係乜野米之蓮推介，但腸粉、魚蛋、燒賣樣樣都有，價錢又平，以尖沙咀既舖租仲有呢d質素既 良心小店，非常難得。👍🏼讚p.s. 離到呢度食野個個都同你好好頃，服務一流，好似返咗屋企食飯咁，夠親切～like…查看更多

上次食過佢嘅車仔麵覺得好食，今次食左飯之後都過黎幫襯吓，去舊址以為執左，好彩偉大嘅open rice有新地址，叫左個兩溝當甜品，都唔錯，車仔麵冇得輸仲有其他小食都正…查看更多